시편 145편 King Jems Pisin Baibel
King Jems Pisin Baibel · 톡피신어 · 시편 (Psalms) · 21절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ O king, God bilong mi, bai mi litimapim Yu. Na bai mi blesim nem bilong Yu oltaim oltaim. | I will extol thee, my God, O king; and I will bless thy name for ever and ever. |
| 2 | Olgeta wan wan de bai mi blesim Yu. Na bai mi litimapim nem bilong Yu oltaim oltaim. | Every day will I bless thee; and I will praise thy name for ever and ever. |
| 3 | BIKPELA i gat bikpela namba, na yumi mas litimapim nem bilong Em planti. Na yumi no inap painimaut bikpela namba bilong Em. | Great is the Lord, and greatly to be praised; and his greatness is unsearchable. |
| 4 | Wanpela lain manmeri bai litimapim ol wok bilong Yu long narapela lain manmeri i kamap bihain. Na bai ol i tokaut long ol strongpela wok bilong Yu. | One generation shall praise thy works to another, and shall declare thy mighty acts. |
| 5 | Bai mi tokaut long ona bilong bikpela namba bilong Yu, dispela ona i gat glori. Na bai mi tokaut long ol wok bilong Yu ol i antap tumas. | I will speak of the glorious honour of thy majesty, and of thy wondrous works. |
| 6 | Na ol man bai i toktok long strong bilong ol wok bilong Yu long pretim man. Na bai mi tokaut long bikpela pasin bilong Yu. | And men shall speak of the might of thy terrible acts: and I will declare thy greatness. |
| 7 | Bai ol i toktok planti tru long samting ol i tingim gen long bikpela pasin bilong Yu long mekim gut. Na bai ol i singim song long stretpela pasin bilong Yu. | They shall abundantly utter the memory of thy great goodness, and shall sing of thy righteousness. |
| 8 | BIKPELA i soim pasin bilong marimari, na Em i pulap long sori tru. Em i no save belhat kwik, na sori bilong Em i bikpela. | The Lord is gracious, and full of compassion; slow to anger, and of great mercy. |
| 9 | BIKPELA em i gutpela long olgeta manmeri. Na ol sori bilong Em i isi moa i bosim olgeta wok bilong Em. | The Lord is good to all: and his tender mercies are over all his works. |
| 10 | ¶ O BIKPELA, olgeta wok bilong Yu bai litimapim nem bilong Yu. Na ol seint bilong Yu bai blesim Yu. | All thy works shall praise thee, O Lord; and thy saints shall bless thee. |
| 11 | Bai ol i toktok long glori bilong kingdom bilong Yu. Na bai ol i tok long pawa bilong Yu, | They shall speak of the glory of thy kingdom, and talk of thy power; |
| 12 | Bilong mekim ol pikinini man bilong ol man i save long ol strongpela wok bilong Em na long glori bilong bikpela namba bilong kingdom bilong Em. | To make known to the sons of men his mighty acts, and the glorious majesty of his kingdom. |
| 13 | Kingdom bilong Yu em kingdom i stap oltaim oltaim. Na ol samting Yu bosim i stap inap long taim bilong olgeta lain manmeri. | Thy kingdom is an everlasting kingdom, and thy dominion endureth throughout all generations. |
| 14 | BIKPELA i save strongim olgeta manmeri i pundaun. Na Em i save kirapim olgeta man i lindaun. | The Lord upholdeth all that fall, and raiseth up all those that be bowed down. |
| 15 | Ai bilong olgeta manmeri i wet long Yu. Na long taim stret Yu givim kaikai bilong ol long ol. | The eyes of all wait upon thee; and thou givest them their meat in due season. |
| 16 | Yu save opim han bilong Yu na inapim laik bilong olgeta wan wan samting i stap laip. | Thou openest thine hand, and satisfiest the desire of every living thing. |
| 17 | BIKPELA i stap stretpela long olgeta pasin bilong En. Na Em i stap holi long olgeta wok bilong En. | The Lord is righteous in all his ways, and holy in all his works. |
| 18 | BIKPELA i stap klostu long olgeta manmeri i singaut long Em, long olgeta manmeri i singaut long Em long pasin i tru. | The Lord is nigh unto all them that call upon him, to all that call upon him in truth. |
| 19 | Bai Em inapim laik bilong olgeta manmeri i pret long Em. Na tu bai Em i harim krai bilong ol na bai Em i kisim bek ol. | He will fulfil the desire of them that fear him: he also will hear their cry, and will save them. |
| 20 | BIKPELA i save lukautim i stap olgeta manmeri i laikim tru Em. Tasol bai Em i bagarapim olgeta man i nogut tru. | The Lord preserveth all them that love him: but all the wicked will he destroy. |
| 21 | Maus bilong mi bai i toktok long litimapim nem bilong BIKPELA. Na larim olgeta manmeri i blesim nem holi bilong Em oltaim oltaim. | My mouth shall speak the praise of the Lord: and let all flesh bless his holy name for ever and ever. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL