디도서 2장 Swahili
Swahili · 스와힐리어 · 디도서 (Titus) · 15절 · 대역: King James Version
| 절 | Swahili | King James Version |
|---|---|---|
| 1 | Lakini wewe unapaswa kuhubiri mafundisho safi. | But speak thou the things which become sound doctrine: |
| 2 | Waambie wazee kwamba wanapaswa kuwa na kiasi, wawe na busara na wataratibu; wanapaswa kuwa timamu katika imani yao, upendo na uvumilivu. | That the aged men be sober, grave, temperate, sound in faith, in charity, in patience. |
| 3 | Hali kadhalika waambie wanawake wazee wawe na mwenendo wa uchaji wa Mungu; wasiwe wachongezi, au watumwa wa pombe. Wanapaswa kufundisha mambo mema, | The aged women likewise, that they be in behaviour as becometh holiness, not false accusers, not given to much wine, teachers of good things; |
| 4 | ili wawazoeze kina mama vijana kuwapenda waume zao na watoto, | That they may teach the young women to be sober, to love their husbands, to love their children, |
| 5 | wawe na kiasi na safi, waangalie vizuri mambo ya nyumbani, na wawatii waume zao, ili ujumbe wa Mungu usije ukadharauliwa. | To be discreet, chaste, keepers at home, good, obedient to their own husbands, that the word of God be not blasphemed. |
| 6 | Kadhalika, wahimize vijana wawe na kiasi. | Young men likewise exhort to be sober minded. |
| 7 | Katika mambo yote wewe mwenyewe unapaswa kuwa mfano wa matendo mema. Uwe mnyofu na uwe na uzito katika mafundisho yako. | In all things shewing thyself a pattern of good works: in doctrine shewing uncorruptness, gravity, sincerity, |
| 8 | Maneno yako yasiwe na hitilafu yoyote ili adui zako waaibike wasipopata chochote kibaya cha kusema juu yetu. | Sound speech, that cannot be condemned; that he that is of the contrary part may be ashamed, having no evil thing to say of you. |
| 9 | Watumwa wanapaswa kuwatii wakuu wao na kuwapendeza katika mambo yote. Wasibishane nao, | Exhort servants to be obedient unto their own masters, and to please them well in all things; not answering again; |
| 10 | au kuiba vitu vyao. Badala yake wanapaswa kuonyesha kwamba wao ni wema na waaminifu daima, ili, kwa matendo yao yote, wayapatie sifa njema mafundisho juu ya Mungu, Mwokozi wetu. | Not purloining, but shewing all good fidelity; that they may adorn the doctrine of God our Saviour in all things. |
| 11 | Maana neema ya Mungu imedhihirishwa kwa ajili ya wokovu wa watu wote. | For the grace of God that bringeth salvation hath appeared to all men, |
| 12 | Neema hiyo yatufunza kuachana na uovu wote na tamaa za kidunia; tuwe na kiasi, tuishi maisha adili na ya kumcha Mungu katika ulimwengu huu wa sasa, | Teaching us that, denying ungodliness and worldly lusts, we should live soberly, righteously, and godly, in this present world; |
| 13 | tukiwa tunangojea siku ile ya heri tunayoitumainia, wakati utakapotokea utukufu wa Mungu Mkuu na Mwokozi wetu Yesu Kristo. | Looking for that blessed hope, and the glorious appearing of the great God and our Saviour Jesus Christ; |
| 14 | Yeye alijitoa mwenyewe kwa ajili yetu ili atukomboe kutoka katika uovu wote na kutufanya watu safi walio wake yeye mwenyewe, watu walio na hamu ya kutenda mema. | Who gave himself for us, that he might redeem us from all iniquity, and purify unto himself a peculiar people, zealous of good works. |
| 15 | Basi, fundisha mambo hayo na tumia mamlaka yako yote ukiwahimiza na kuwaonya wasikilizaji wako. Mtu yeyote na asikudharau. | These things speak, and exhort, and rebuke with all authority. Let no man despise thee. |
Swahili — getbible.net(CrossWire SWORD 모듈)에서 가져옴 · 라이선스: 공개 도메인 (Public Domain)
King James Version — getbible.net(CrossWire SWORD 모듈)에서 가져옴 · 라이선스: GPL