고린도전서 3장 Tausug Kitab Injil
Tausug Kitab Injil · 타우수그어 · 고린도전서 (1 Corinthians) · 23절 · 대역: King James Version
| 절 | Tausug Kitab Injil | King James Version |
|---|---|---|
| 1 | Sagawa sin duun pa aku kaniyu manga taymanghud ku, di aku makapamichara kaniyu biya sin kaagi ku mamichara ha manga tau, amu in masi kapagagihan sin Rū sin Tuhan. Iban hangkan bihādtu sabab in kamu biya hantang bata-bata sibi-sibi pa tuud. In niyasīhat ku kaniyu, amu sadja in matūp hinasīhat ha manga tau masi pa nagdurūl sin napsu nila, amu in wala pa kimusug in īman ha Almasi. | And I, brethren, could not speak unto you as unto spiritual, but as unto carnal, even as unto babes in Christ. |
| 2 | Karna bang hidalil ha magkaun, in kamu yan biya hantang sin bata-bata bagu piyaganak, amu in di pa makakaun sin unu-unu matugas liyu dayn ha gatas. Iban sampay pa bihaun subay masi pa kamu painumun gatas. Bukun pa kamu sakap humāti sin panghindu malawm, | I have fed you with milk, and not with meat: for hitherto ye were not able to bear it, neither yet now are ye able. |
| 3 | sabab in manga pamikil iban palangay niyu masi pa miyamagad ha addat sin tau nagdurunya. Masi na mayan awn pagabughu iban pagkalu niyu iban sin manga pagkahi niyu. Na, in palangay bihayan hambuuk tanda sin nagumun in pikilan niyu sin addat dunya. Masi pa kamu miyamagad sin pamikil iban palangay sin manga tau amu in bukun agad ha Tuhan. | For ye are yet carnal: for whereas there is among you envying, and strife, and divisions, are ye not carnal, and walk as men? |
| 4 | Iban in manga pagsagga niyu pasalan bang hisiyu in mataas kaniyu amu ka in agad kāku atawa kan Apullus, in pagsagga yan hambuuk pa isab tanda sin in kamu masi miyamagad sin palangay sin manga tau amu in bukun agad ha Almasi. | For while one saith, I am of Paul; and another, I am of Apollos; are ye not carnal? |
| 5 | In di niyu sadja pikilun in hi Apullus iban aku, amu in puun-sabab sin pagkalu niyu, tau da kami daraakun sin Tuhan sali-sali, amu in naraak sin Tuhan manghindu kaniyu, supaya kamu magparachaya. In kami ini karuwa, himinang sadja sin diyaakan sin Tuhan kāmu pakaniya-pakaniya. | Who then is Paul, and who is Apollos, but ministers by whom ye believed, even as the Lord gave to every man? |
| 6 | Karna bang hidalil ha magtanum, in hinang ku nagtanum sadja sin binhi. Ampa in hi Apullus amu in nagbubu sadja sin tiyanum. Sagawa in Tuhan amu in nagpatubu sin tiyanum. | I have planted, Apollos watered; but God gave the increase. |
| 7 | Hangkan bang paamuhun, in tau matūp dihilan sin kalagguan bukun amu in nagtanum sin binhi, atawa in nagbubu sin tiyanum, sagawa in Tuhan, sabab siya in nagpatubu sin tiyanum. | So then neither is he that planteth any thing, neither he that watereth; but God that giveth the increase. |
| 8 | Wayruun da piyagbiddaan sin tau nagtanum sin binhi iban sin tau nagbubu sin tiyanum. Karuwa sila, tungbasan da sin Tuhan in tungud sin nahinang nila. | Now he that planteth and he that watereth are one: and every man shall receive his own reward according to his own labour. |
| 9 | Sabab in kami kay Apullus nagtatabang-tiyabangi sin hinang diyaakan kāmu sin Tuhan. Ampa in kamu yan amura in biya sapantun uma sin Tuhan amu in piyaghulas-sangsaan namu. Lāgi in katān kamu yan agad kan Īsa diyalil da isab biya sin sapantun bāy piyahinang sin Tuhan, amu in masi niya pa piyahihinang. | For we are labourers together with God: ye are God’s husbandry, ye are God’s building. |
| 10 | Dayn ha hinang diyaakan kāku sin Tuhan, in aku biya sapantun hambuuk maghihinang bāy, amu in timagna nagpatindug sin papagan sin bāy. (Hāti niya aku in timagna nagnasīhat kaniyu pasal sin Almasi.) Pagubus, tau dugaing na in timalus himinang sin bāy. (Hāti niya tau dugaing na in nagpahāti kaniyu marayaw sin bakas niyasīhat ku kaniyu.) Sagawa biya da sapantun sin maghinang bāy, in pakaniya-pakaniya sin maghihinang subay maayad ha supaya wayruun sa sin paghinang sin bāy. | According to the grace of God which is given unto me, as a wise masterbuilder, I have laid the foundation, and another buildeth thereon. But let every man take heed how he buildeth thereupon. |
| 11 | Sabab in hi Īsa Almasi, amuna in biya sapantun papagan sin bāy. Siya in hambuuk-buuk piyalahil sin Tuhan kapangamdusan sin manga tau suku niya, iban wayruun na kapangamdusan nila dugaing dayn kaniya. | For other foundation can no man lay than that is laid, which is Jesus Christ. |
| 12 | Na, biya da isab sin maghinang bāy ha taas sin papagan yan, in pagdayaw hipaglagi sin manga tau bukun sali-sali. Awn yan pagdayaw makamdus iban maharga biya sin harga sin bulawan, pilak, atawa manga palmata. Awn isab pagdayaw dugaing in harga biya sin kahuy, sani, atawa sayrap. In diyalil yan amu in panghindu sin manga magnanasīhat, di magsali-sali in dayaw niya. | Now if any man build upon this foundation gold, silver, precious stones, wood, hay, stubble; |
| 13 | Na, ha susūngun, ha waktu pagtawagun, Adlaw sin Almasi, duun na hipanyata in kahinangan sin tau katān. Duun na kaingatan bang biya diin tuud in dayaw sin hinang natu magnasīhat sabab hukumun tuud biya hantang sulayan ha lawm sin kāyu. | Every man’s work shall be made manifest: for the day shall declare it, because it shall be revealed by fire; and the fire shall try every man’s work of what sort it is. |
| 14 | Na, bang in piyagbahasa pagdayaw bāy piyaglagi sin hambuuk tau bat di maangpud sin kāyu, hāti niya wayruun sa iban ngī niya, in tau yan awn tungbas marayaw hirihil kaniya sabab sin nasīhat niya marayaw ha manga pagkahi niya. | If any man’s work abide which he hath built thereupon, he shall receive a reward. |
| 15 | Sagawa bang in hīnang sin hambuuk tau maangpud sin kāyu, in tau yan malaggu in kaluppasan niya. Bunnal malappas da siya, sumagawa in siya biya sin hantang tau ambaya nasunug ha lawm sin kāyu nasusuliyab. | If any man’s work shall be burned, he shall suffer loss: but he himself shall be saved; yet so as by fire. |
| 16 | Kalu-kalu kiyalupahan niyu na iban wala niyu napikil sin in katān kamu yan manga agad kan Īsa, amuna in biya hantang bāy piyaghuhulaan sin Tuhan, iban sin Rū niya yan himuhula kaniyu. | Know ye not that ye are the temple of God, and that the Spirit of God dwelleth in you? |
| 17 | Na, pagga in kamu yan amuna in biya hantang bāy piyaghuhulaan sin Tuhan, in hisiyu-siyu tau, amu in magpakangī kaniyu, hāti niya mamutas kaniyu, siksaun da isab siya sin Tuhan, sabab in bāy sin Tuhan suchi, sabab yan duun in Tuhan. Ampa in kamu yan, amuna in pagbahasahun biya sapantun bāy hiyuhulaan sin Tuhan. | If any man defile the temple of God, him shall God destroy; for the temple of God is holy, which temple ye are. |
| 18 | Ayaw niyu namān dupanga in baran niyu ha pasalan sin pangingat niyu. Bang ha kumpasan niyu yadtu, in kamu halul-akkal ha bistahan sin mānusiya, marayaw pa butawanan niyu na in ingat-kapandayan niyu yan, lāgi marayaw pa sa in matawag kamu dupang dayn sin kawayan kamu sin pikilan malawm dayn ha Tuhan. | Let no man deceive himself. If any man among you seemeth to be wise in this world, let him become a fool, that he may be wise. |
| 19 | Sabab in pikilan marayaw ha bistahan sin manga tau dunya, ītung sin Tuhan hambuuk sadja karupangan. Wayruun halga niya. Lāgi kiyasulat ha lawm Kitab amu agi, “Nasaggaw sin Tuhan in mānusiya dayn ha kapandayan sin pikilan nila. Nalitag sila sin akkal nila.” | For the wisdom of this world is foolishness with God. For it is written, He taketh the wise in their own craftiness. |
| 20 | Iban kiyabayta da isab ha lawm sin Kitab sin kiyaiingatan tuud marayaw sin Panghu in pikilan sin manga tau halul-akkal, amu in wayruun kapūsan. | And again, The Lord knoweth the thoughts of the wise, that they are vain. |
| 21 | Hangkan dayn ha sabab yan subay niyu di hipagabbu in ingat-kapandayan sin tau minsan hisiyu in manghindu kaniyu. Karna kiyasukuan na kamu sin Tuhan sin katān unu-unu na marayaw. | Therefore let no man glory in men. For all things are yours; |
| 22 | In kami, hi Apullus, hi Pitrus, iban aku sibu da diyaak mawn sin Tuhan tumabang kaniyu. Iban minsan in dunya ini, in kabuhi iban kamatay kiyarihil da isab suku kaniyu sin Tuhan. Damikkiyan, in unu-unu katān naawn ha waktu bihaun iban sin katān ha susūngun kiyasuku da isab kaniyu hikarayaw kaniyu. In katān yan kaniyu. | Whether Paul, or Apollos, or Cephas, or the world, or life, or death, or things present, or things to come; all are yours; |
| 23 | Sagawa tumtuma niyu, in kamu yan suku sin Almasi, ampa in Almasi, suku sin Tuhan. | And ye are Christ’s; and Christ is God’s. |
Tausug Kitab Injil — getbible.net(CrossWire SWORD 모듈)에서 가져옴 · 라이선스: CC BY-ND 3.0 (무변경) (Creative Commons: by-nd 3.0)
King James Version — getbible.net(CrossWire SWORD 모듈)에서 가져옴 · 라이선스: GPL