디모데후서 4장 King Jems Pisin Baibel
King Jems Pisin Baibel · 톡피신어 · 디모데후서 (2 Timothy) · 22절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ Olsem na mi givim wok long yu long ai bilong God, na Bikpela Jisas Kraist, husat bai jasim ol man i stap laip na ol man i dai pinis long taim bilong em long kamap ples klia na long kingdom bilong em. | I charge thee therefore before God, and the Lord Jesus Christ, who shall judge the quick and the dead at his appearing and his kingdom; |
| 2 | Autim tok bilong God. Stap redi wantu long taim ol i makim, na taim ol i no makim. Krosim, hatim, strongim bel wantaim olgeta pasin bilong karim pen longpela taim na ol skul bilong Baibel. | Preach the word; be instant in season, out of season; reprove, rebuke, exhort with all longsuffering and doctrine. |
| 3 | Long wanem, taim bai kamap long ol bai i no inap stap strong yet long stretpela skul bilong Baibel. Tasol long bihainim ol aigris long ol yet, ol bai hipim long ol yet ol tisa, taim ol i gat ol ia i skirap. | For the time will come when they will not endure sound doctrine; but after their own lusts shall they heap to themselves teachers, having itching ears; |
| 4 | Na ol bai tanim ol ia bilong ol long lusim tok tru, na ol bai tanim i go long ol giaman stori nating. | And they shall turn away their ears from the truth, and shall be turned unto fables. |
| 5 | Tasol yu was long olgeta samting, stap strong yet long ol taim bilong kisim hevi, mekim wok bilong ivanselis, soim olsem dispela wok bilong yu i tru olgeta. | But watch thou in all things, endure afflictions, do the work of an evangelist, make full proof of thy ministry. |
| 6 | Long wanem, mi stap redi nau long ol i ken ofaim mi, na taim bilong mi long go em i klostu. | For I am now ready to be offered, and the time of my departure is at hand. |
| 7 | Mi bin paitim gutpela pait, mi bin pinisim resis bilong mi, mi bin holimpas bilip tru. | I have fought a good fight, I have finished my course, I have kept the faith: |
| 8 | I stat long nau i go God i putim i stap bilong mi wanpela hat king bilong stretpela pasin, dispela Bikpela, stretpela jas, bai givim mi long dispela de. Na i no long mi tasol, tasol long olgeta tu husat i laikim tru taim bilong em bilong kamap ples klia. | Henceforth there is laid up for me a crown of righteousness, which the Lord, the righteous judge, shall give me at that day: and not to me only, but unto all them also that love his appearing. |
| 9 | ¶ Mekim wok strong bilong yu long kam long mi klostu nau. | Do thy diligence to come shortly unto me: |
| 10 | Long wanem, Dimas i bin givim baksait long mi, taim em i bin laikim tru dispela graun i stap nau, na em i lusim mi i go long Tesalonaika, Kresens long Galesia, Taitas i go long Dalmesia. | For Demas hath forsaken me, having loved this present world, and is departed unto Thessalonica; Crescens to Galatia, Titus unto Dalmatia. |
| 11 | Luk tasol i stap wantaim mi. Kisim Mak, na bringim em wantaim yu. Long wanem, em i gutpela long helpim mi long dispela wok. | Only Luke is with me. Take Mark, and bring him with thee: for he is profitable to me for the ministry. |
| 12 | Na Tikikas mi bin salim long Efesas. | And Tychicus have I sent to Ephesus. |
| 13 | Dispela ausait saket mi lusim long Troas wantaim Karpas, taim yu kam, bringim dispela wantaim yu, na ol buk, tasol moa yet ol skin bilong abus bilong rait long en. | The cloke that I left at Troas with Carpus, when thou comest, bring with thee, and the books, but especially the parchments. |
| 14 | Man bilong wokim ain kapa Aleksandar i mekim planti pasin nogut long mi. Bikpela i ken givim pe long em bilong bihainim ol wok bilong em, | Alexander the coppersmith did me much evil: the Lord reward him according to his works: |
| 15 | Long husat yu mas lukaut gut tu. Long wanem, em i bin sanap strong na birua bikpela long ol toktok bilong yumi. | Of whom be thou ware also; for he hath greatly withstood our words. |
| 16 | ¶ Long namba wan bekim bilong mi i no gat man i sanap wantaim mi, tasol olgeta man i givim baksait long mi. Mi beten long God long em i no ken putim dispela long dinau bilong ol. | At my first answer no man stood with me, but all men forsook me: I pray God that it may not be laid to their charge. |
| 17 | Tasol Bikpela i bin sanap wantaim mi, na strongim mi, inap long, long wok bilong mi, ol i ken save olgeta long dispela autim tok bilong God, na long olgeta man i no Ju i ken harim. Na em i kisim bek mi ausait long maus bilong laion. | Notwithstanding the Lord stood with me, and strengthened me; that by me the preaching might be fully known, and that all the Gentiles might hear: and I was delivered out of the mouth of the lion. |
| 18 | Na Bikpela bai kisim bek mi long olgeta wan wan wok nogut, na em bai mekim mi stap gut yet i go inap long kingdom bilong em bilong heven, long husat glori i ken stap oltaim oltaim na oltaim. Amen. | And the Lord shall deliver me from every evil work, and will preserve me unto his heavenly kingdom: to whom be glory for ever and ever. Amen. |
| 19 | Tok gude long Priska na Akwila, na hauslain bilong Onesiforas. | Salute Prisca and Aquila, and the household of Onesiphorus. |
| 20 | Erastas i bin stap long Korin. Tasol Trofimas mi bin lusim long Militam taim em i sik yet. | Erastus abode at Corinth: but Trophimus have I left at Miletum sick. |
| 21 | Mekim wok strong bilong yu long kam bipo long taim bilong bikpela kol. Yubulas i salim gude long yu, na Pudens, na Lainas, na Klaudia, na olgeta brata. | Do thy diligence to come before winter. Eubulus greeteth thee, and Pudens, and Linus, and Claudia, and all the brethren. |
| 22 | Bikpela Jisas Kraist i stap wantaim spirit bilong yu. Marimari i stap wantaim yu. Amen. | The Lord Jesus Christ be with thy spirit. Grace be with you. Amen. The second epistle unto Timotheus, ordained the first bishop of the church of the Ephesians, was written from Rome, when Paul was brought before Nero the second time. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL