로그인

미가 3장 King Jems Pisin Baibel

King Jems Pisin Baibel · 톡피신어 · 미가 (Micah) · 12절

🖍 이 판을 읽기 도구로 읽기 📖 무료성경
  1. 1 ¶ Na mi tok, Harim, mi askim yupela plis, O ol het bilong Jekop, na yupela ol hetman bilong hauslain bilong Isrel. Ating i yes long em i bilong yupela bilong save long kot?
  2. 2 Em yupela husat i hetim gutpela pasin, na laikim tru pasin nogut. Em yupela husat i pulim i go skin bilong ol i lusim ol, na mit bilong ol i lusim ol bun bilong ol.
  3. 3 Em yupela husat tu i kaikai mit bilong ol manmeri bilong mi, na katim skin i lusim mit bilong ol. Na ol i brukim ol bun bilong ol, na katkatim ol long planti hap hap, olsem bilong putim long sospen, na olsem mit insait long bikpela sospen.
  4. 4 Nau bai ol i krai i go long BIKPELA, tasol Em bai i no inap harim ol. Yes, Em bai haitim pes bilong Em long ol long dispela taim, olsem ol yet i bin wokabaut nogut long ol samting ol i mekim.
  5. 5 BIKPELA i tok olsem long sait bilong ol profet husat i mekim ol lain manmeri bilong mi long lusim rot, husat i kaikaim wantaim ol tit bilong ol, na singaut, Bel isi. Na em husat i no putim samting i go long maus bilong ol, yes, ol i redim bikpela pait i birua long Em.
  6. 6 Olsem na nait bai stap long yupela, inap long yupela bai i no gat wanpela driman samting. Na em bai stap tudak long yupela, inap long yupela bai i no inap mekim wok glasman. Na san bai go daun antap long ol profet, na dispela de bai stap tudak antap long ol.
  7. 7 Nau bai ol sia i stap sem, na ol glasman i paul tru. Yes, olgeta bai karamapim ol lip bilong maus bilong ol. Long wanem, i no gat bekim i kam long God.
  8. 8 ¶ Tasol tru tumas, mi pulap long pawa long Spirit bilong BIKPELA, na long kot, na long strong, bilong tokaut i go long Jekop long pasin bilong em bilong kalapim lo, na long Isrel long sin bilong em.
  9. 9 Harim dispela, mi askim yupela plis, yupela ol het bilong hauslain bilong Jekop, na ol hetman bilong hauslain bilong Isrel, husat i ting kot i sting olgeta, na paulim olgeta stretpela kot tru.
  10. 10 Ol i wokim Saion i go antap wantaim blut, na Jerusalem wantaim sin nogut.
  11. 11 Ol het bilong en i jasim bilong kisim pe, na ol pris bilong en i skulim bilong kisim pe, na ol profet bilong en i mekim wok glasman bilong kisim mani. Yet bai ol i lindaun antap long BIKPELA, na tok, Ating i yes long BIKPELA i stap namel long mipela? I no gat wanpela samting nogut i ken kam antap long mipela.
  12. 12 Olsem na bai ol i brukim Saion olsem wanpela bikpela gaden bilong tingim yupela, na Jerusalem bai kamap ol hip, na maunten bilong dispela haus olsem ol ples antap bilong bikbus.

King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗