시편 96편 King Jems Pisin Baibel
King Jems Pisin Baibel · 톡피신어 · 시편 (Psalms) · 13절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ O, singim nupela song i go long BIKPELA. Olgeta manmeri bilong dispela graun, yupela i mas singim song i go long BIKPELA. | O sing unto the Lord a new song: sing unto the Lord, all the earth. |
| 2 | Yupela i mas singim song long BIKPELA. Yupela i mas blesim nem bilong Em. Yupela i mas tokaut long kisim bek bilong Em long wanpela de i go long narapela de. | Sing unto the Lord, bless his name; shew forth his salvation from day to day. |
| 3 | Yupela i mas tokaut long glori bilong Em namel long ol haiden. Na namel long olgeta manmeri, yupela i mas tokaut long ol bikpela wok bilong Em i save winim tingting. | Declare his glory among the heathen, his wonders among all people. |
| 4 | Long wanem BIKPELA em i bikpela, na yupela i mas litimapim nem bilong Em planti. Yupela i mas pret long Em antap long olgeta god. | For the Lord is great, and greatly to be praised: he is to be feared above all gods. |
| 5 | Long wanem olgeta god bilong ol kantri ol i god giaman. Tasol BIKPELA i bin wokim ol heven. | For all the gods of the nations are idols: but the Lord made the heavens. |
| 6 | Ona na biknem i stap long pes bilong Em. Strong na naispela bilas i stap long ples holi bilong Em. | Honour and majesty are before him: strength and beauty are in his sanctuary. |
| 7 | Yupela i mas givim long BIKPELA, O yupela wantok bilong ol manmeri, yupela i mas givim glori na strong long BIKPELA. | Give unto the Lord, O ye kindreds of the people, give unto the Lord glory and strength. |
| 8 | Yupela i mas givim long BIKPELA dispela glori em i stret long nem bilong Em i kisim. Yupela i mas bringim ofa na kam long ol ples insait long banis bilong Em. | Give unto the Lord the glory due unto his name: bring an offering, and come into his courts. |
| 9 | O, yupela i mas lotuim BIKPELA long naispela bilas bilong pasin i holi. Yupela olgeta manmeri bilong dispela graun, yupela i mas pret long ai bilong Em. | O worship the Lord in the beauty of holiness: fear before him, all the earth. |
| 10 | ¶ Yupela i mas tok olsem namel long ol haiden, BIKPELA i bosim kingdom. Dispela graun tu bai sanap strong, olsem na samting i no ken surikim em. Bai Em i stap jas bilong ol manmeri long stretpela pasin. | Say among the heathen that the Lord reigneth: the world also shall be established that it shall not be moved: he shall judge the people righteously. |
| 11 | Larim ol heven i amamas tru, na larim dispela graun i ken belgut. Larim solwara i kirap planti, na ol samting i pulap long en. | Let the heavens rejoice, and let the earth be glad; let the sea roar, and the fulness thereof. |
| 12 | Larim ples kunai i stap pulap long amamas tru, wantaim olgeta samting i stap long en. Long dispela taim olgeta diwai bilong bus bai amamas tru | Let the field be joyful, and all that is therein: then shall all the trees of the wood rejoice |
| 13 | Long pes bilong BIKPELA. Long wanem Em i kam, long wanem Em i kam bilong kotim ol manmeri bilong dispela graun. Bai Em i kotim dispela graun long stretpela pasin. Na bai Em i kotim ol manmeri long tok tru bilong En. | Before the Lord: for he cometh, for he cometh to judge the earth: he shall judge the world with righteousness, and the people with his truth. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL