사무엘상 22장 King Jems Pisin Baibel
King Jems Pisin Baibel · 톡피신어 · 사무엘상 (1 Samuel) · 23절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ Olsem na Devit i lusim dispela ples, na ranawe i go long hul i go insait long maunten Adulam. Na taim ol brata bilong em, na olgeta hauslain bilong papa bilong em i harim dispela, ol i go daun long em long dispela hap. | David therefore departed thence, and escaped to the cave Adullam: and when his brethren and all his father’s house heard it, they went down thither to him. |
| 2 | Na olgeta wan wan husat i pilim bikpela wari, na olgeta wan wan husat i gat dinau, na olgeta wan wan husat i no amamas long laip bilong em, i bungim ol yet long em. Na em i kamap kepten long bosim ol. Na namba bilong ol man i stap wantaim em i klostu olsem 400 man. | And every one that was in distress, and every one that was in debt, and every one that was discontented, gathered themselves unto him; and he became a captain over them: and there were with him about four hundred men. |
| 3 | Na Devit i lusim dispela ples na go long Mispa bilong Moap. Na em i tokim king bilong Moap, Larim papa bilong mi na mama bilong mi, mi askim yu plis, kam ausait, na stap wantaim yu, inap long mi save wanem samting God bai mekim bilong helpim mi. | And David went thence to Mizpeh of Moab: and he said unto the king of Moab, Let my father and my mother, I pray thee, come forth, and be with you, till I know what God will do for me. |
| 4 | Na em i bringim ol long ai bilong king bilong Moap, na ol i stap wantaim em long olgeta taim Devit i stap long ples hait. | And he brought them before the king of Moab: and they dwelt with him all the while that David was in the hold. |
| 5 | Na profet Gat i tokim Devit, No ken stap long ples hait. Lusim dispela hap, na kisim yu yet i go long hap bilong Juda. Nau Devit i lusim dispela hap, na kam long bikbus bilong Haret. | And the prophet Gad said unto David, Abide not in the hold; depart, and get thee into the land of Judah. Then David departed, and came into the forest of Hareth. |
| 6 | ¶ Taim Sol i harim long Devit i kamap ples klia, na ol man husat i stap wantaim em, (nau Sol i stap long Gibia aninit long diwai long Rama, taim em i gat spia bilong tromoi bilong em long han bilong em, na olgeta wokboi bilong em i sanap nabaut long em,) | When Saul heard that David was discovered, and the men that were with him, (now Saul abode in Gibeah under a tree in Ramah, having his spear in his hand, and all his servants were standing about him;) |
| 7 | Nau Sol i tokim ol wokboi bilong em husat i sanap nabaut long em, Harim nau, yupela ol lain Benjamin. Ating pikinini man bilong Jesi bai givim yupela olgeta wan wan ol bikpela gaden na ol gaden wain, na mekim yupela olgeta i kamap ol kepten bilong ol tausen, na ol kepten bilong ol handret, | Then Saul said unto his servants that stood about him, Hear now, ye Benjamites; will the son of Jesse give every one of you fields and vineyards, and make you all captains of thousands, and captains of hundreds; |
| 8 | Inap long yupela olgeta i bin pasim tok hait i birua long mi, na i no gat wanpela husat i soim mi long pikinini man bilong mi i bin wokim kontrak bilong bel isi wantaim pikinini man bilong Jesi, na i no gat wanpela bilong yupela husat i sori long mi, o soim mi long pikinini man bilong mi i bin kirapim wokboi bilong mi long birua long mi, long wet hait, olsem i stap tude? | That all of you have conspired against me, and there is none that sheweth me that my son hath made a league with the son of Jesse, and there is none of you that is sorry for me, or sheweth unto me that my son hath stirred up my servant against me, to lie in wait, as at this day? |
| 9 | Nau man Idom Doek, husat Sol i putim long bosim ol wokboi bilong em i bekim, na tok, Mi lukim pikinini man bilong Jesi i kam long Nop, long Ahimelek, pikinini man bilong Ahitup. | Then answered Doeg the Edomite, which was set over the servants of Saul, and said, I saw the son of Jesse coming to Nob, to Ahimelech the son of Ahitub. |
| 10 | Na em i askim long BIKPELA bilong helpim em, na givim em kaikai, na givim em bainat bilong dispela Filistin Golaiat. | And he enquired of the Lord for him, and gave him victuals, and gave him the sword of Goliath the Philistine. |
| 11 | Nau king i salim tok long singautim pris Ahimelek, pikinini man bilong Ahitup, na olgeta hauslain bilong papa bilong em, ol pris husat i stap long Nop. Na olgeta bilong ol i kam long king. | Then the king sent to call Ahimelech the priest, the son of Ahitub, and all his father’s house, the priests that were in Nob: and they came all of them to the king. |
| 12 | Na Sol i tok, Harim nau, yu pikinini man bilong Ahitup. Na em i bekim tok, Mi stap hia, bikman bilong mi. | And Saul said, Hear now, thou son of Ahitub. And he answered, Here I am, my lord. |
| 13 | Na Sol i tokim em, Bilong wanem yupela bin pasim tok hait i birua long mi, yu na pikinini man bilong Jesi, long dispela, yu bin givim em bret, na bainat, na yu bin askim long God long helpim em, inap long em i ken kirap na birua long mi, bilong wet hait, olsem i stap tude? | And Saul said unto him, Why have ye conspired against me, thou and the son of Jesse, in that thou hast given him bread, and a sword, and hast enquired of God for him, that he should rise against me, to lie in wait, as at this day? |
| 14 | Nau Ahimelek i bekim king, na tok, Na husat i stap man yu inap bilip long em moa namel long olgeta wokboi bilong yu olsem Devit, husat i tambu pikinini man bilong king, na i save go long tok strong bilong yu, na i gat ona insait long hauslain bilong yu? | Then Ahimelech answered the king, and said, And who is so faithful among all thy servants as David, which is the king’s son in law, and goeth at thy bidding, and is honourable in thine house? |
| 15 | Ating nau mi bin stat long askim long God long helpim em? Em i stap longwe long mi. No ken larim king makim wanpela samting long wokboi bilong em, o long olgeta hauslain bilong papa bilong mi. Long wanem, wokboi bilong yu i no save long olgeta dispela samting, liklik o moa. | Did I then begin to enquire of God for him? be it far from me: let not the king impute any thing unto his servant, nor to all the house of my father: for thy servant knew nothing of all this, less or more. |
| 16 | Na king i tokim em, Tru tumas, yu bai dai, Ahimelek, yu, na olgeta hauslain bilong papa bilong yu. | And the king said, Thou shalt surely die, Ahimelech, thou, and all thy father’s house. |
| 17 | Na king i tokim ol soldia bilong wokabaut husat i sanap nabaut long em, Tanim, na kilim i dai ol pris bilong BIKPELA. Bilong wanem, han bilong ol tu i stap wantaim Devit, na bilong wanem, ol i save taim em i ranawe, na ol i no bin soim dispela long mi. Tasol ol wokboi bilong king i no gat laik long putim han bilong ol i go ausait long pundaun antap long ol pris bilong BIKPELA. | And the king said unto the footmen that stood about him, Turn, and slay the priests of the Lord; because their hand also is with David, and because they knew when he fled, and did not shew it to me. But the servants of the king would not put forth their hand to fall upon the priests of the Lord. |
| 18 | Na king i tokim Doek, Yu tanim, na pundaun antap long ol pris. Na dispela man Idom Doek i tanim, na em i pundaun antap long ol pris, na kilim i dai long dispela de 85 man husat i bin werim naispela laplap ifat. | And the king said to Doeg, Turn thou, and fall upon the priests. And Doeg the Edomite turned, and he fell upon the priests, and slew on that day fourscore and five persons that did wear a linen ephod. |
| 19 | Na Nop, biktaun bilong ol pris, em i paitim wantaim sap bilong bainat, ol man na ol meri, ol pikinini na ol susu pikinini, na ol bulmakau man, na ol donki, na ol sipsip wantaim, wantaim sap bilong bainat. | And Nob, the city of the priests, smote he with the edge of the sword, both men and women, children and sucklings, and oxen, and asses, and sheep, with the edge of the sword. |
| 20 | ¶ Na wanpela bilong ol pikinini man bilong Ahimelek, pikinini bilong Ahitup, husat nem bilong en em Abaiatar, i ranawe olgeta, na ranawe i go bihainim Devit. | And one of the sons of Ahimelech the son of Ahitub, named Abiathar, escaped, and fled after David. |
| 21 | Na Abaiatar i soim Devit long Sol i bin kilim i dai ol pris bilong BIKPELA. | And Abiathar shewed David that Saul had slain the Lord’s priests. |
| 22 | Na Devit i tokim Abaiatar, Mi save long dispela long dispela de, taim man Idom Doek i stap long dispela hap, long tru tumas, em bai tokim Sol. Mi bin givim sans long dai long kisim olgeta manmeri bilong hauslain bilong papa bilong yu. | And David said unto Abiathar, I knew it that day, when Doeg the Edomite was there, that he would surely tell Saul: I have occasioned the death of all the persons of thy father’s house. |
| 23 | Yu stap wantaim mi, no ken pret. Long wanem, em husat i painim laip bilong mi i painim laip bilong yu. Tasol wantaim mi yu bai stap orait. | Abide thou with me, fear not: for he that seeketh my life seeketh thy life: but with me thou shalt be in safeguard. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL