사무엘상 9장 King Jems Pisin Baibel
King Jems Pisin Baibel · 톡피신어 · 사무엘상 (1 Samuel) · 27절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ Nau i gat wanpela man bilong Benjamin, husat nem bilong en em Kis, pikinini man bilong Abiel, pikinini man bilong Seror, pikinini man bilong Bekorat, pikinini man bilong Afaia, wanpela man Benjamin, wanpela strongpela man i gat pawa. | Now there was a man of Benjamin, whose name was Kish, the son of Abiel, the son of Zeror, the son of Bechorath, the son of Aphiah, a Benjamite, a mighty man of power. |
| 2 | Na em i gat pikinini man, husat nem bilong en em Sol, wanpela naispela yangpela man, na nambawan. Na i no gat namel long ol pikinini bilong Isrel wanpela i nambawan man moa long em. Long tupela sol bilong han bilong em i go antap em i longpela moa long olgeta wan wan bilong ol manmeri. | And he had a son, whose name was Saul, a choice young man, and a goodly: and there was not among the children of Israel a goodlier person than he: from his shoulders and upward he was higher than any of the people. |
| 3 | ¶ Na ol donki bilong Kis, papa bilong Sol, i lus. Na Kis i tokim pikinini man bilong em Sol, Kisim nau wanpela bilong ol wokboi wantaim yu, na kirap, na go painim ol donki. | And the asses of Kish Saul’s father were lost. And Kish said to Saul his son, Take now one of the servants with thee, and arise, go seek the asses. |
| 4 | Na em i wokabaut i go namel long maunten Ifraim, na wokabaut i go namel long hap bilong Salisa, tasol tupela i no lukim ol. Nau ol i wokabaut i go namel long hap bilong Salim, na ol i no stap long dispela hap. Na em i wokabaut i go namel long hap bilong ol lain Benjamin, tasol tupela i no lukim ol. | And he passed through mount Ephraim, and passed through the land of Shalisha, but they found them not: then they passed through the land of Shalim, and there they were not: and he passed through the land of the Benjamites, but they found them not. |
| 5 | Na taim ol i kamap long hap bilong Suf, Sol i tokim wokboi bilong em husat i stap wantaim em, Kam, na yumi go bek. Nogut papa bilong mi i lusim wari bilong em long ol donki, na tingting planti long yumi. | And when they were come to the land of Zuph, Saul said to his servant that was with him, Come, and let us return; lest my father leave caring for the asses, and take thought for us. |
| 6 | Na em i tokim em, Lukim nau, i gat wanpela man bilong God i stap long dispela biktaun, na em i man i gat biknem. Olgeta samting em i tokaut long en, tru tumas, em i save kamap olsem. Nau yumi go long dispela hap, sapos i gat sans long em i ken soim yumi rot yumi mas wokabaut long en. | And he said unto him, Behold now, there is in this city a man of God, and he is an honourable man; all that he saith cometh surely to pass: now let us go thither; peradventure he can shew us our way that we should go. |
| 7 | Nau Sol i tokim wokboi bilong em, Tasol, lukim, sapos yumi go, yumi bai bringim wanem samting long dispela man? Long wanem, bret i pinis long ol basket bilong yumi, na i no gat wanpela presen long bringim long dispela man bilong God. Yumi gat wanem samting? | Then said Saul to his servant, But, behold, if we go, what shall we bring the man? for the bread is spent in our vessels, and there is not a present to bring to the man of God: what have we? |
| 8 | Na wokboi i bekim tok long Sol gen, na tok, Lukim, mi gat hia klostu namba foa hap bilong wanpela sekel silva. Dispela bai mi givim long dispela man bilong God, long tokim yumi rot long bilong yumi. | And the servant answered Saul again, and said, Behold, I have here at hand the fourth part of a shekel of silver: that will I give to the man of God, to tell us our way. |
| 9 | (Long taim bipo long Isrel, taim man i go long askim long God, em i save tok olsem, Kam, na yumi go long sia. Long wanem, man husat yumi kolim nau Profet, long taim bipo ol i kolim Sia.) | (Beforetime in Israel, when a man went to enquire of God, thus he spake, Come, and let us go to the seer: for he that is now called a Prophet was beforetime called a Seer.) |
| 10 | Nau Sol i tokim wokboi bilong em, Yu tok gutpela. Kam, yumi go. Olsem na ol i go long biktaun we man bilong God i stap. | Then said Saul to his servant, Well said; come, let us go. So they went unto the city where the man of God was. |
| 11 | ¶ Na taim ol i go antap long liklik maunten long biktaun, ol i lukim ol yangpela meri husat i go ausait long pulimapim wara, na tokim ol, Sia i stap long hia? | And as they went up the hill to the city, they found young maidens going out to draw water, and said unto them, Is the seer here? |
| 12 | Na ol i bekim ol, na tok, Em i stap. Lukim, em i stap long ai bilong yupela. Hariap nau, long wanem, em i kam tude long biktaun. Long wanem, i gat sakrifais bilong ol manmeri tude long ples antap. | And they answered them, and said, He is; behold, he is before you: make haste now, for he came to day to the city; for there is a sacrifice of the people to day in the high place: |
| 13 | Na long taim stret long yupela i kam insait long biktaun, yupela bai lukim em kwiktaim, bipo em i go antap long ples antap long kaikai. Long wanem, ol manmeri bai i no inap kaikai inap long em i kam, bilong wanem, em i save blesim dispela sakrifais. Na bihain long en, ol husat ol i askim long kam bai kaikai. Olsem na nau yupela go antap. Long wanem, klostu long dispela taim tasol yupela bai lukim em. | As soon as ye be come into the city, ye shall straightway find him, before he go up to the high place to eat: for the people will not eat until he come, because he doth bless the sacrifice; and afterwards they eat that be bidden. Now therefore get you up; for about this time ye shall find him. |
| 14 | Na ol i go antap insait long biktaun. Na taim ol i kam insait long biktaun, lukim, Samyuel i kam ausait klostu long ol, bilong go antap long ples antap. | And they went up into the city: and when they were come into the city, behold, Samuel came out against them, for to go up to the high place. |
| 15 | Nau BIKPELA i bin tokim Samyuel long ia bilong em wanpela de bipo Sol i kam, i spik, | Now the Lord had told Samuel in his ear a day before Saul came, saying, |
| 16 | Klostu long dispela taim tumora Mi bai salim long yu wanpela man i kam ausait long hap bilong Benjamin, na yu bai makim em long stap kepten long bosim ol lain bilong Mi Isrel, inap long em i ken kisim bek ol manmeri bilong Mi ausait long han bilong ol Filistin. Long wanem, Mi bin lukluk long ol lain bilong Mi, bilong wanem, krai bilong ol i kam pinis long Mi. | To morrow about this time I will send thee a man out of the land of Benjamin, and thou shalt anoint him to be captain over my people Israel, that he may save my people out of the hand of the Philistines: for I have looked upon my people, because their cry is come unto me. |
| 17 | Na taim Samyuel i lukim Sol, BIKPELA i tokim em, Lukim, em i dispela man husat Mi tokim yu long en! Dispela man stret bai bosim kingdom long ol manmeri bilong Mi. | And when Samuel saw Saul, the Lord said unto him, Behold the man whom I spake to thee of! this same shall reign over my people. |
| 18 | ¶ Nau Sol i go klostu long Samyuel long dua bilong banis, na tok, Tokim mi, mi askim yu plis, we haus bilong sia i stap. | Then Saul drew near to Samuel in the gate, and said, Tell me, I pray thee, where the seer’s house is. |
| 19 | Na Samyuel i bekim Sol, na tok, Mi dispela sia. Go pas long mi long ples antap. Long wanem, yupela bai kaikai wantaim mi tude, na tumora mi bai larim yu go, na mi bai tokim yu long olgeta samting i stap insait long bel bilong yu. | And Samuel answered Saul, and said, I am the seer: go up before me unto the high place; for ye shall eat with me to day, and to morrow I will let thee go, and will tell thee all that is in thine heart. |
| 20 | Na long sait bilong ol donki bilong yu, dispela i go lus tripela de i go pinis, yu no ken putim tingting bilong yu long ol. Long wanem, ol i painim ol pinis. Na olgeta laik bilong Isrel i stap antap long husat? Ating i yes long em i stap antap long yu, na antap long olgeta hauslain bilong papa bilong yu? | And as for thine asses that were lost three days ago, set not thy mind on them; for they are found. And on whom is all the desire of Israel? Is it not on thee, and on all thy father’s house? |
| 21 | Na Sol i bekim na tok, Ating i yes long mi wanpela man Benjamin, bilong lain i liklik moa olgeta long ol lain bilong Isrel? Na ating i yes long famili bilong mi i las bilong olgeta famili bilong lain Benjamin? Olsem wanem na nau yu toktok olsem long mi? | And Saul answered and said, Am not I a Benjamite, of the smallest of the tribes of Israel? and my family the least of all the families of the tribe of Benjamin? wherefore then speakest thou so to me? |
| 22 | Na Samyuel i kisim Sol na wokboi bilong em, na bringim tupela insait long rum, na mekim ol i sindaun long nambawan ples namel long ol lain husat ol i askim long kam, husat i klostu olsem 30 manmeri. | And Samuel took Saul and his servant, and brought them into the parlour, and made them sit in the chiefest place among them that were bidden, which were about thirty persons. |
| 23 | Na Samyuel i tokim kukboi, Bringim dispela hap skel mi givim long yu, dispela mi tokim yu long en olsem, Putim dispela klostu long yu. | And Samuel said unto the cook, Bring the portion which I gave thee, of which I said unto thee, Set it by thee. |
| 24 | Na kukboi i kisim sol bilong han, na dispela samting i stap antap long em, na putim long ai bilong Sol. Na Samyuel i tok, Lukim dispela samting i stap yet! Putim dispela long ai bilong yu, na kaikai. Long wanem, inap long dispela taim mipela i bin holim bilong yu, inap long taim mi bin tok, Mi bin singautim ol lain long kam. Olsem na Sol i bin kaikai wantaim Samyuel long dispela de. | And the cook took up the shoulder, and that which was upon it, and set it before Saul. And Samuel said, Behold that which is left! set it before thee, and eat: for unto this time hath it been kept for thee since I said, I have invited the people. So Saul did eat with Samuel that day. |
| 25 | Na taim ol i kam daun long ples antap long go insait long biktaun, Samyuel i stori wantaim Sol antap long antap bilong haus. | And when they were come down from the high place into the city, Samuel communed with Saul upon the top of the house. |
| 26 | Na ol i kirap long moning tru. Na em i kamap olsem klostu long stat bilong de, long Samyuel i singautim Sol long kam long antap bilong haus, i spik, Kam antap, inap long mi ken salim yu i go. Na Sol i kirap, na ol i go ausait, em na Samyuel wantaim, ausait long hap. | And they arose early: and it came to pass about the spring of the day, that Samuel called Saul to the top of the house, saying, Up, that I may send thee away. And Saul arose, and they went out both of them, he and Samuel, abroad. |
| 27 | Na taim ol i wok long go daun long arere bilong biktaun, Samyuel i tokim Sol, Tokim wokboi long go pas long yumi, (na em i go pas,) tasol yu sanap i stap liklik taim, inap long mi ken soim yu tok bilong God. | And as they were going down to the end of the city, Samuel said to Saul, Bid the servant pass on before us, (and he passed on,) but stand thou still a while, that I may shew thee the word of God. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL