로그인

시편 75편 Old Public Domain Pohnpeian Bible

Old Public Domain Pohnpeian Bible · 폰페이어 · 시편 (Psalms) · 10절

🖍 이 판을 읽기 도구로 읽기 📖 무료성경
  1. 1 Se kapinga komui, Maing Kot, se kapinga komui, pwe mar omui me koren, o omui manaman akan kaloki sili due.
  2. 2 Pwe ni a ansau I pan wiada kapung pung.
  3. 3 Sap o tou a kan kin rerer; a I kin kolekol a ur akan. Sela.
  4. 4 I indang me aklapalap akan: Komail der aklapalap! O ong me doo sang Kot akan: Komail der keleki omail manaman!
  5. 5 Komail der kaileilada mong omail, komail der lokaia sued ni omail aklapalap.
  6. 6 Pwe sota sauaspa sang ni mas en lang de kapin lang, de sang nana en sap tan.
  7. 7 Pwe Kot, me kin kadeikada, o me kin kasapwilidi amen, o kasapwilada amen.
  8. 8 Pwe dal eu mi nan lim en Ieowa, me dir en wain kelail, me a kotin kodidodie; a me doo sang Kot akan karos nan sappa pan nim sang, o re pan nimala moroke.
  9. 9 A i pan padapadak kokolata, o kauli ong Kot en Iakop.
  10. 10 I pan kawela mana en me doo sang Kot akan karos, a mana en me pung kan pan kakairida.

Old Public Domain Pohnpeian Bible — getbible.net(CrossWire SWORD 모듈)에서 가져옴 · 라이선스: 공개 도메인 (Public Domain)