로그인

역대상 11장 King Jems Pisin Baibel

King Jems Pisin Baibel · 톡피신어 · 역대상 (1 Chronicles) · 47절

🖍 이 판을 읽기 도구로 읽기 📖 무료성경
  1. 1 ¶ Nau olgeta Isrel i bungim ol yet wantaim long Devit long Hibron, i spik, Lukim, mipela i stap bun bilong yu na bodi bilong yu.
  2. 2 Na moa tu long taim bipo, yes, taim Sol i king, em i yu husat i bin stiaim Isrel long go ausait na bringim ol insait. Na BIKPELA, God bilong yu, i tokim yu, Yu bai givim kaikai long ol manmeri bilong Mi Isrel, na yu bai stap hetman long bosim ol manmeri bilong Mi Isrel.
  3. 3 Olsem na olgeta lapun hetman bilong Isrel i kam long king long Hibron. Na Devit i wokim wanpela kontrak wantaim ol long Hibron long ai bilong BIKPELA. Na ol i makim Devit king long bosim Isrel, bilong bihainim tok bilong BIKPELA long maus bilong Samyuel.
  4. 4 Na Devit na olgeta Isrel i go long Jerusalem, dispela em Jebus, we ol lain Jebus i stap, ol husat i stap long dispela hap.
  5. 5 Na ol husat i stap long Jebus i tokim Devit, Yu no ken kam long hia. Tasol Devit i kisim haus king bilong Saion, dispela em i biktaun bilong Devit.
  6. 6 Na Devit i tok, Husat man i paitim ol lain Jebus pastaim bai stap nambawan na kepten. Olsem na Joap, pikinini man bilong Seruaia, i go antap pastaim, na em i nambawan.
  7. 7 Na Devit i stap dispela long haus king. Olsem na ol i kolim dispela biktaun bilong Devit.
  8. 8 Na em i wokim dispela biktaun raun nabaut, yes, i stat long Milo raun nabaut. Na Joap i stretim olgeta arapela hap bilong dispela biktaun.
  9. 9 Olsem na Devit i wok long kamap bikpela na bikpela moa. Long wanem, BIKPELA bilong ol ami i stap wantaim em.
  10. 10 ¶ Ol dispela tu em ol nambawan bilong ol strongpela man husat Devit i gat, husat i strongim ol yet wantaim em insait long kingdom bilong em, na wantaim olgeta Isrel, long mekim em king, bilong bihainim tok bilong BIKPELA long sait bilong Isrel.
  11. 11 Na dispela em i namba bilong ol strongpela man husat Devit i gat, wanpela man Hakmon Jasobeam, nambawan bilong ol kepten. Em i litimapim spia bilong tromoi bilong em i birua long 300 husat em i kilim i dai long wanpela taim.
  12. 12 Na bihain long en em i Eleasar, pikinini man bilong man Ahoa Dodo, husat i wanpela bilong dispela tripela strongpela.
  13. 13 Em i stap wantaim Devit long Pas-damim, na long dispela hap ol Filistin i bung wantaim bilong pait, we i gat wanpela hap graun i pulap wantaim bali. Na ol manmeri i ranawe long ai bilong ol Filistin.
  14. 14 Na ol i putim ol yet insait long namel bilong dispela hap graun, na kisim bek dispela, na kilim i dai ol Filistin. Na BIKPELA i kisim bek ol wantaim wanpela bikpela kisim bek.
  15. 15 Nau tripela bilong dispela 30 kepten i go daun long ston long Devit, i go insait long hul bilong graun Adulam. Na ami bilong ol Filistin i wokim kem long ples daun bilong Refaim.
  16. 16 Na Devit i stap nau insait long dispela ples hait, na lain soldia bilong ol Filistin i stap nau long Betlehem.
  17. 17 Na Devit i gat laik tru, na tok, O sapos wanpela i ken givim mi dring i kam long wara bilong hul wara bilong Betlehem, dispela i stap long dua bilong banis!
  18. 18 Na dispela tripela i brukim i go namel long ami bilong ol Filistin, na pulim wara i kam ausait long hul wara bilong Betlehem, dispela i stap klostu long dua bilong banis, na kisim dispela, na bringim dispela long Devit. Tasol Devit i no laik dring long en, tasol em i kapsaitim dispela i go long BIKPELA,
  19. 19 Na tok, Long mi, i no ken tru long God bilong mi, long mi ken mekim dispela samting. Ating bai mi dringim blut bilong ol dispela man husat i bin putim ol laip bilong ol aninit long bikpela bagarap? Long wanem, wantaim pasin bilong putim ol laip bilong ol aninit long bikpela bagarap ol i bringim dispela. Olsem na em i tok nogat long dringim dispela. Ol dispela samting dispela tripela i strongpela moa i mekim.
  20. 20 Na Abisai, brata bilong Joap, em i nambawan bilong dispela tripela. Long wanem, em i litimapim spia bilong tromoi bilong em i birua long 300 man, em i kilim ol i dai, na em i gat wanpela nem namel long dispela tripela.
  21. 21 Bilong dispela tripela, em i gat ona moa long dispela tupela. Long wanem, em i kepten bilong ol. Tasol em i no kamap long namba wan tripela.
  22. 22 Benea, pikinini man bilong Jehoiada, pikinini man bilong wanpela strongpela man bilong pait bilong Kapsel, husat i bin mekim planti wok. Em i kilim i dai tupela man i olsem laion bilong Moap. Na tu em i go daun na kilim i dai wanpela laion insait long wanpela bikpela hul long wanpela de i gat ais.
  23. 23 Na em i kilim i dai wanpela man Isip, wanpela man i longpela tru, faipela kyubit antap. Na long han bilong man Isip wanpela spia bilong tromoi i stap olsem wanpela bikpela hap diwai bilong man bilong wokim laplap. Na em i go daun long em wantaim wanpela stik bilong pait, na kamautim spia bilong tromoi ausait long han bilong man Isip, na kilim em i dai wantaim spia bilong tromoi bilong em yet.
  24. 24 Ol dispela samting Benea, pikinini man bilong Jehoiada, i mekim, na em i gat dispela nem namel long dispela tripela strongpela.
  25. 25 Lukim, em i gat ona namel long dispela 30, tasol em i no kamap long dispela namba wan tripela. Na Devit i putim em long bosim ol wasman bilong em.
  26. 26 Na tu ol strongpela man bilong pait bilong ol ami em, Asahel, brata bilong Joap, Elhanan, pikinini man bilong Dodo bilong Betlehem,
  27. 27 Man Haror Samot, man Pelon Heles,
  28. 28 Ira, pikinini man bilong man Tekoa Ikes, man Antot Abieser,
  29. 29 Man Husa Sibekai, man Ahoha Ilai,
  30. 30 Man Netofa Maharai, Helet, pikinini man bilong man Netofa Beana,
  31. 31 Itai, pikinini man bilong man Gibea Ribai, husat i bilong ol pikinini bilong Benjamin, man Piraton Benea,
  32. 32 Hurai bilong ol liklik wara Geas, man Arba Abiel,
  33. 33 Man Baharum Asmavet, man Sealbim Eliaba,
  34. 34 Ol pikinini man bilong man Gison Hasem, Jonatan, pikinini man bilong man Harar Sage,
  35. 35 Ahiam, pikinini man bilong man Harar Sakar, Elifal, pikinini man bilong Ur,
  36. 36 Man Mekera Hefer, man Pelon Ahaisa,
  37. 37 Man Karmel Hesro, Nearai, pikinini man bilong Esbai,
  38. 38 Joel, brata bilong Netan, Miphar, pikinini man bilong Hageri,
  39. 39 Man Amon Selek, man Berot Naharai, man bilong karim klos pait bilong Joap, pikinini man bilong Seruaia,
  40. 40 Man Itra Ira, man Itra Garep,
  41. 41 Man Hit Yuraia, Sabat, pikinini man bilong Alai,
  42. 42 Adina, pikinini man bilong man Ruben Sisa, wanpela kepten bilong ol lain Ruben, na 30 man wantaim em,
  43. 43 Hanan, pikinini man bilong Meaka, na man Miten Josafat,
  44. 44 Man Asterat Usia, Sama na Jehiel, ol pikinini man bilong man Aroer Hotan,
  45. 45 Jediel, pikinini man bilong Simri, na brata bilong em man Tisa Joha,
  46. 46 Man Mahava Eliel, na Jeribai, na Josavaia, ol pikinini man bilong Elneam, na man Moap Itma,
  47. 47 Eliel, na Obet, na man Mesoba Jasiel.

King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗