디모데후서 4장 Tausug Kitab Injil
Tausug Kitab Injil · 타우수그어 · 디모데후서 (2 Timothy) · 22절 · 대역: King James Version
| 절 | Tausug Kitab Injil | King James Version |
|---|---|---|
| 1 | Na, bihaun yari awn daakan ku kaymu. Ibut-ibut tuud agara in daakan ini, sabab hi Īsa Almasi magbabalik mari pa dunya mamarinta. In daakan ku ini kaymu, Tuhan in saksi' iban hi Īsa Almasi, amu in manghukum ha mānusiya' katān, buhi' na ka atawa patay ha adlaw mahuli. | I charge thee therefore before God, and the Lord Jesus Christ, who shall judge the quick and the dead at his appearing and his kingdom; |
| 2 | Ini in daakan ku kaymu. Pamahalayakan in Parman sin Tuhan pa manga tau, iban tuyu' kaw tuud magnasīhat kanila, minsan ku'nu-ku'nu waktu, mabaya' na ka sila dumungug atawa di'. Dāhun mu sila magkahagad kan Īsa. Bang awn manga tau nakahinang sin bukun mabuntul, baytai iban pag'amahi sila sin kasāan nila. Bang awn manga tau mahuka' in pangandul nila pa Tuhan, hindui sila bat kumusug in pangandul sin lawm atay nila. Ayaw tuud lawaa in pasinsiya mu ha salugay mu nanghihindu' ha manga tau. | Preach the word; be instant in season, out of season; reprove, rebuke, exhort with all longsuffering and doctrine. |
| 3 | Amu yan in daakan ku kaymu, sabab maabut da in waktu mataud na tau in di' magad sin hindu' kasabunnalan, sagawa' amuna in agarun nila in unu-unu makasulut sin kabayaan nila. Maglibutan na sila manglawag sin manga guru, amu in sasuku' sin manghindu' kanila sin makasulut sin pangdungug nila. | For the time will come when they will not endure sound doctrine; but after their own lusts shall they heap to themselves teachers, having itching ears; |
| 4 | Di' sila dumungug sin hindu' kasabunnalan, sumagawa' amu in kahagarun nila in suysuy hinang-hinang. | And they shall turn away their ears from the truth, and shall be turned unto fables. |
| 5 | Sumagawa' in ikaw, Timuti, subay mahantap in pamikil mu, minsan unu-unu na in kahālan kimugdan kaymu. Sandali in unu-unu kasigpitan. Patattapa in pikilan mu ha hinang pagpamahalayak sin Bayta' Marayaw pasal hi Īsa Almasi. Puspusa tuud in dayaw sin paghinang mu sin unu-unu katān daakan sin Tuhan kaymu. | But watch thou in all things, endure afflictions, do the work of an evangelist, make full proof of thy ministry. |
| 6 | Ampa in aku dimatung na in waktu hitukbal ku na in ginhawa-baran ku pa Tuhan. Masuuk na aku manaykud dayn ha dunya. | For I am now ready to be offered, and the time of my departure is at hand. |
| 7 | Bang biya' sapantun naglumba' nagdagan, in aku nagtuyu' tuud dimagan. Naragan ku in katihabaan sin paglumbaan sampay ku naabut in jangkaan. Way tuud aku kiyarapatan sin Tuhan ha pasal sin daakan kiyapangandul niya kāku'. | I have fought a good fight, I have finished my course, I have kept the faith: |
| 8 | Na, bihaun yadtu nagtatagad kāku' in tungbas sin manga hinang ku marayaw, amu in tungbas hirihil kāku' ha adlaw mahuli sin Panghu' Īsa Almasi, amu in manghuhukum mabuntul. Lāgi' bukun sadja isab aku in tungbasan niya marayaw, sagawa' sampay da isab in manga tau katān malasa kaniya amu in nagtatagad sin adlaw pagbalik niya. | Henceforth there is laid up for me a crown of righteousness, which the Lord, the righteous judge, shall give me at that day: and not to me only, but unto all them also that love his appearing. |
| 9 | Mahuli dayn duun, tuyu' kaw, Timuti, mari kāku' ha masamut ini. | Do thy diligence to come shortly unto me: |
| 10 | Karna' binīn na aku hi Dimas. Yadtu na siya piya dāira Tisalunika, karna' narā na siya sin ligut sin dunya. Hi Kiriskis yadtu na piya Galatiya. Iban hi Titus yadtu na piya Dalmati. | For Demas hath forsaken me, having loved this present world, and is departed unto Thessalonica; Crescens to Galatia, Titus unto Dalmatia. |
| 11 | Amura hi Lukas in iban ku dī. Kawaa ampa mu paagara hi Markus bang kaw mari, sabab kagunahan ku siya. Makatabang siya kāku' ha hinang ku. | Only Luke is with me. Take Mark, and bring him with thee: for he is profitable to me for the ministry. |
| 12 | In hi Tikikus, yadtu ku diyaak pa dāira Ipisus. | And Tychicus have I sent to Ephesus. |
| 13 | Bang kaw mari dāha in badju' ku pagsu'lugun ku ha waktu mahaggut, amu in binīn ku kan Karpus ditun ha hula' Turuas. Damikkiyan dāha in manga sulat liyulūn, labi awla na in manga sulat maharga' kāku', amu in siyusulat ha pais hayup. | The cloke that I left at Troas with Carpus, when thou comest, bring with thee, and the books, but especially the parchments. |
| 14 | Nakamula tuud kāku' in hinang hi Iskandal, amu in mananasal basi', sumagawa' Tuhan na in tumungbas ha tau yan, amu tungbas tumūp ha hinang niya. | Alexander the coppersmith did me much evil: the Lord reward him according to his works: |
| 15 | Halli' kaw tuud dayn ha tau yan, sabab in siya yan simusulang tuud sin katān piyanghindu' ta. | Of whom be thou ware also; for he hath greatly withstood our words. |
| 16 | Ha tagna' ku narā pa paghukuman, dimaawa sin tuntut kāku', wayruun minsan hambuuk bagay ku in dimapit kāku'. Piyasāran nila aku. Mura-murahan bang mayan sila ampunun sin Tuhan sin nahinang nila yan! | At my first answer no man stood with me, but all men forsook me: I pray God that it may not be laid to their charge. |
| 17 | Sagawa', minsan nila aku piyasāran, hi Panghu' Īsa wala' nagpasād kāku'. Tiyabang niya aku dīhilan kusug, ha supaya ku hikapamahalayak in daakan niya katān pa manga tau bukun Yahudi. Iban piyuas niya aku dayn ha hukuman, amu in dumihil kamatay kāku'. | Notwithstanding the Lord stood with me, and strengthened me; that by me the preaching might be fully known, and that all the Gentiles might hear: and I was delivered out of the mouth of the lion. |
| 18 | Tantu lappasun da aku sin Panghu' Īsa dayn ha unu-unu katān makarā pa kangīan, ampa niya aku dāhun pa surga', amu in hula' piyagsusultanan niya. Kaniya in katān kalagguan iban kasanglitan kasaumulan. Amin. | And the Lord shall deliver me from every evil work, and will preserve me unto his heavenly kingdom: to whom be glory for ever and ever. Amen. |
| 19 | Mahuli dayn duun, pasampayan in salam-duwaa ku madtu kan Pirisila iban hi Akili, iban da isab pa manga tau ha lawman hi Unisipurus. | Salute Prisca and Aquila, and the household of Onesiphorus. |
| 20 | Hi Irastus yatun pa nagpabīn ha dāira Kurintu, ampa in hi Turupimus binīn ku ha Militus sabab nāsakit siya. | Erastus abode at Corinth: but Trophimus have I left at Miletum sick. |
| 21 | Pagtuyu' kaw tuud mari ha bukun pa waktu mahaggut in hula'. Hipapasampay da isab hinda Ubulus, Puddin, Linus iban hi Kalawda in salam-duwaa nila kaymu. Damikkiyan magpasampay da isab sin salam-duwaa nila kaymu in katān taymanghud ta Almasihin dī ha ini. | Do thy diligence to come before winter. Eubulus greeteth thee, and Pudens, and Linus, and Claudia, and all the brethren. |
| 22 | Mura-murahan bang mayan taptap ha lawm atay mu hi Panghu' Īsa. Mura-murahan bang mayan di' magbugtu' in tulung-tabang sin Tuhan kaniyu katān. Wassalam. | The Lord Jesus Christ be with thy spirit. Grace be with you. Amen. The second epistle unto Timotheus, ordained the first bishop of the church of the Ephesians, was written from Rome, when Paul was brought before Nero the second time. |
Tausug Kitab Injil — getbible.net(CrossWire SWORD 모듈)에서 가져옴 · 라이선스: CC BY-ND 3.0 (무변경) (Creative Commons: by-nd 3.0)
King James Version — getbible.net(CrossWire SWORD 모듈)에서 가져옴 · 라이선스: GPL