레위기 23장 King Jems Pisin Baibel
King Jems Pisin Baibel · 톡피신어 · 레위기 (Leviticus) · 44절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ Na BIKPELA i toktok long Moses, na tok, | And the Lord spake unto Moses, saying, |
| 2 | Toktok long ol pikinini bilong Isrel na tok olsem long ol, Dispela i tokaut long ol bikpela kaikai bilong BIKPELA, yupela mas autim toksave long dispela i stap ol bung i holi, yes ol dispela i stap ol bikpela kaikai bilong Mi. | Speak unto the children of Israel, and say unto them, Concerning the feasts of the Lord, which ye shall proclaim to be holy convocations, even these are my feasts. |
| 3 | Sikispela de wok mas i kamap. Tasol de seven em i sabat bilong malolo na wanpela bung holi. Yupela no ken mekim wok long dispela. Dispela em i sabat bilong BIKPELA long olgeta haus bilong yupela. | Six days shall work be done: but the seventh day is the sabbath of rest, an holy convocation; ye shall do no work therein: it is the sabbath of the Lord in all your dwellings. |
| 4 | ¶ Ol dispela em i ol bikpela kaikai bilong BIKPELA, yes em ol bung i holi na yupela mas autim toksave long ol long taim bilong ol. | These are the feasts of the Lord, even holy convocations, which ye shall proclaim in their seasons. |
| 5 | Long namba 14 de bilong mun namba wan long apinun tru em i taim bilong pasova bilong BIKPELA. | In the fourteenth day of the first month at even is the Lord’s passover. |
| 6 | Na long de fiftin bilong dispela mun em i bikpela kaikai bilong bret i no gat yis i go long BIKPELA. Sevenpela de yupela mas kaikai bret i no gat yis. | And on the fifteenth day of the same month is the feast of unleavened bread unto the Lord: seven days ye must eat unleavened bread. |
| 7 | Long de namba wan yupela mas i gat wanpela bung holi. Yupela i no ken mekim wanpela wok long dispela de. | In the first day ye shall have an holy convocation: ye shall do no servile work therein. |
| 8 | Tasol yupela mas ofaim wanpela ofa i kamap long paia na i go long BIKPELA long sevenpela de. Long de namba seven wanpela bung holi em i stap. Yupela i no ken mekim wanpela wok long dispela de. | But ye shall offer an offering made by fire unto the Lord seven days: in the seventh day is an holy convocation: ye shall do no servile work therein. |
| 9 | Na BIKPELA i toktok long Moses, na tok, | And the Lord spake unto Moses, saying, |
| 10 | Toktok long ol pikinini bilong Isrel na tok olsem long ol, Taim yupela i kam long dispela hap graun Mi givim dispela long yupela, na bai yupela i kamautim kaikai long dispela, orait yupela mas bringim wanpela bung bilong wit samting bilong namba wan kaikai bilong taim bilong kamautim bilong yupela i go long pris. | Speak unto the children of Israel, and say unto them, When ye be come into the land which I give unto you, and shall reap the harvest thereof, then ye shall bring a sheaf of the firstfruits of your harvest unto the priest: |
| 11 | Na pris i mas mekim dispela bung bilong wit samting i go i kam long pes bilong BIKPELA long dispela i stap orait bilong yupela. Long tumora, bihain long dispela sabat, pris i mas mekim dispela i go i kam. | And he shall wave the sheaf before the Lord, to be accepted for you: on the morrow after the sabbath the priest shall wave it. |
| 12 | Na long de yupela i mekim bung bilong wit samting i go i kam yupela mas ofaim wanpela pikinini sipsip man i no gat mak nogut na i stap long namba wan yia bilong i stap ofa bilong kuk olgeta i go long BIKPELA. | And ye shall offer that day when ye wave the sheaf an he lamb without blemish of the first year for a burnt offering unto the Lord. |
| 13 | Na ofa bilong kaikai bilong dispela mas i stap tupela hap bilong tenpela hap bilong wanpela dil bilong gutpela plaua yupela abusim wantaim wel, na ofa bilong dring bilong dispela mas i stap bilong wain, em wanpela hap bilong fopela hap hin. | And the meat offering thereof shall be two tenth deals of fine flour mingled with oil, an offering made by fire unto the Lord for a sweet savour: and the drink offering thereof shall be of wine, the fourth part of an hin. |
| 14 | Na yupela i no ken kaikai bret o wit samting yupela bin kukim o nupela wit samting inap long dispela wanpela de yupela i bin bringim wanpela ofa i go long God bilong yupela. Dispela mas i stap wanpela lo i stap long buk oltaim oltaim namel long ol lain tumbuna pikinini bilong yupela na long olgeta haus bilong yupela. | And ye shall eat neither bread, nor parched corn, nor green ears, until the selfsame day that ye have brought an offering unto your God: it shall be a statute for ever throughout your generations in all your dwellings. |
| 15 | ¶ Na long dispela de bihain long sabat, em dispela de yupela i bin bringim dispela bung bilong wit samting bilong mekim ofa bilong i kam i go, yupela mas kaunim long yupela sevenpela sabat i mas kamap pinis. | And ye shall count unto you from the morrow after the sabbath, from the day that ye brought the sheaf of the wave offering; seven sabbaths shall be complete: |
| 16 | Yes, yupela i mas makim fifti de, em long de bihain long namba seven sabat, na yupela i mas ofaim ofa bilong nupela kaikai i go long BIKPELA. | Even unto the morrow after the seventh sabbath shall ye number fifty days; and ye shall offer a new meat offering unto the Lord. |
| 17 | Yupela mas bringim i kam ausait long ol haus bilong yupela tupela bret bilong i go i kam long pes bilong BIKPELA i bilong tupela hap bilong tenpela hap bilong wanpela dil i bilong gutpela plaua. Yupela mas kukim ol wantaim yis. Ol i stap namba wan kaikai i go long BIKPELA. | Ye shall bring out of your habitations two wave loaves of two tenth deals: they shall be of fine flour; they shall be baken with leaven; they are the firstfruits unto the Lord. |
| 18 | Na yupela mas ofaim wantaim dispela bret, sevenpela pikinini sipsip i no gat mak nogut na i bilong namba wan yia, na wanpela yangpela bulmakau man na tupela sipsip man. Ol i mas i stap bilong ofa bilong kuk olgeta i go long BIKPELA wantaim ofa bilong kaikai bilong ol na ol dring ofa bilong ol, yes em ofa yupela i mekim long paia bilong switpela smel i go long BIKPELA. | And ye shall offer with the bread seven lambs without blemish of the first year, and one young bullock, and two rams: they shall be for a burnt offering unto the Lord, with their meat offering, and their drink offerings, even an offering made by fire, of sweet savour unto the Lord. |
| 19 | Long dispela taim yupela mas sakrifais wanpela pikinini bilong ol meme bilong i stap ofa bilong sin na tupela pikinini sipsip i bilong namba wan yia bilong i stap wanpela sakrifais bilong ol ofa bilong givim bel isi. | Then ye shall sacrifice one kid of the goats for a sin offering, and two lambs of the first year for a sacrifice of peace offerings. |
| 20 | Na pris i mas mekim ol i kam i go wantaim bret bilong dispela namba wan kaikai bilong i stap wanpela ofa bilong i kam i go long pes bilong BIKPELA wantaim dispela tupela pikinini sipsip. Ol bai stap holi long BIKPELA, na i bilong pris. | And the priest shall wave them with the bread of the firstfruits for a wave offering before the Lord, with the two lambs: they shall be holy to the Lord for the priest. |
| 21 | Na yupela mas autim toksave long dispela de long dispela ken i stap wanpela bung i holi long yupela. Yupela i no ken mekim wanpela wok long dispela de. Dispela bai stap wanpela lo i stap long buk oltaim oltaim long olgeta haus bilong yupela na namel long ol lain tumbuna pikinini bilong yupela bihain. | And ye shall proclaim on the selfsame day, that it may be an holy convocation unto you: ye shall do no servile work therein: it shall be a statute for ever in all your dwellings throughout your generations. |
| 22 | Na taim yupela i kamautim kaikai bilong graun bilong yupela, yu no ken pinisim olgeta kaikai bilong ol kona bilong gaden bilong yu taim yu kamautim. Na tu yu no ken go bek long kisim las wan wan kaikai i stap long gaden. Yu mas larim dispela i stap long ol rabisman na long ol man bilong narapela kantri. Mi stap BIKPELA na God bilong yupela. | And when ye reap the harvest of your land, thou shalt not make clean riddance of the corners of thy field when thou reapest, neither shalt thou gather any gleaning of thy harvest: thou shalt leave them unto the poor, and to the stranger: I am the Lord your God. |
| 23 | ¶ Na BIKPELA i toktok long Moses, na tok, | And the Lord spake unto Moses, saying, |
| 24 | Toktok long ol pikinini bilong Isrel na tok, Long mun namba seven na long de namba wan bilong dispela mun, yupela mas makim wanpela sabat, em wanpela samting bilong holim tingting bilong winim bilong ol biugel, em wanpela bung i holi. | Speak unto the children of Israel, saying, In the seventh month, in the first day of the month, shall ye have a sabbath, a memorial of blowing of trumpets, an holy convocation. |
| 25 | Yupela no ken mekim wanpela wok long dispela de. Tasol yupela mas ofaim wanpela ofa i kamap long paia na i go long BIKPELA. | Ye shall do no servile work therein: but ye shall offer an offering made by fire unto the Lord. |
| 26 | Na BIKPELA i toktok long Moses, na tok, | And the Lord spake unto Moses, saying, |
| 27 | Na tu long de namba ten bilong dispela namba seven mun em mas i stap de bilong ofa bilong karamapim long mekim i kamap wanbel wantaim God. Dispela i mas i stap wanpela bung i holi long yupela, na yupela mas daunim ol tewel bilong yupela na ofaim wanpela ofa i kamap long paia na i go long BIKPELA. | Also on the tenth day of this seventh month there shall be a day of atonement: it shall be an holy convocation unto you; and ye shall afflict your souls, and offer an offering made by fire unto the Lord. |
| 28 | Na yupela i no ken mekim wok long dispela de. Long wanem dispela em i de bilong ofa bilong karamapim long mekim i kamap wanbel wantaim God na long mekim ofa bilong karamapim long mekim i kamap wanbel i bilong yupela long pes bilong BIKPELA na God bilong yupela. | And ye shall do no work in that same day: for it is a day of atonement, to make an atonement for you before the Lord your God. |
| 29 | Long wanem, wanem tewel i stap na em i no laik daunim em yet long dispela de, yupela mas bagarapim em bilong rausim em long namel long ol manmeri bilong em. | For whatsoever soul it be that shall not be afflicted in that same day, he shall be cut off from among his people. |
| 30 | Na wanem tewel i stap na em i mekim wanpela wok long dispela de, dispela wanpela tewel bai Mi bagarapim em long namel long ol manmeri bilong em. | And whatsoever soul it be that doeth any work in that same day, the same soul will I destroy from among his people. |
| 31 | Yupela i no ken mekim wanpela kain wok. Dispela mas i stap wanpela lo i stap long buk namel long ol lain tumbuna pikinini bilong yupela na long olgeta haus bilong yupela. | Ye shall do no manner of work: it shall be a statute for ever throughout your generations in all your dwellings. |
| 32 | Dispela mas i stap wanpela sabat bilong malolo long yupela na yupela mas daunim ol tewel bilong yupela. Long de namba nain bilong dispela mun long apinun tru, em long apinun tru inap long apinun tru, yupela mas bihainim strong sabat bilong yupela. | It shall be unto you a sabbath of rest, and ye shall afflict your souls: in the ninth day of the month at even, from even unto even, shall ye celebrate your sabbath. |
| 33 | ¶ Na BIKPELA i toktok long Moses na tok, | And the Lord spake unto Moses, saying, |
| 34 | Toktok long ol pikinini bilong Isrel na tok, De fiftin bilong dispela mun namba seven mas i stap bikpela kaikai bilong ol haus win i bilong sevenpela de na i go long BIKPELA. | Speak unto the children of Israel, saying, The fifteenth day of this seventh month shall be the feast of tabernacles for seven days unto the Lord. |
| 35 | Long de namba wan wanpela bung holi mas i stap. Yupela no ken mekim wanpela wok long dispela de. | On the first day shall be an holy convocation: ye shall do no servile work therein. |
| 36 | Sevenpela de yupela mas ofaim wanpela ofa i kamap long paia na i go long BIKPELA. Long de namba et wanpela bung holi mas i stap long yupela, na yupela mas ofaim wanpela ofa i kamap long paia na i go long BIKPELA. Dispela em i bung i holi na yupela i no ken mekim wanpela wok long dispela de. | Seven days ye shall offer an offering made by fire unto the Lord: on the eighth day shall be an holy convocation unto you; and ye shall offer an offering made by fire unto the Lord: it is a solemn assembly; and ye shall do no servile work therein. |
| 37 | Ol dispela em i ol bikpela kaikai bilong BIKPELA na yupela mas autim toksave long ol i stap ol bung i holi, long ofaim wanpela ofa i kamap long paia na i go long BIKPELA, em ofa bilong kuk olgeta na ofa bilong kaikai na wanpela sakrifais na ol ofa bilong dring, olgeta samting long de bilong em. | These are the feasts of the Lord, which ye shall proclaim to be holy convocations, to offer an offering made by fire unto the Lord, a burnt offering, and a meat offering, a sacrifice, and drink offerings, every thing upon his day: |
| 38 | Wantaim ol dispela na tu i stap ol sabat bilong BIKPELA na tu ol samting yupela i laik givim olsem presen, na tu olgeta strongpela promis i go long Mi, na tu olgeta ofa yupela i amamas long givim na yupela i givim long BIKPELA. | Beside the sabbaths of the Lord, and beside your gifts, and beside all your vows, and beside all your freewill offerings, which ye give unto the Lord. |
| 39 | Na tu, long de fiftin bilong mun namba seven taim yupela i bin bungim ol kaikai bilong graun, yupela mas mekim wanpela bikpela kaikai i go long BIKPELA sevenpela de. Long de namba wan sabat mas i stap na long de namba et sabat mas i stap. | Also in the fifteenth day of the seventh month, when ye have gathered in the fruit of the land, ye shall keep a feast unto the Lord seven days: on the first day shall be a sabbath, and on the eighth day shall be a sabbath. |
| 40 | Na long de namba wan yupela mas kisim ol han bilong gutpela diwai, em ol han bilong diwai palmen na ol han bilong ol diwai i stap bung klostu na diwai wilo bilong ol liklik wara, na yupela mas wokim amamas tru sevenpela de long pes bilong BIKPELA na God bilong yupela. | And ye shall take you on the first day the boughs of goodly trees, branches of palm trees, and the boughs of thick trees, and willows of the brook; and ye shall rejoice before the Lord your God seven days. |
| 41 | Na yupela mas mekim dispela, em wanpela bikpela kaikai i go long BIKPELA sevenpela de long yia. Dispela mas i stap wanpela lo i stap long buk oltaim oltaim long ol lain tumbuna pikinini bilong yupela. Yupela mas mekim dispela long mun namba seven. | And ye shall keep it a feast unto the Lord seven days in the year. It shall be a statute for ever in your generations: ye shall celebrate it in the seventh month. |
| 42 | Yupela mas sindaun long ol haus win sevenpela de. Olgeta manmeri i kamap long lain bilong Isrel mas i sindaun long ol haus win. | Ye shall dwell in booths seven days; all that are Israelites born shall dwell in booths: |
| 43 | Bai ol lain tumbuna pikinini bilong yupela i ken save long Mi bin mekim ol pikinini bilong Isrel i sindaun long ol haus win taim Mi bringim ol i lusim Isip. Mi stap BIKPELA na God bilong yupela. | That your generations may know that I made the children of Israel to dwell in booths, when I brought them out of the land of Egypt: I am the Lord your God. |
| 44 | Na Moses i tokaut long ol pikinini bilong Isrel long ol bikpela kaikai bilong BIKPELA. | And Moses declared unto the children of Israel the feasts of the Lord. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL