고린도전서 13장 NT Textus Receptus (1550 1894) Parsed
NT Textus Receptus (1550 1894) Parsed · 고대 그리스어(헬라어) · 고린도전서 (1 Corinthians) · 13절
- 1 εαν ταις γλωσσαις των ανθρωπων λαλω και των αγγελων αγαπην δε μη εχω γεγονα χαλκος ηχων η κυμβαλον αλαλαζον
- 2 και εαν εχω προφητειαν και ειδω τα μυστηρια παντα και πασαν την γνωσιν και εαν εχω πασαν την πιστιν ωστε ορη μεθιστανειν αγαπην δε μη εχω ουθεν ουδεν ειμι
- 3 και εαν ψωμισω παντα τα υπαρχοντα μου και εαν παραδω το σωμα μου ινα καυθησωμαι αγαπην δε μη εχω ουδεν ωφελουμαι
- 4 η αγαπη μακροθυμει χρηστευεται η αγαπη ου ζηλοι η αγαπη ου περπερευεται ου φυσιουται
- 5 ουκ ασχημονει ου ζητει τα εαυτης ου παροξυνεται ου λογιζεται το κακον
- 6 ου χαιρει επι τη αδικια συγχαιρει δε τη αληθεια
- 7 παντα στεγει παντα πιστευει παντα ελπιζει παντα υπομενει
- 8 η αγαπη ουδεποτε εκπιπτει ειτε δε προφητειαι καταργηθησονται ειτε γλωσσαι παυσονται ειτε γνωσις καταργηθησεται
- 9 εκ μερους γαρ γινωσκομεν και εκ μερους προφητευομεν
- 10 οταν δε ελθη το τελειον τοτε το εκ μερους καταργηθησεται
- 11 οτε ημην νηπιος ως νηπιος ελαλουν ως νηπιος εφρονουν ως νηπιος ελογιζομην οτε δε γεγονα ανηρ κατηργηκα τα του νηπιου
- 12 βλεπομεν γαρ αρτι δι εσοπτρου εν αινιγματι τοτε δε προσωπον προς προσωπον αρτι γινωσκω εκ μερους τοτε δε επιγνωσομαι καθως και επεγνωσθην
- 13 νυνι δε μενει πιστις ελπις αγαπη τα τρια ταυτα μειζων δε τουτων η αγαπη
- 📚 NT Textus Receptus (1550 1894) Parsed 책 목록
- 개역개정판 (1998)로
- 개역한글판 (1961)로
- 표준새번역 (1993)로
- King James Version로
- KJV 와 나란히
- 🌐 다른 언어·판
NT Textus Receptus (1550 1894) Parsed — getbible.net(CrossWire SWORD 모듈)에서 가져옴 · 라이선스: CC BY-NC-SA 4.0 (Creative Commons: BY-NC-SA 4.0) · 출처 ↗