로그인

데살로니가전서 1장 Old Public Domain Pohnpeian Bible

Old Public Domain Pohnpeian Bible · 폰페이어 · 데살로니가전서 (1 Thessalonians) · 10절

🖍 이 판을 읽기 도구로 읽기 📖 무료성경
  1. 1 PAULUS, o Silwanus, o Timoteus ong momodisou en Tesalonik, me ren Kot Sam o Kaun Iesus Kristus. Mak o popol en mi re omail!
  2. 2 Se kin poden danke Kot ki komail karos o tamataman kin komail ni at kapakap akan.
  3. 3 O se kin tamatamanda omail wiawia kan ni poson, o omail dodok ni limpok, o omail kanongama ni kaporoporeki atail Kaun Iesus Kristus sansal ong Kot o Sam atail.
  4. 4 Pwe ri ai kan o kompoke pan Kot akan, se asa duen omail lipilipil re a,
  5. 5 Pwe at rongamau lel ong komail er, kaidin nin lokaia ta, a pil ni manaman o Ngen saraui, o ni kamelelepa kaualap, pwe komail asa song en aramas da kit re omail pweki komail.
  6. 6 A komail ale sanger kit o sang Kaun o, ni omail aleer masan o ni kamekam kaualap o ni peren en Ngen saraui.
  7. 7 Komail wialar kilel en saulang karos mi Masetonien o Akaia.
  8. 8 Pwe sang re omail masan en Kaun o kaparaparalar, kaidin nan Masetonien o Akaia eta, pwe pil wasa karos omail poson Kot lokila ia; ari, solar me se pan inda.
  9. 9 Pwe pein irail kaire kin kit, duen at pwaralang komail me pwaida, o duen omail wuki ong Kot sang dikedik en ani kan, pwen papang Kot, me udan maur o melel.
  10. 10 O auiaui sapwilim a Ol sang nanlang, me a kotin kaiasada sang ren me melar akan, Iesus, me kotin dore kitail sang ni ongiong en Kot, me pan sansaldo.

Old Public Domain Pohnpeian Bible — getbible.net(CrossWire SWORD 모듈)에서 가져옴 · 라이선스: 공개 도메인 (Public Domain)