로그인

역대상 14장 King Jems Pisin Baibel

King Jems Pisin Baibel · 톡피신어 · 역대상 (1 Chronicles) · 17절

🖍 이 판을 읽기 도구로 읽기 📖 무료성경
  1. 1 ¶ Nau Hairam, king bilong Tair, i salim ol mausman long Devit, na ol diwai bilong sida, wantaim ol man bilong wokim simen na ol kamda, bilong wokim wanpela haus long em.
  2. 2 Na Devit i kisim save long BIKPELA i bin strongim tok long em i king long bosim Isrel, long wanem, kingdom bilong em God i litimapim antap, bilong wanem, Em i tingim ol manmeri bilong Em Isrel.
  3. 3 Na Devit i kisim ol meri moa long Jerusalem. Na Devit i kamapim ol pikinini man na ol pikinini meri moa.
  4. 4 Nau ol dispela em ol nem bilong ol pikinini bilong em husat em i bin kamapim long Jerusalem, Samua, Sobap, Netan, na Solomon,
  5. 5 Na Ipar, na Elisua, na Elpelet,
  6. 6 Na Noga, na Nefek, na Jafia,
  7. 7 Na Elisama, na Belaida, na Elifalet.
  8. 8 ¶ Na taim ol lain Filistin i harim long ol i makim Devit king long bosim olgeta Isrel, olgeta lain Filistin i go antap long painim Devit. Na Devit i harim long dispela, na em i go ausait i birua long ol.
  9. 9 Na ol lain Filistin i kam na opim ol yet long ples daun bilong Refaim.
  10. 10 Na Devit i askim long God, i spik, Bai mi go antap i birua long ol lain Filistin? Na bai Yu givim ol i kam long han bilong mi? Na BIKPELA i tokim em, Go antap. Long wanem, Mi bai givim ol i go long han bilong yu.
  11. 11 Olsem na ol i kam antap long Beal-perasim. Na Devit i paitim ol long dispela hap. Nau Devit i tok, God i bin brukim insait antap long ol birua bilong mi long han bilong mi olsem ol wara i bruk i go ausait. Olsem na ol i kolim nem bilong dispela ples Beal-perasim.
  12. 12 Na taim ol i bin lusim ol god bilong ol long dispela hap, Devit i givim wanpela tok strong, na ol i kukim ol olgeta wantaim paia.
  13. 13 Na yet gen ol lain Filistin i opim ol yet ausait long dispela ples daun.
  14. 14 Olsem na Devit i askim gen long God. Na God i tokim em, No ken go antap i bihainim ol. Tanim na lusim ol, na kam antap long ol pas klostu long ol diwai malberi.
  15. 15 Na em bai stap olsem, taim yu bai harim wanpela nois bilong wokabaut insait long antap bilong ol diwai malberi, long nau yu bai go ausait long pait. Long wanem, God i go ausait bipo long yu long paitim ami bilong ol Filistin.
  16. 16 Olsem na Devit i mekim olsem God i tok strong long em. Na ol i paitim ol ami bilong ol Filistin i stat long Gibion, yes, i go inap long Gaser.
  17. 17 Na biknem tru bilong Devit i go ausait long olgeta hap. Na BIKPELA i bringim pret bilong em antap long olgeta kantri.

King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗