역대상 16장 King Jems Pisin Baibel
King Jems Pisin Baibel · 톡피신어 · 역대상 (1 Chronicles) · 43절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ Olsem na ol i bringim bokis kontrak bilong God, na putim dispela insait long namel bilong dispela haus sel Devit i bin sanapim bilong en. Na ol i ofaim ol sakrifais i kuk olgeta na ol ofa bilong givim bel isi long ai bilong God. | So they brought the ark of God, and set it in the midst of the tent that David had pitched for it: and they offered burnt sacrifices and peace offerings before God. |
| 2 | Na taim Devit i bin wokim wanpela pinis bilong ofaim ol ofa i kuk olgeta na ol ofa bilong givim bel isi, em i blesim ol manmeri long nem bilong BIKPELA. | And when David had made an end of offering the burnt offerings and the peace offerings, he blessed the people in the name of the Lord. |
| 3 | Na em i givim long olgeta wan wan man bilong Isrel, man na meri wantaim, long olgeta wan wan wanpela hap bret, na wanpela gutpela hap bilong abus, na wanpela sospen samting i gat liklik maus bilong wain. | And he dealt to every one of Israel, both man and woman, to every one a loaf of bread, and a good piece of flesh, and a flagon of wine. |
| 4 | Na em i makim sampela bilong ol lain Livai long wokim wok long ai bilong bokis kontrak bilong BIKPELA, na long raitim, na long tok tenkyu na litimapim God BIKPELA bilong Isrel, | And he appointed certain of the Levites to minister before the ark of the Lord, and to record, and to thank and praise the Lord God of Israel: |
| 5 | Esap nambawan, na bihain long em Sekaraia, Jeiel, na Semiramot, na Jehiel, na Matitaia, na Eliap, na Benea, na Obet-idom. Na Jeiel i mekim wantaim ol kain gita na wantaim ol harp. Tasol Esap i wokim wanpela nois wantaim ol simbol, | Asaph the chief, and next to him Zechariah, Jeiel, and Shemiramoth, and Jehiel, and Mattithiah, and Eliab, and Benaiah, and Obed–edom: and Jeiel with psalteries and with harps; but Asaph made a sound with cymbals; |
| 6 | Benea tu na Jahasiel, ol pris, wantaim ol biugel bilong olgeta taim long ai bilong bokis bilong kontrak bilong God. | Benaiah also and Jahaziel the priests with trumpets continually before the ark of the covenant of God. |
| 7 | ¶ Nau long dispela de Devit i givim pastaim dispela sam bilong tok tenkyu long BIKPELA i go long han bilong Esap na ol brata bilong em. | Then on that day David delivered first this psalm to thank the Lord into the hand of Asaph and his brethren. |
| 8 | Givim tok tenkyu i go long BIKPELA, singaut long nem bilong Em, mekim ol manmeri long save long ol wok bilong Em namel long ol manmeri. | Give thanks unto the Lord, call upon his name, make known his deeds among the people. |
| 9 | Singim song i go long Em, singim ol sam i go long Em, yupela toktok long olgeta wok bilong Em i winim tingting. | Sing unto him, sing psalms unto him, talk ye of all his wondrous works. |
| 10 | Yupela glori insait long nem holi bilong Em. Larim bel bilong ol husat i painim BIKPELA wokim amamas tru. | Glory ye in his holy name: let the heart of them rejoice that seek the Lord. |
| 11 | Painim BIKPELA na strong bilong Em, painim pes bilong Em olgeta taim. | Seek the Lord and his strength, seek his face continually. |
| 12 | Holim tingting long ol wok bilong Em i mekim man tingting planti, dispela Em i bin wokim, ol samting bilong Em bilong winim tingting, na ol kot bilong maus bilong Em, | Remember his marvellous works that he hath done, his wonders, and the judgments of his mouth; |
| 13 | O yupela tumbuna pikinini bilong wokboi bilong Em Isrel, yupela ol pikinini bilong Jekop, ol lain Em i makim. | O ye seed of Israel his servant, ye children of Jacob, his chosen ones. |
| 14 | Em i BIKPELA, God bilong yumi. Ol kot bilong Em i stap long olgeta dispela graun. | He is the Lord our God; his judgments are in all the earth. |
| 15 | Yupela mas tingting olgeta taim long kontrak bilong Em, dispela tok Em i tok strong i go long wan tausen lain tumbuna. | Be ye mindful always of his covenant; the word which he commanded to a thousand generations; |
| 16 | Yes, dispela kontrak Em i wokim wantaim Ebraham, na strongpela promis bilong Em i go long Aisak. | Even of the covenant which he made with Abraham, and of his oath unto Isaac; |
| 17 | Na Em i bin strongim tok long dispela stret long Jekop bilong wanpela lo, na long Isrel bilong wanpela kontrak bilong oltaim oltaim, | And hath confirmed the same to Jacob for a law, and to Israel for an everlasting covenant, |
| 18 | I spik, Long yu bai Mi givim hap bilong Kenan, dispela hap skel bilong yu bilong ol samting papa i givim pikinini. | Saying, Unto thee will I give the land of Canaan, the lot of your inheritance; |
| 19 | Taim yupela i stap liklik lain tasol, yes, wanpela liklik lain tasol, na ol ausait man insait long en. | When ye were but few, even a few, and strangers in it. |
| 20 | Na taim ol i lusim kantri i go long kantri, na i lusim wanpela kingdom i go long narapela lain manmeri, | And when they went from nation to nation, and from one kingdom to another people; |
| 21 | Em i no larim wanpela man i mekim rong long ol. Yes, em i krosim ol king bilong helpim ol, | He suffered no man to do them wrong: yea, he reproved kings for their sakes, |
| 22 | I spik, No ken tasim man bilong Mi Mi makim, na no ken bagarapim liklik ol profet bilong Mi. | Saying, Touch not mine anointed, and do my prophets no harm. |
| 23 | Singim song i go long BIKPELA, olgeta dispela graun. Soim i go pasin bilong kisim bek bilong Em olgeta wan wan de. | Sing unto the Lord, all the earth; shew forth from day to day his salvation. |
| 24 | Tokaut long glori bilong Em namel long ol haiden, ol wok bilong Em i mekim man tingting planti namel long olgeta kantri. | Declare his glory among the heathen; his marvellous works among all nations. |
| 25 | Long wanem, BIKPELA em i bikpela, na ol man mas litimapim Em bikpela. Em tu ol man i mas pret long En antap moa long olgeta god. | For great is the Lord, and greatly to be praised: he also is to be feared above all gods. |
| 26 | Long wanem, olgeta god bilong ol manmeri em i ol piksa bilong god giaman. Tasol BIKPELA i wokim ol heven. | For all the gods of the people are idols: but the Lord made the heavens. |
| 27 | Glori na ona i stap long pes bilong Em. Strong na amamas i stap long ples bilong Em. | Glory and honour are in his presence; strength and gladness are in his place. |
| 28 | Givim i go long BIKPELA, yupela ol kandre bilong ol manmeri, givim i go long BIKPELA glori na strong. | Give unto the Lord, ye kindreds of the people, give unto the Lord glory and strength. |
| 29 | Givim i go long BIKPELA dispela glori i inap long nem bilong Em. Bringim wanpela ofa, na kam long ai bilong Em. Lotuim BIKPELA long naispela bilong pasin holi. | Give unto the Lord the glory due unto his name: bring an offering, and come before him: worship the Lord in the beauty of holiness. |
| 30 | Pret long ai bilong Em, olgeta dispela graun. Dispela graun tu bai stap strong, inap long em i no inap muv. | Fear before him, all the earth: the world also shall be stable, that it be not moved. |
| 31 | Larim ol heven i stap amamas, na larim dispela graun i wokim amamas tru. Na larim ol man i tok namel long ol kantri, BIKPELA i bosim kingdom. | Let the heavens be glad, and let the earth rejoice: and let men say among the nations, The Lord reigneth. |
| 32 | Larim biksi krai bikpela, na pasin pulap bilong en. Larim ol ples kunai i wokim amamas tru, na olgeta samting i stap insait long ol. | Let the sea roar, and the fulness thereof: let the fields rejoice, and all that is therein. |
| 33 | Nau bai ol diwai bilong ples diwai i singaut long pes bilong BIKPELA, bilong wanem, Em i kam bilong jasim dispela graun. | Then shall the trees of the wood sing out at the presence of the Lord, because he cometh to judge the earth. |
| 34 | O givim tok tenkyu i go long BIKPELA. Long wanem, Em i gutpela. Long wanem, sori bilong Em i stap strong yet oltaim oltaim. | O give thanks unto the Lord; for he is good; for his mercy endureth for ever. |
| 35 | Na yupela tok, Kisim bek mipela, O God bilong kisim bek bilong mipela, na bungim mipela wantaim, na kisim bek mipela long ol haiden, inap long mipela i ken givim tok tenkyu long nem holi bilong Yu, na glori insait long biknem bilong Yu. | And say ye, Save us, O God of our salvation, and gather us together, and deliver us from the heathen, that we may give thanks to thy holy name, and glory in thy praise. |
| 36 | Blesing i stap long God BIKPELA bilong Isrel oltaim oltaim na oltaim. Na olgeta manmeri i tok, Amen, na litimapim nem bilong BIKPELA. | Blessed be the Lord God of Israel for ever and ever. And all the people said, Amen, and praised the Lord. |
| 37 | ¶ Olsem na em i lusim dispela hap long ai bilong bokis bilong kontrak bilong BIKPELA Esap na ol brata bilong em, bilong wokim wok long ai bilong bokis kontrak olgeta taim, olsem wok bilong olgeta wan wan de i gat nid long en, | So he left there before the ark of the covenant of the Lord Asaph and his brethren, to minister before the ark continually, as every day’s work required: |
| 38 | Na Obet-idom wantaim ol brata bilong ol, 68, Obet-idom tu, pikinini man bilong Jedutun, na Hosa, bilong stap ol wasman bilong dua, | And Obed–edom with their brethren, threescore and eight; Obed–edom also the son of Jeduthun and Hosah to be porters: |
| 39 | Na pris Sedok, na ol brata bilong em ol pris, long ai bilong haus sel holi bilong BIKPELA long dispela ples antap i stap long Gibion, | And Zadok the priest, and his brethren the priests, before the tabernacle of the Lord in the high place that was at Gibeon, |
| 40 | Bilong ofaim ol ofa i kuk olgeta i go long BIKPELA antap long alta bilong ofa i kuk olgeta olgeta taim, moning na apinun tru, na bilong mekim bilong bihainim olgeta samting ol i raitim long lo bilong BIKPELA, dispela Em i tok strong long Isrel. | To offer burnt offerings unto the Lord upon the altar of the burnt offering continually morning and evening, and to do according to all that is written in the law of the Lord, which he commanded Israel; |
| 41 | Na wantaim ol Heman na Jedutun, na olgeta arapela husat ol i makim, husat ol i kolim long nem bilong ol, long givim tok tenkyu i go long BIKPELA, bilong wanem, sori bilong Em i stap strong yet oltaim oltaim. | And with them Heman and Jeduthun, and the rest that were chosen, who were expressed by name, to give thanks to the Lord, because his mercy endureth for ever; |
| 42 | Na wantaim ol Heman na Jedutun wantaim ol biugel na ol simbol bilong ol husat i mas wokim wanpela nois, na wantaim ol samting bilong wokim musik bilong God. Na ol pikinini man bilong Jedutun em ol wasman bilong dua. | And with them Heman and Jeduthun with trumpets and cymbals for those that should make a sound, and with musical instruments of God. And the sons of Jeduthun were porters. |
| 43 | Na olgeta manmeri i lusim dispela hap, olgeta wan wan man i go long haus bilong em. Na Devit i go bek bilong blesim haus bilong em. | And all the people departed every man to his house: and David returned to bless his house. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL