고린도전서 6장 Tausug Kitab Injil
Tausug Kitab Injil · 타우수그어 · 고린도전서 (1 Corinthians) · 20절 · 대역: King James Version
| 절 | Tausug Kitab Injil | King James Version |
|---|---|---|
| 1 | Na, ha pasal sin manga parakala niyu, bang awn pagsagga sin hambuuk kaniyu iban sin pagkahi niya agad kan Īsa, subay in tūp niya, in parakala yan hipasalassay ha manga tau pagkahi niya da isab suku sin Tuhan. Sagawa, mayta kamu matawakkal dumā sin manga parakala niyu pa sara sin manga tau ha guwa, amu in di magparachaya pa Tuhan? | Dare any of you, having a matter against another, go to law before the unjust, and not before the saints? |
| 2 | Biya hantang kiyalupahan niyu na sin in kitaniyu suku sin Tuhan, ha susūngun, amu in manghukum ha manga mānusiya. Na, pagga awn kapatutan niyu manghukum ha manga mānusiya ha susūngun, amu in parakala dakula, na, amu pa ka isab in di niyu masalassay in manga parakala sibi-sibi? | Do ye not know that the saints shall judge the world? and if the world shall be judged by you, are ye unworthy to judge the smallest matters? |
| 3 | Iban wala niyu ka kiyaingatan minsan in manga malāikat, kamu da in manghukum kanila ha susūngun? Na, pagga biya ha yan, amu pa ka in di niyu masalassay in manga parakala hipagbāk niyu dī ha lawm dunya ini dayn ha waktu pa waktu? | Know ye not that we shall judge angels? how much more things that pertain to this life? |
| 4 | Na, mayta bang awn na parakala niyu hipasalassay niyu ha manga tau way lamud kaniyu, sabab bukun sila manga tau agad ha Almasi. | If then ye have judgments of things pertaining to this life, set them to judge who are least esteemed in the church. |
| 5 | Makasipug yan kaniyu. Minsan biya diin, awn da mayan tau duun kaniyu halul-akkal, amu in maingat sumalassay sin parsaggaan sin kamu magpagkahi Almasihin. Tantu awn sadja. | I speak to your shame. Is it so, that there is not a wise man among you? no, not one that shall be able to judge between his brethren? |
| 6 | Sagawa in hinang niyu, hiratung niyu in manga parakala niyu pa manga tau bukun agad ha Almasi, amu in daakun niyu sumalassay sin parakala niyu. | But brother goeth to law with brother, and that before the unbelievers. |
| 7 | Na, in pagparatung niyu sin manga parakala niyu pa sara, hambuuk kasāan dakula nahinang niyu. Sapādpād niyu hiratung pa sara, marayaw pa īmanan niyu na sadja bang awn huminang mangī atawa mangulli kaniyu pagkahi niyu Almasihin. | Now therefore there is utterly a fault among you, because ye go to law one with another. Why do ye not rather take wrong? why do ye not rather suffer yourselves to be defrauded? |
| 8 | Sagawa unu in hinang niyu? Gām mayan huminang kamu mangī ha manga pagkahi niyu Almasihin sampay kullian niyu sila. | Nay, ye do wrong, and defraud, and that your brethren. |
| 9 | Tantu tuud in manga tau kimaruk in ngī, wayruun palsukuan nila bang mamarinta na in Tuhan. Na, pikila niyu tuud ini marayaw ha supaya di masā in pikilan niyu. Karna in manga tau maghihinang maasihat, atawa magsusumba barhala, atawa manga tau magjina, atawa manga tau maghinang kalumuan iban sin pagkahi nila usug atawa babai, wayruun karayawan suku nila ha pagparintahan sin Tuhan. | Know ye not that the unrighteous shall not inherit the kingdom of God? Be not deceived: neither fornicators, nor idolaters, nor adulterers, nor effeminate, nor abusers of themselves with mankind, |
| 10 | Damikkiyan in manga tau mananakaw, atawa manga tau manapsu ha alta sin kaibanan, atawa manga tau maghihilu, atawa manga tau magbibichara sin puting ha supaya kumangī in ngān sin kaibanan atawa manga manglalangpas, in sila yan katān, wayruun karayawan suku nila ha pagparintahan sin Tuhan. | Nor thieves, nor covetous, nor drunkards, nor revilers, nor extortioners, shall inherit the kingdom of God. |
| 11 | Na, biya ha yan in bakas hīnang sin kaibanan kaniyu tagna. Sagawa siyuchi na kamu sin Tuhan dayn ha manga dusa nahinang niyu iban in kamu suku niya na. Iban ītung na kamu sin Tuhan tau mabuntul, sabab sin kawasa sin ngān sin Panghu Īsa Almasi iban sin kawasa sin Rū sin Tuhan, Tuhan taniyu. | And such were some of you: but ye are washed, but ye are sanctified, but ye are justified in the name of the Lord Jesus, and by the Spirit of our God. |
| 12 | Na, ha pasal sin manga hinang kanapsuhan sin baran niyu, kalu-kalu awn hambuuk tau duun kaniyu mamung, amu agi, “Makajari aku huminang sin unu-unu kabayaan ku bang bukun da langgal sara.” Na, bunnal in bichara niya yan, sagawa ini in hikabayta ku kaniyu. Bukun in katān hinang makarayaw kaniyu, minsan da bukun langgal sara. In aku, makajari aku magdul-baya huminang sin kabayaan ku, malayngkan, di aku mabaya maīpun kaagi sin manga kanapsuhan sin baran ku. | All things are lawful unto me, but all things are not expedient: all things are lawful for me, but I will not be brought under the power of any. |
| 13 | Kalu-kalu awn isab hambuuk kaniyu umiyan, amu agi, “In kakaun suku sin tiyan, iban in tiyan suku sin kakaun.” Na, bunnal in bichara niya yan, sagawa ini in hikabayta ku kaniyu, dumatung da in waktu ha susūngun in tiyan iban sin kakaun īgan da sin Tuhan, sabab wayruun na kalagihan nila. Subay taniyu di dūlan in napsu sin baran taniyu, sabab in ginhawa-baran natu piyapanjari sin Tuhan bukun ha supaya kitaniyu makapagdulbaya huminang sin unu-unu kalumuan kabayaan natu. Sagawa in ginhawa-baran natu piyapanjari sin Tuhan, ha supaya natu mahinang in daakan sin Panghu Īsa. Iban ayaran isab sin Panghu Īsa in ginhawa-baran natu dayn ha unu-unu kangīan. | Meats for the belly, and the belly for meats: but God shall destroy both it and them. Now the body is not for fornication, but for the Lord; and the Lord for the body. |
| 14 | Biyuhi nagbalik sin Tuhan in Panghu Īsa dayn ha kamatay. Damikkiyan, bang kitaniyu mapatay na, dayn ha kusug sin kawasa niya, buhiun niya da isab kitaniyu magbalik. | And God hath both raised up the Lord, and will also raise up us by his own power. |
| 15 | Kaingatan niyu in kitaniyu ini manga suku sin Panghu Īsa Almasi, bang hidalil pa hambuuk anggawta-baran sin tau, in kitaniyu ini biya sapantun sin ginisan bahagi sin pamaranan sin Almasi. Na, pagga kitaniyu amu in biya sapantun manga bahagi sin pamaranan niya, na, di tuud manjari bang kitaniyu humambuuk ha manga babai mangī. | Know ye not that your bodies are the members of Christ? shall I then take the members of Christ, and make them the members of an harlot? God forbid. |
| 16 | Atawa maray di niyu kaingatan sin in usug humambuuk ha babai mangī makapagtibuuk na in manga baran nila. Sabab kiyasulat ha lawm Kitab pasal sin usug iban babai amu agi, “In duwa maghulid matibuuk na in manga baran nila.” | What? know ye not that he which is joined to an harlot is one body? for two, saith he, shall be one flesh. |
| 17 | Sagawa hisiyu-siyu in humambuuk ha Panghu Īsa in sila yan maghangka-atay na iban hi Īsa. | But he that is joined unto the Lord is one spirit. |
| 18 | Na, ibut-ibut, lawak tuud kamu dayn ha unu-unu hinang kalumuan. Bunnal in kaibanan dusa mangī, sagawa di makakangī sin ginhawa-baran. Ampa in dusa, amu in magjina, landu tuud mangī, sabab magdusa siya pa ginhawa-baran niya. | Flee fornication. Every sin that a man doeth is without the body; but he that committeth fornication sinneth against his own body. |
| 19 | Maray kiyalupahan niyu na sin in ginhawa-baran natu, amuna tuud in hiyuhulaan sin Rū sin Tuhan, amu in piyatulun kātuniyu sin Tuhan. Karna in Tuhan amu in tagdapu sin ginhawa-baran natu bukun kitaniyu. | What? know ye not that your body is the temple of the Holy Ghost which is in you, which ye have of God, and ye are not your own? |
| 20 | Sabab maharga in kiyalukat sin Tuhan kātuniyu dayn ha manga dusa taniyu. Hangkan unu-unu na in hinangun sin ginhawa-baran natu subay makarihil kalagguan pa Tuhan. | For ye are bought with a price: therefore glorify God in your body, and in your spirit, which are God’s. |
Tausug Kitab Injil — getbible.net(CrossWire SWORD 모듈)에서 가져옴 · 라이선스: CC BY-ND 3.0 (무변경) (Creative Commons: by-nd 3.0)
King James Version — getbible.net(CrossWire SWORD 모듈)에서 가져옴 · 라이선스: GPL