누가복음 2장 King Jems Pisin Baibel
King Jems Pisin Baibel · 톡피신어 · 누가복음 (Luke) · 52절 · 대역: King James Version
| 절 | King Jems Pisin Baibel | King James Version |
|---|---|---|
| 1 | ¶ Na em i kamap olsem long ol dispela de, long i gat wanpela strongpela tokaut i kam long Sisa Ogastas, long olgeta dispela graun i mas baim takis. | And it came to pass in those days, that there went out a decree from Cesar Augustus, that all the world should be taxed. |
| 2 | (Na dispela pasin bilong baim takis ol i wokim pastaim taim Sairenias em i nambawan gavman bilong Siria.) | (And this taxing was first made when Cyrenius was governor of Syria.) |
| 3 | Na olgeta i go long baim takis, olgeta wan wan man i go long biktaun bilong em yet. | And all went to be taxed, every one into his own city. |
| 4 | Na Josep tu i go antap i lusim Galili, ausait long biktaun bilong Nasaret, i go long Judia, i go long biktaun bilong Devit, dispela ol i kolim Betlehem, (bilong wanem, em i bilong hauslain na lain tumbuna bilong Devit.) | And Joseph also went up from Galilee, out of the city of Nazareth, into Judea, unto the city of David, which is called Bethlehem; (because he was of the house and lineage of David:) |
| 5 | Em i go long baim takis wantaim Maria, meri bilong em long kontrak, taim bel bilong meri i bikpela wantaim pikinini. | To be taxed with Mary his espoused wife, being great with child. |
| 6 | Na em i olsem, long, taim ol i stap long dispela hap, ol de bilong em i kamap pinis long em i mas karim pikinini. | And so it was, that, while they were there, the days were accomplished that she should be delivered. |
| 7 | Na em i karim namba wan pikinini man bilong em, na raunim em insait long ol klos bilong raunim bebi, na slipim em long bokis kaikai bilong ol bulmakau samting. Bilong wanem, i no gat spes long ol long haus pasindia. | And she brought forth her firstborn son, and wrapped him in swaddling clothes, and laid him in a manger; because there was no room for them in the inn. |
| 8 | ¶ Na i gat i stap long dispela hap graun stret ol wasman bilong sipsip i stap long ples kunai, taim ol i was long ol lain sipsip bilong ol long nait. | And there were in the same country shepherds abiding in the field, keeping watch over their flock by night. |
| 9 | Na, harim, ensel bilong Bikpela i kam long ol, na glori bilong Bikpela i lait raun nabaut long ol. Na ol i pret tru. | And, lo, the angel of the Lord came upon them, and the glory of the Lord shone round about them: and they were sore afraid. |
| 10 | Na ensel i tokim ol, No ken pret. Long wanem, lukim, mi bringim gutpela nius long yupela bilong bikpela amamas tru, dispela bai i stap bilong olgeta manmeri. | And the angel said unto them, Fear not: for, behold, I bring you good tidings of great joy, which shall be to all people. |
| 11 | Long wanem, long yupela tude mama i karim long biktaun bilong Devit wanpela Man Bilong Kisim Bek, husat em i Kraist Bikpela. | For unto you is born this day in the city of David a Saviour, which is Christ the Lord. |
| 12 | Na dispela bai stap wanpela mak i go long yupela. Yupela bai lukim dispela bebi i pas raun nabaut long ol klos bilong raunim bebi, taim em i slip long bokis kaikai bilong ol bulmakau samting. | And this shall be a sign unto you; Ye shall find the babe wrapped in swaddling clothes, lying in a manger. |
| 13 | Na wantu i gat i stap wantaim dispela ensel wanpela bikpela lain tru bilong ami bilong heven i litimapim nem bilong God, na spik, | And suddenly there was with the angel a multitude of the heavenly host praising God, and saying, |
| 14 | Glori i go long God i antap moa olgeta, na long dispela graun bel isi, gutpela bel i go long ol man. | Glory to God in the highest, and on earth peace, good will toward men. |
| 15 | Na em i kamap olsem, taim ol ensel i lusim ol i go long heven pinis, ol wasman bilong sipsip i tok wanpela i go long narapela, Yumi go nau, yes, long Betlehem, na lukim dispela samting, dispela i kamap olsem, dispela Bikpela i bin mekim yumi long save long en. | And it came to pass, as the angels were gone away from them into heaven, the shepherds said one to another, Let us now go even unto Bethlehem, and see this thing which is come to pass, which the Lord hath made known unto us. |
| 16 | Na ol i kam hariap, na lukim Maria, na Josep, na bebi i slip long bokis kaikai bilong ol bulmakau samting. | And they came with haste, and found Mary, and Joseph, and the babe lying in a manger. |
| 17 | Na taim ol i bin lukim dispela, ol i mekim ol lain ausait long save dispela toktok ensel i tokim ol long sait bilong dispela Pikinini. | And when they had seen it, they made known abroad the saying which was told them concerning this child. |
| 18 | Na ol olgeta husat i harim dispela i tingting planti long ol dispela samting, dispela ol wasman bilong sipsip i tokim ol. | And all they that heard it wondered at those things which were told them by the shepherds. |
| 19 | Tasol Maria i holimpas olgeta dispela samting na em i tingim na skelim ol insait long bel bilong em. | But Mary kept all these things, and pondered them in her heart. |
| 20 | Na ol wasman bilong sipsip i go bek, na givim glori na litimapim nem bilong God long olgeta dispela samting ol i bin harim na lukim, olsem ensel i tokim ol. | And the shepherds returned, glorifying and praising God for all the things that they had heard and seen, as it was told unto them. |
| 21 | ¶ Na taim etpela de i kamap pinis bilong ol i mas katim skin bilong Pikinini, ol i kolim nem bilong em JISAS, dispela em i nem olsem em i kisim long ensel bipo mama i kisim bel na em i kam insait long bel. | And when eight days were accomplished for the circumcising of the child, his name was called JESUS, which was so named of the angel before he was conceived in the womb. |
| 22 | Na taim ol de bilong kamap klin bilong meri bilong bihainim lo bilong Moses i kamap pinis, ol i bringim em long Jerusalem, bilong givim em long Bikpela, | And when the days of her purification according to the law of Moses were accomplished, they brought him to Jerusalem, to present him to the Lord; |
| 23 | (Olsem rait i stap pinis long lo bilong Bikpela, Olgeta wan wan man husat i opim bel bilong mama ol bai kolim holi long Bikpela,) | (As it is written in the law of the Lord, Every male that openeth the womb shall be called holy to the Lord;) |
| 24 | Na long ofaim wanpela sakrifais bilong bihainim dispela samting lo bilong Bikpela i tok long en, Tupela balus turtel, o tupela yangpela balus pidgin. | And to offer a sacrifice according to that which is said in the law of the Lord, A pair of turtledoves, or two young pigeons. |
| 25 | ¶ Na, lukim, i gat wanpela man long Jerusalem, husat nem bilong em em Simion. Na dispela man stret em i stretpela na strong long bihainim God, taim em i wetim dispela bel isi bilong Isrel. Na Holi Spirit i stap antap long em. | And, behold, there was a man in Jerusalem, whose name was Simeon; and the same man was just and devout, waiting for the consolation of Israel: and the Holy Ghost was upon him. |
| 26 | Na em i kamap ples klia long em long wok bilong Holi Spirit, long em bai i no ken lukim dai, bipo em i bin lukim dispela Kraist bilong Bikpela. | And it was revealed unto him by the Holy Ghost, that he should not see death, before he had seen the Lord’s Christ. |
| 27 | Na em i kam long wok bilong Spirit insait long tempel. Na taim papamama i bringim dispela Pikinini Jisas insait, long mekim long em i bihainim kastam bilong lo, | And he came by the Spirit into the temple: and when the parents brought in the child Jesus, to do for him after the custom of the law, |
| 28 | Nau em i kisim em i go long tupela han bilong em, na blesim God, na tok, | Then took he him up in his arms, and blessed God, and said, |
| 29 | Bikpela, nau yu ken larim wokboi bilong yu go wantaim bel isi, bilong bihainim tok bilong yu. | Lord, now lettest thou thy servant depart in peace, according to thy word: |
| 30 | Long wanem, tupela ai bilong mi i bin lukim kisim bek bilong yu, | For mine eyes have seen thy salvation, |
| 31 | Dispela yu bin redim long ai bilong pes bilong olgeta manmeri. | Which thou hast prepared before the face of all people; |
| 32 | Wanpela lait bilong givim lait long ol man i no Ju, na glori bilong lain manmeri bilong yu Isrel. | A light to lighten the Gentiles, and the glory of thy people Israel. |
| 33 | Na Josep na mama bilong em i tingting planti long ol dispela samting, ol dispela Simion i toktok long sait bilong em. | And Joseph and his mother marvelled at those things which were spoken of him. |
| 34 | Na Simion i blesim ol, na tokim mama bilong em Maria, Lukim, dispela Pikinini i sanap bilong pundaun na kirap gen bilong planti insait long Isrel. Na bilong wanpela mak, dispela ol bai toktok birua long en. | And Simeon blessed them, and said unto Mary his mother, Behold, this child is set for the fall and rising again of many in Israel; and for a sign which shall be spoken against; |
| 35 | (Yes, wanpela bainat bai sutim namel long tewel bilong yu tu,) inap long ol tingting bilong planti bel i ken kamap ples klia. | (Yea, a sword shall pierce through thy own soul also,) that the thoughts of many hearts may be revealed. |
| 36 | Na i gat wanpela Ana, wanpela profet meri, pikinini meri bilong Fanyuel, bilong lain Aser. Em i gat planti krismas tru, na em i bin stap wantaim man bilong em sevenpela yia bihain long taim em i stap meri i no bin slip wantaim man. | And there was one Anna, a prophetess, the daughter of Phanuel, of the tribe of Aser: she was of a great age, and had lived with an husband seven years from her virginity; |
| 37 | Na em i stap meri man bilong em i dai pinis klostu olsem 84 yia, husat i no lusim tempel, tasol em i wokim wok long God wantaim ol pasin bilong tambuim kaikai na ol prea nait na san. | And she was a widow of about fourscore and four years, which departed not from the temple, but served God with fastings and prayers night and day. |
| 38 | Na meri i kam long dispela taim stret na givim tok tenkyu wankain olsem i go long Bikpela, na toktok long sait bilong em long olgeta husat i lukluk long dispela baim bek insait long Jerusalem. | And she coming in that instant gave thanks likewise unto the Lord, and spake of him to all them that looked for redemption in Jerusalem. |
| 39 | Na taim ol i bin wokim olgeta samting bilong bihainim lo bilong Bikpela, ol i go bek long Galili, long biktaun bilong ol yet Nasaret. | And when they had performed all things according to the law of the Lord, they returned into Galilee, to their own city Nazareth. |
| 40 | Na dispela Pikinini i go bikpela, na wok long kamap strong insait long spirit, pulap wantaim save tru. Na marimari bilong God i stap antap long em. | And the child grew, and waxed strong in spirit, filled with wisdom: and the grace of God was upon him. |
| 41 | ¶ Nau papamama bilong em i go long Jerusalem olgeta wan wan yia long bikpela kaikai bilong pasova. | Now his parents went to Jerusalem every year at the feast of the passover. |
| 42 | Na taim em i gat twelpela krismas, ol i go antap long Jerusalem i bihainim kastam bilong dispela bikpela kaikai. | And when he was twelve years old, they went up to Jerusalem after the custom of the feast. |
| 43 | Na taim ol i bin inapim ol de pinis, taim ol i go bek, dispela pikinini Jisas i stap bek yet long Jerusalem. Na Josep na mama bilong em i no save long dispela. | And when they had fulfilled the days, as they returned, the child Jesus tarried behind in Jerusalem; and Joseph and his mother knew not of it. |
| 44 | Tasol tupela, taim ol i ting olsem em i bin stap wantaim lain bilong ol, i go wanpela de wokabaut. Na ol i painim em namel long ol kandere bilong ol na ol man ol i save long ol. | But they, supposing him to have been in the company, went a day’s journey; and they sought him among their kinsfolk and acquaintance. |
| 45 | Na taim tupela i no lukim em, ol i tanim i go bek gen long Jerusalem, na painim em. | And when they found him not, they turned back again to Jerusalem, seeking him. |
| 46 | Na em i kamap olsem, long bihain long tripela de ol i painim em pinis insait long tempel, taim em i sindaun namel long ol dokta, taim em i harim ol, na askim ol ol askim wantaim. | And it came to pass, that after three days they found him in the temple, sitting in the midst of the doctors, both hearing them, and asking them questions. |
| 47 | Na olgeta husat i harim em i kirap nogut long save na ol bekim bilong em. | And all that heard him were astonished at his understanding and answers. |
| 48 | Na taim ol i lukim em, ol i kirap nogut tru. Na mama bilong em i tokim em, Pikinini Man, bilong wanem yu bin mekim olsem long mipela? Lukim, papa bilong yu na mi i bin painim yu wantaim bel i pilim hevi. | And when they saw him, they were amazed: and his mother said unto him, Son, why hast thou thus dealt with us? behold, thy father and I have sought thee sorrowing. |
| 49 | Na em i tokim tupela, Em i olsem wanem long yutupela i bin painim mi? Ating i yes long yupela i save long mi mas stap nabaut long wok bilong Papa bilong mi? | And he said unto them, How is it that ye sought me? wist ye not that I must be about my Father’s business? |
| 50 | Na ol i no save gut long dispela toktok em i tokim ol. | And they understood not the saying which he spake unto them. |
| 51 | Na em i go daun wantaim ol, na kam long Nasaret, na stap aninit long ol. Tasol mama bilong em i holimpas olgeta dispela toktok insait long bel bilong em. | And he went down with them, and came to Nazareth, and was subject unto them: but his mother kept all these sayings in her heart. |
| 52 | Na Jisas i kamap bikpela moa long save tru na longpela bilong bodi, na long gutpela amamas wantaim God na man. | And Jesus increased in wisdom and stature, and in favour with God and man. |
King Jems Pisin Baibel — getbible.net(CrossWire SWORD 모듈)에서 가져옴 · 라이선스: CC BY-NC-ND 4.0 (Creative Commons: BY-NC-ND 4.0) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL