마태복음 1장 Shona Bible
Shona Bible · 쇼나어 · 마태복음 (Matthew) · 25절 · 대역: King James Version
| 절 | Shona Bible | King James Version |
|---|---|---|
| 1 | Bhuku redzinza raJesu Kristu, Mwanakomana waDhavhidhi, mwanakomana waAbhurahama. | The book of the generation of Jesus Christ, the son of David, the son of Abraham. |
| 2 | Abhurahama wakabereka Isaka; Isaka ndokubereka Jakobho; Jakobho ndokubereka Judha nevanakomana vababa vake; | Abraham begat Isaac; and Isaac begat Jacob; and Jacob begat Judas and his brethren; |
| 3 | Judha ndokubereka Faresi naZara kuna Tamari; Faresi ndokubereka Esiromi; Esiromi ndokubereka Arami; | And Judas begat Phares and Zara of Thamar; and Phares begat Esrom; and Esrom begat Aram; |
| 4 | Arami ndokubereka Aminadhabhi; Aminadhabhi ndokubereka Naashoni; Naashoni ndokubereka Sarimoni; | And Aram begat Aminadab; and Aminadab begat Naasson; and Naasson begat Salmon; |
| 5 | Sarimoni ndokubereka Bhowazi kuna Rahabhi; Bhowazi ndokubereka Obhedhi kuna Rute; Obhedhi ndokubereka Jese; | And Salmon begat Booz of Rachab; and Booz begat Obed of Ruth; and Obed begat Jesse; |
| 6 | Jese ndokubereka Dhavhidhi mambo; Dhavhidhi mambo ndokubereka Soromoni kumukadziwaiva waUria; | And Jesse begat David the king; and David the king begat Solomon of her that had been the wife of Urias; |
| 7 | Soromoni ndokubereka Robhoami; Robhoami ndokubereka Abhiya; Abhiya ndokubereka Asa; | And Solomon begat Roboam; and Roboam begat Abia; and Abia begat Asa; |
| 8 | Asa ndokubereka Josafati; Josafati ndokubereka Joramu; Joramu ndokubereka Oziasi; | And Asa begat Josaphat; and Josaphat begat Joram; and Joram begat Ozias; |
| 9 | Oziasi ndokubereka Jotamu; Jotamu ndokubereka Akazi; Akazi ndokubereka Hezekia; | And Ozias begat Joatham; and Joatham begat Achaz; and Achaz begat Ezekias; |
| 10 | Hezekia ndokubereka Manase; Manase ndokubereka Amoni; Amoni ndokubereka Josiyasi; | And Ezekias begat Manasses; and Manasses begat Amon; and Amon begat Josias; |
| 11 | Josiyasi ndokubereka Jekoniasi nevanakomana vamai vake nenguva yekutapirwa kuBhabhironi. | And Josias begat Jechonias and his brethren, about the time they were carried away to Babylon: |
| 12 | Zvino shure kwekutapirwa kuBhabhironi, Jekoniasi wakabereka Saratieri; Saratieri ndokubereka Zerubhabheri; | And after they were brought to Babylon, Jechonias begat Salathiel; and Salathiel begat Zorobabel; |
| 13 | Zerubhabheri ndokubereka Abhiudhi; Abhiudhi ndokubereka Eriakimi; Eriakimi ndokubereka Azori; | And Zorobabel begat Abiud; and Abiud begat Eliakim; and Eliakim begat Azor; |
| 14 | Azori ndokubereka Sadhoki; Sadhoki ndokubereka Akimi; Akimi ndokubereka Eriyudhi; | And Azor begat Sadoc; and Sadoc begat Achim; and Achim begat Eliud; |
| 15 | Eriyudhi ndokubereka Eriazari; Eriazari ndokubereka Matani; Matani ndokubereka Jakobho; | And Eliud begat Eleazar; and Eleazar begat Matthan; and Matthan begat Jacob; |
| 16 | Jakobho ndokubereka Josefa murume waMaria, kwakazvarwa kwaari Jesu, anonzi Kristu. | And Jacob begat Joseph the husband of Mary, of whom was born Jesus, who is called Christ. |
| 17 | Naizvozvo mazera ese kubva kuna Abhurahama kusvikira kuna Dhavhidhi mazera gumi nemana; nekubva kuna Dhavhidhi kusvikira pakutapirwa kuBhabhironi mazera gumi nemana; nekubva pakutapirwa kuBhabhironi kusvikira kuna Kristu mazera gumi nemana. | So all the generations from Abraham to David are fourteen generations; and from David until the carrying away into Babylon are fourteen generations; and from the carrying away into Babylon unto Christ are fourteen generations. |
| 18 | Zvino kuberekwa kwaJesu Kristu kwaiva kwakadai: Nokuti mai vake Maria vakati vatsidzirwa kuroorwa naJosefa, vasati vasangana vakaonekwa vava nemimba kubva kuMweya Mutsvene. | Now the birth of Jesus Christ was on this wise: When as his mother Mary was espoused to Joseph, before they came together, she was found with child of the Holy Ghost. |
| 19 | Zvino Josefa murume wavo zvaakange ari wakarurama, asingadi kuvafumura, waida kuvaramba muchivande. | Then Joseph her husband, being a just man, and not willing to make her a publick example, was minded to put her away privily. |
| 20 | Asi zvino wakati acharangarira zvinhu izvozvi, tarira, mutumwa waIshe wakaonekwa kwaari muchiroto achiti: Josefa, mwanakomana waDhavhidhi, usatya kuzvitorera Maria mukadzi wako; nokuti icho chakaumbwa maari ndecheMweya Mutsvene. | But while he thought on these things, behold, the angel of the Lord appeared unto him in a dream, saying, Joseph, thou son of David, fear not to take unto thee Mary thy wife: for that which is conceived in her is of the Holy Ghost. |
| 21 | Uye achabereka Mwanakomana, uye uchatumidza zita rake Jesu, nokuti iye achaponesa vanhu vake pazvivi zvavo. | And she shall bring forth a son, and thou shalt call his name JESUS: for he shall save his people from their sins. |
| 22 | Zvino zvese izvozvi zvakaitwa kuti zvizadziswe zvakarehwa naIshe kubudikidza nemuporofita achiti: | Now all this was done, that it might be fulfilled which was spoken of the Lord by the prophet, saying, |
| 23 | Tarira, mhandara ichava nemimba, igobereka Mwanakomana, uye vachatumidza zita rake Emanueri, ndokuti kana zvichishandurwa, Mwari anesu. | Behold, a virgin shall be with child, and shall bring forth a son, and they shall call his name Emmanuel, which being interpreted is, God with us. |
| 24 | Zvino Josefa amuka pahope akaita sezvakaraira mutumwa waIshe kwaari, akazvitorera mukadzi wake; | Then Joseph being raised from sleep did as the angel of the Lord had bidden him, and took unto him his wife: |
| 25 | uye haana kumuziva kusvikira azvara Mwanakomana wake wedangwe; akatumidza zita rake JESU. | And knew her not till she had brought forth her firstborn son: and he called his name JESUS. |
Shona Bible — getbible.net(CrossWire SWORD 모듈)에서 가져옴 · 라이선스: GFDL · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL