데살로니가전서 5장 Tausug Kitab Injil
Tausug Kitab Injil · 타우수그어 · 데살로니가전서 (1 Thessalonians) · 28절 · 대역: King James Version
| 절 | Tausug Kitab Injil | King James Version |
|---|---|---|
| 1 | Na, bihaun manga taymanghud, minsan kamu di' ku na baytaan ha sulat ini pasal bang ku'nu waktu iban jāman maawn in manga palihālan yan. | But of the times and the seasons, brethren, ye have no need that I write unto you. |
| 2 | Karna' kiyaiingatan niyu da tuud isab sin in pagbalik pa dunya hi Panghu' Īsa, magtagha' sadja biya' sapantun sin waktu sin hambuuk sugarul manakaw sin dūm ha waktu di' kaingatan. | For yourselves know perfectly that the day of the Lord so cometh as a thief in the night. |
| 3 | Bang in manga tau imiyan in sila masannyang iban way kapiligruhan, na di' nila kaalimatahan magtagha' sadja kugdanan sila sin kamulahan. Di' nila katangkisan iban kapaguyan in kamulahan yan. Biya' yan sapantun sin babai burus sūng na mag'anak, amu in magtagha' sadja sakitan na tiyan. | For when they shall say, Peace and safety; then sudden destruction cometh upon them, as travail upon a woman with child; and they shall not escape. |
| 4 | Sumagawa' in kamu manga taymanghud, bukun na awam biya' sin hantang ha lawm katigidluman bang tungud ha pasal yan. Hangkan subay kamu di' kublaan bang dumatung na in waktu yan biya' sin kubla' niyu bang kamu masūd sin sugarul. | But ye, brethren, are not in darkness, that that day should overtake you as a thief. |
| 5 | Karna' in kamu yan katān ha lawm kasawahan. Bukun kitaniyu biya' sin manga tau amu in ha lawm katigidluman. | Ye are all the children of light, and the children of the day: we are not of the night, nor of darkness. |
| 6 | Na, hangkan ayaw kamu biya' sin kaibanan tau natutūg sadja. Subay kamu majaga iban ha lawm sayu sadja nagpipikil sin marayaw. | Therefore let us not sleep, as do others; but let us watch and be sober. |
| 7 | In dūm amuna in waktu sin pagtutūg sin manga tau, iban dūm in waktu paghihilu sin manga tau mag'iinum alak. | For they that sleep sleep in the night; and they that be drunken are drunken in the night. |
| 8 | Sumagawa' in kitaniyu ha lawm kasawahan, subay ha lawm sayu sadja nagpipikil sin marayaw. In kitaniyu ini subay magsangun sin makatampan sin baran taniyu dayn ha kamulahan. Hisangun natu' in īman iban kasi-lasa amu in biya' sapantun tampan sin daghal natu', iban in hulat-hulat natu' sin kalappasan taniyu, amuna in biya' sapantun tampan sin ū taniyu. | But let us, who are of the day, be sober, putting on the breastplate of faith and love; and for an helmet, the hope of salvation. |
| 9 | Sabab bukun in giyanta' kātu'niyu sin Tuhan butangan kitaniyu sin hukuman kasiksaan, sagawa' in ganta' niya dihilan kitaniyu kalappasan sabab-karna' tabang sin Panghu' natu' Īsa Almasi. | For God hath not appointed us to wrath, but to obtain salvation by our Lord Jesus Christ, |
| 10 | Miyatay siya sabab-karna' natu', ha supaya in kitaniyu katān agad kaniya, buhi' na ka atawa patay, makapaghambuuk iban siya bang siya magbalik na. | Who died for us, that, whether we wake or sleep, we should live together with him. |
| 11 | Hangkan pagtabang-tiyabangi kamu magpahugut sin īman sin pakaniya-pakaniya kaniyu biya' sin hinang niyu bihaun. | Wherefore comfort yourselves together, and edify one another, even as also ye do. |
| 12 | Na, pangayuun namu' junjung kaniyu manga taymanghud, pag'addati niyu tuud in manga tau naghuhulas-sangsa' kaniyu, amu in naraak sin Panghu' magnakura' iban manghindu' kaniyu. | And we beseech you, brethren, to know them which labour among you, and are over you in the Lord, and admonish you; |
| 13 | Subay malabi tuud in pag'addat iban lasa niyu kanila sabab sin paghulas-sangsa' nila kaniyu. Lāgi' pagsulut-siyuluti kamu. | And to esteem them very highly in love for their work’s sake. And be at peace among yourselves. |
| 14 | Ini in tuyuan namu' tuud hihindu' kaniyu manga taymanghud. Hindui niyu in manga tau lisuan sin subay sila maghinang. Tabangi niyu in manga tau mabuga' magpaisug sin pangatayan nila iban tabangi niyu in manga mahuka' in īman nila. Ayaw kamu masumu tumabang ha tau katān. | Now we exhort you, brethren, warn them that are unruly, comfort the feebleminded, support the weak, be patient toward all men. |
| 15 | Kita'-kitaa niyu da in manga taymanghud natu' duun ha wayruun minsan hambuuk kanila in mamaws bang awn jimilaka' kanila. Sagawa' subay pagtuyuan niyu in huminang sadja sin marayaw ha pagkahi niyu agad kan Īsa iban ha katān mānusiya'. | See that none render evil for evil unto any man; but ever follow that which is good, both among yourselves, and to all men. |
| 16 | Subay kamu magkūg-kuyag sadja, | Rejoice evermore. |
| 17 | iban ayaw niyu bugtua in pagpangayu' niyu duwaa pa Tuhan. | Pray without ceasing. |
| 18 | Subay kamu magsarang-sukul sadja pa Tuhan unu-unu na in kumugdan kaniyu, sabab amuna yan in kabayaan sin Tuhan hipahinang kaniyu karna' suku' kamu hi Īsa Almasi. | In every thing give thanks: for this is the will of God in Christ Jesus concerning you. |
| 19 | Ayaw niyu saggai in hinang sin Rū sin Tuhan duun kaniyu. | Quench not the Spirit. |
| 20 | Ayaw niyu baba'-babaa in pagnasīhat sin manga pagkahi niyu naraak sin Tuhan magpasampay kaniyu sin daakan niya. | Despise not prophesyings. |
| 21 | Sagawa' in unu-unu na mayan nasīhat subay niyu lilingun bang marayaw atawa bukun. Bang marayaw, na kahagara niyu. | Prove all things; hold fast that which is good. |
| 22 | Iban tangkisi niyu tuud in katān mangī'. | Abstain from all appearance of evil. |
| 23 | Mura-murahan bang mayan kamu suchihun tuud sin Tuhan, amu in magdirihil kātu'niyu kasannyangan ha lawm atay. Iban bang mayan ha waktu sin pagbalik mari sin Panghu' natu' Īsa Almasi wayruun tuud masaway niya kaniyu ha wayruun tuud salla' sin nyawa, pikilan, iban ginhawa-baran niyu. | And the very God of peace sanctify you wholly; and I pray God your whole spirit and soul and body be preserved blameless unto the coming of our Lord Jesus Christ. |
| 24 | Na, suchihun da kamu sin Tuhan, amu in namī' kaniyu magad kaniya, sabab in siya tantu tuud kapangandulan. | Faithful is he that calleth you, who also will do it. |
| 25 | Manga taymanghud, andu' pangayui niyu kami isab duwaa pa Tuhan. | Brethren, pray for us. |
| 26 | Pasampayan niyu in salam-duwaa namu' ha manga taymanghud natu' katān duun. | Greet all the brethren with an holy kiss. |
| 27 | Lāgi' yari awn daakan ku kaniyu dayn ha kawasa dīhil kāku' sin Panghu' natu' Īsa Almasi. Ibut-ibut tuud bachaha niyu in sulat ini pa manga Almasihin katān duun ha hula' Tisalunika. | I charge you by the Lord that this epistle be read unto all the holy brethren. |
| 28 | Mura-murahan bang mayan di' mabugtu' in tulung-tabang kaniyu sin Panghu' natu' Īsa Almasi. Wassalam. | The grace of our Lord Jesus Christ be with you. Amen. The first epistle unto the Thessalonians was written from Athens. |
Tausug Kitab Injil — getbible.net(CrossWire SWORD 모듈)에서 가져옴 · 라이선스: CC BY-ND 3.0 (무변경) (Creative Commons: by-nd 3.0)
King James Version — getbible.net(CrossWire SWORD 모듈)에서 가져옴 · 라이선스: GPL