고린도전서 11장 Tausug Kitab Injil
Tausug Kitab Injil · 타우수그어 · 고린도전서 (1 Corinthians) · 34절 · 대역: King James Version
| 절 | Tausug Kitab Injil | King James Version |
|---|---|---|
| 1 | Hangkan singuri niyu tuud aku biya da isab sin pagsingud ku ha Panghu Īsa Almasi. | Be ye followers of me, even as I also am of Christ. |
| 2 | Na, sanglitun ta isab kamu pasal tiyutumtum niyu sadja aku, iban iyaagad niyu tuud in manga hindu amu in piyasampay ku kaniyu. | Now I praise you, brethren, that ye remember me in all things, and keep the ordinances, as I delivered them to you. |
| 3 | Malayngkan, awn pa isab amu in kabayaan ku kahātihan niyu. In ini pasal sin pagnakura. In Almasi, amu in makapagagi ha katān kausugan. Hāti, in katān kausugan tagapaghula, amu in makapagagi ha manga asawa nila. Ampa in Tuhan, amu in makapagagi ha Almasi. | But I would have you know, that the head of every man is Christ; and the head of the woman is the man; and the head of Christ is God. |
| 4 | Hangkan bang awn usug mangarap pa Tuhan duun ha bāy pagtataatan niyu atawa magpasampay sin Parman sin Tuhan, ampa biyubutangan niya tabun in ū niya, biya niya da wala piyagaddatan in Almasi, amu in makapagagi kaniya. | Every man praying or prophesying, having his head covered, dishonoureth his head. |
| 5 | Sagawa bang awn babai mangarap pa Tuhan atawa magpasampay sin Parman sin Tuhan ha bāy pagtataatan, ampa wayruun turung sin ū niya, biya niya da wala piyagaddatan in bana niya amu in makapagagi kaniya. Lāgi, in kasipugan sin babai yan biya da sin kasipugan sin hambuuk babai biyabagungan in ū niya. | But every woman that prayeth or prophesieth with her head uncovered dishonoureth her head: for that is even all one as if she were shaven. |
| 6 | Bang in babai yan di magturung ha lawm bāy pagtataatan, marayaw pa uturan niya in buhuk niya. Sagawa, pagga makasipug ha babai in magbagung atawa magutud sin buhuk niya, magpahawpu tuud, na, subay niya tuud turungan in ū niya. Marayaw yan dayn sin bagungan niya in ū niya. | For if the woman be not covered, let her also be shorn: but if it be a shame for a woman to be shorn or shaven, let her be covered. |
| 7 | Na, in manga kausugan, bukun nawajib kanila in magtabun sin ū nila ha lawm bāy pagtataatan, sabab in sila piyapanjari sin Tuhan awn sibuan iban sin kajarihanan niya, iban sila in magpakita sin kapatutan sin Tuhan. Sagawa in babai, amu in magpakita sin kapatutan sin bana nila. | For a man indeed ought not to cover his head, forasmuch as he is the image and glory of God: but the woman is the glory of the man. |
| 8 | Sabab in usug, ha waktu tagna piyapanjari sin Tuhan in mānusiya, bukun kiyawa piyaawn dayn ha baran sin babai, sumagawa in babai, amu in kiyawa piyaawn dayn ha baran sin usug. | For the man is not of the woman; but the woman of the man. |
| 9 | Iban bukun piyapanjari sin Tuhan in usug ha supaya awn limbang sin babai, sagawa in babai piyapanjari sin Tuhan ha supaya awn limbang sin usug. | Neither was the man created for the woman; but the woman for the man. |
| 10 | Hangkan subay in manga babai magturung ha supaya awn tanda kakitaan sin manga malāikat sin in manga babai ha babaan tuud sin manga bana nila. | For this cause ought the woman to have power on her head because of the angels. |
| 11 | Malayngkan, in kitaniyu ha lawm ukuman sin Panghu Īsa Almasi subay magtabang-tiyabangi. In babai subay tumabang ha usug, hāti in usug subay tumabang ha babai. In hāti niya, wayruun hambuuk tau in makatindug sin isa-isa niya. | Nevertheless neither is the man without the woman, neither the woman without the man, in the Lord. |
| 12 | Karna minsan in babai piyapanjari sin Tuhan tagna kiyawa piyaawn dayn ha baran sin usug, pagubus dayn didtu, in kausugan katān lumahil pa dunya hipaganak sin babai. Sagawa in unu-unu katān guwa dayn ha Tuhan (sabab siya in nagpapanjari sin unu-unu katān ha liyukupan sin ālam). | For as the woman is of the man, even so is the man also by the woman; but all things of God. |
| 13 | Na, bang kamu, ha pikil niyu nakaamu baha in hinang sin manga babai ha pagtipun-tipun niyu, bang sila mangarap pa Tuhan sin wayruun tabun sin ū nila? | Judge in yourselves: is it comely that a woman pray unto God uncovered? |
| 14 | Asal niyu na kiyaiingatan sin makasipug ha usug in magpahaba sin buhuk niya. | Doth not even nature itself teach you, that, if a man have long hair, it is a shame unto him? |
| 15 | Sagawa ha babai, malingkat aturun bang mahaba in buhuk niya. Dihilan siya sin Tuhan mahaba buhuk bat awn tabun sin ū niya. | But if a woman have long hair, it is a glory to her: for her hair is given her for a covering. |
| 16 | Malayngkan, bang awn duun kaniyu amu in mabaya pa jumawab, na, amu ini in hikabayta ku kaniya. In addat yan amuna in iyaagad namu iban sin katān jamaa Almasihin, amu in manga tau suku sin Tuhan, ha unu-unu lugal. Wayruun addat dugaing agarun namu. | But if any man seem to be contentious, we have no such custom, neither the churches of God. |
| 17 | Na, dugaing dayn sin yan, awn pa isab mabaya ku hihindu kaniyu. In ini pasal sin pagtipun-tipun niyu ha bāy pagtataatan niyu. Di ta kamu sanglitun pasal sin pagtipun-tipun niyu, sabab in yan wala nakarā kaniyu pa karayawan, gām mayan pa kangīan. | Now in this that I declare unto you I praise you not, that ye come together not for the better, but for the worse. |
| 18 | Muna-muna, mabaya ku hipaingat kaniyu sin nakarungug aku suysuy sin bang kamu magtipun-tipun na, di kamu magsulut-siyuluti, nagkakandi-kandi kamu. Na, ha pikil ku awn kasabunnalan sin suysuy ini. | For first of all, when ye come together in the church, I hear that there be divisions among you; and I partly believe it. |
| 19 | Kalu-kalu ha pikil niyu amu yan in subay niyu hinangun ha supaya kaingatan sin tau bang hisiyu tuud in makasulut ha atay sin Tuhan. | For there must be also heresies among you, that they which are approved may be made manifest among you. |
| 20 | Iban da isab bang kamu magtipun-tipun na magkaun sin panumtuman sin kamatay sin Panghu Īsa biya da isab bukun Panghu in tumtumun niyu. Na bang biya ha yan in hinang niyu, in pagkaun niyu yan bukun hambuuk panumtuman sin kamatay sin Panghu. | When ye come together therefore into one place, this is not to eat the Lord’s supper. |
| 21 | Sabab in hinang niyu, muna-muna kamu kumaun sin kakaun diyarā niyu pa pagtitipunan. Di niyu kapinan in kaibanan niyu. Hangkan, in kaibanan niyu mahapdi, ampa in kamu kaibanan isab nahilu sin taud sin īnum niyu. | For in eating every one taketh before other his own supper: and one is hungry, and another is drunken. |
| 22 | Mayta, wayruun ka bāy niyu pagkaunan iban paginuman niyu? Atawa hangkan kamu maghinang biya ha yan pasal mabaya niyu dihilan kasipugan in manga jamaa Almasihin amu in manga tau suku sin Tuhan iban sin manga taymanghud niyu miskin? Na, ha pikil niyu unu in hipamung ku sin hinang niyu yan? Sanglitun ta kamu? Tantu di ta kamu sanglitun! | What? have ye not houses to eat and to drink in? or despise ye the church of God, and shame them that have not? What shall I say to you? shall I praise you in this? I praise you not. |
| 23 | Bakas ku na kiyahindu kaniyu in kiyahindu kāku sin Panghu Īsa. Biya ha ini in hindu. Ha dūm katipu kan Īsa, duun siya nagkakaun iban sin manga tindug niya. Sakali kimawa siya tinapay. | For I have received of the Lord that which also I delivered unto you, That the Lord Jesus the same night in which he was betrayed took bread: |
| 24 | Ampa siya nagsarang-sukul pa Tuhan. Pagubus niya nagsarang-sukul, sīpak niya in tinapay, ampa niya diyuhal pa manga kiyawakilan niya, ampa siya namung, laung niya, “Niyata niyu sin amu yan in ginhawa-baran ku, amu in hililla ku mapatay sabab-karna niyu. Kaun kamu sin tinapay yan amu in ganti panumtuman niyu kāku.” | And when he had given thanks, he brake it, and said, Take, eat: this is my body, which is broken for you: this do in remembrance of me. |
| 25 | Damikkiyan, pagubus nila nagkaun, kiyawa niya in sawan, ampa siya namung. Laung niya, “In luun sin sawan ini tanda sin janji bagu sin Tuhan kaniyu. In dugu ku maasag amu in dumihil katantuhan sin janji ini. Inuma niyu yan iban amu yan in ganti panumtuman niyu kāku ha sakaba niyu minum.” | After the same manner also he took the cup, when he had supped, saying, This cup is the new testament in my blood: this do ye, as oft as ye drink it, in remembrance of me. |
| 26 | Sabab ha sakahaba niyu magtipun-tipun biya da ha ini magdungan kumaun sin tinapay iban minum sin luun sin sawan, biya niyu da tiyanyag in kamatay sin Panghu Īsa. Na, subay natu di bugtuun in hinang ini sampay dumatung in waktu sin pagbalik mari pa dunya sin Panghu Īsa. | For as often as ye eat this bread, and drink this cup, ye do shew the Lord’s death till he come. |
| 27 | Hangkan, hisiyu-siyu in magad sin pagkaun sin tinapay iban sin paginum sin luun sin sawan bilang panumtuman ha Panghu Īsa, ampa bukun matūp in palangay iban pikilan niya, na magdusa siya, sabab biya niya da wala hiyalgaan in ginhawa-baran iban dugu sin Panghu Īsa. | Wherefore whosoever shall eat this bread, and drink this cup of the Lord, unworthily, shall be guilty of the body and blood of the Lord. |
| 28 | Na, dayn ha sabab ini, in hisiyu-siyu magad sin pagkaun iban paginum ini, ha di pa siya kumaun sin tinapay iban minum sin luun sin sawan, subay niya lilingun in atay niya kitaun bang awn ngī niya. | But let a man examine himself, and so let him eat of that bread, and drink of that cup. |
| 29 | Sabab apabila siya kumaun sin tinapay iban minum sin luun sin sawan ha di niya mapikil marayaw in harga sin ginhawa-baran sin Panghu Īsa, na, biya niya da piyaratungan hukuman dayn ha Tuhan in baran niya. | For he that eateth and drinketh unworthily, eateth and drinketh damnation to himself, not discerning the Lord’s body. |
| 30 | Na, hangkan dayn ha sabab sin dusa nahinang niyu yan, mataud kaniyu in nasasakit iban malamma in baran. Iban mataud da isab in miyatay. | For this cause many are weak and sickly among you, and many sleep. |
| 31 | Sagawa bang ta lilingun na muna in atay taniyu bang wayruun dusa, na, di kitaniyu kabutangan sin hukuman sin Tuhan. | For if we would judge ourselves, we should not be judged. |
| 32 | Paratungan kitaniyu bihaun sin Tuhan kasiksaan tungud sin dusa nahinang natu, ha supaya ha adlaw mahuli di kitaniyu malapay sin hukuman hibutang niya pa manga tau di magparachaya kaniya. | But when we are judged, we are chastened of the Lord, that we should not be condemned with the world. |
| 33 | Hangkan, manga taymanghud ku, bang kamu magtipun-tipun kumaun bilang panumtuman sin kamatay sin Panghu Īsa, tagari niyu in kaibanan niyu. | Wherefore, my brethren, when ye come together to eat, tarry one for another. |
| 34 | Na, bang sawpama awn hiyahapdi duun kaniyu, subay siya kumaun naa pa bāy niya, ha supaya bang kamu magtipun-tipun na, di kamu makabāk dusa pa Tuhan. Na, ha pasal sin kaibanan parakala niyu, subay na aku mākawn kaniyu ampa ku salassayun. | And if any man hunger, let him eat at home; that ye come not together unto condemnation. And the rest will I set in order when I come. |
Tausug Kitab Injil — getbible.net(CrossWire SWORD 모듈)에서 가져옴 · 라이선스: CC BY-ND 3.0 (무변경) (Creative Commons: by-nd 3.0)
King James Version — getbible.net(CrossWire SWORD 모듈)에서 가져옴 · 라이선스: GPL