잠언 3장 Ndebele Bible
Ndebele Bible · 은데벨레어 · 잠언 (Proverbs) · 35절 · 대역: King James Version
| 절 | Ndebele Bible | King James Version |
|---|---|---|
| 1 | Ndodana yami, ungakhohlwa umlayo wami, kodwa inhliziyo yakho kayigcine imilayo yami. | My son, forget not my law; but let thine heart keep my commandments: |
| 2 | Ngoba yengezelela kuwe ubude bezinsuku leminyaka yempilo lokuthula. | For length of days, and long life, and peace, shall they add to thee. |
| 3 | Umusa lothembeko kakungakutshiyi, kubophele entanyeni yakho, ukubhale esibhebheni senhliziyo yakho. | Let not mercy and truth forsake thee: bind them about thy neck; write them upon the table of thine heart: |
| 4 | Ngalokho uzathola umusa lokuqedisisa okuhle emehlweni kaNkulunkulu labantu. | So shalt thou find favour and good understanding in the sight of God and man. |
| 5 | Themba eNkosini ngenhliziyo yakho yonke, ungeyami ekuqedisiseni kwakho. | Trust in the Lord with all thine heart; and lean not unto thine own understanding. |
| 6 | Ivume endleleni zakho zonke, yona-ke izaqondisa imikhondo yakho. | In all thy ways acknowledge him, and he shall direct thy paths. |
| 7 | Ungabi ngohlakaniphileyo emehlweni akho; yesabe iNkosi, usuke ebubini. | Be not wise in thine own eyes: fear the Lord, and depart from evil. |
| 8 | Kuzakuba yikwelatshwa kwenkaba yakho, lokunathwayo kwamathambo akho. | It shall be health to thy navel, and marrow to thy bones. |
| 9 | Hlonipha iNkosi ngemfuyo yakho, langezithelo zakho zokuqala zesivuno sakho sonke. | Honour the Lord with thy substance, and with the firstfruits of all thine increase: |
| 10 | Khona iziphala zakho zizagcwaliswa ngenala, lezikhamelo zakho zewayini ziphuphume iwayini elitsha. | So shall thy barns be filled with plenty, and thy presses shall burst out with new wine. |
| 11 | Ndodana yami, ungadeleli ukulaya kweNkosi, unganengwa yikukhuza kwayo. | My son, despise not the chastening of the Lord; neither be weary of his correction: |
| 12 | Ngoba iNkosi iyamlaya emthandayo, yebo, njengoyise indodana athokoza ngayo. | For whom the Lord loveth he correcteth; even as a father the son in whom he delighteth. |
| 13 | Ubusisiwe umuntu othola inhlakanipho, lomuntu ozuza ukuqedisisa. | Happy is the man that findeth wisdom, and the man that getteth understanding. |
| 14 | Ngoba inzuzo yakho ingcono kulenzuzo yesiliva, lokutholakalayo kwakho kulegolide. | For the merchandise of it is better than the merchandise of silver, and the gain thereof than fine gold. |
| 15 | Kuligugu elidlula amatshe aligugu, lakho konke ongakufisa kakulinganiswa lakho. | She is more precious than rubies: and all the things thou canst desire are not to be compared unto her. |
| 16 | Ubude bezinsuku busesandleni sakho sokunene, kwesokhohlo sakho inotho lodumo. | Length of days is in her right hand; and in her left hand riches and honour. |
| 17 | Izindlela zakho zizindlela zentokozo, lemikhondo yakho yonke iyikuthula. | Her ways are ways of pleasantness, and all her paths are peace. |
| 18 | Kuyisihlahla sempilo kwabakubambayo, lobambelela kukho ubusisiwe. | She is a tree of life to them that lay hold upon her: and happy is every one that retaineth her. |
| 19 | Ngenhlakanipho iNkosi yasekela umhlaba; yamisa amazulu ngokuqedisisa. | The Lord by wisdom hath founded the earth; by understanding hath he established the heavens. |
| 20 | Ngolwazi lwayo izinziki zaqhekezwa, lamayezi athonta amazolo. | By his knowledge the depths are broken up, and the clouds drop down the dew. |
| 21 | Ndodana yami, kakungasuki emehlweni akho; gcina inhlakanipho eqotho lengqondo. | My son, let not them depart from thine eyes: keep sound wisdom and discretion: |
| 22 | Njalo kuzakuba yimpilo yomphefumulo wakho, lesisa entanyeni yakho. | So shall they be life unto thy soul, and grace to thy neck. |
| 23 | Khona uzahamba indlela yakho uvikelekile, lonyawo lwakho kaluyikukhubeka. | Then shalt thou walk in thy way safely, and thy foot shall not stumble. |
| 24 | Nxa ulala phansi, kawuyikwesaba, yebo, uzalala, lobuthongo bakho buzakuba mnandi. | When thou liest down, thou shalt not be afraid: yea, thou shalt lie down, and thy sleep shall be sweet. |
| 25 | Ungesabi uvalo olujumayo, kumbe ukuchitheka kwababi nxa kufika. | Be not afraid of sudden fear, neither of the desolation of the wicked, when it cometh. |
| 26 | Ngoba iNkosi izakuba sethembeni lakho, igcine unyawo lwakho ukuze lungabanjwa. | For the Lord shall be thy confidence, and shall keep thy foot from being taken. |
| 27 | Ungagodleli umninikho okuhle nxa kusemandleni esandla sakho ukukwenza. | Withhold not good from them to whom it is due, when it is in the power of thine hand to do it. |
| 28 | Ungathi kumakhelwane wakho: Hamba, ubuye, kusasa ngizakunika; nxa ulakho. | Say not unto thy neighbour, Go, and come again, and to morrow I will give; when thou hast it by thee. |
| 29 | Ungacebi okubi ngomakhelwane wakho, ngoba yena uhlala lawe evikelekile. | Devise not evil against thy neighbour, seeing he dwelleth securely by thee. |
| 30 | Ungaphikisani lomuntu kungelasizatho, nxa engakonanga. | Strive not with a man without cause, if he have done thee no harm. |
| 31 | Ungahawukeli umuntu olobudlwangudlwangu; ungakhethi leyodwa yezindlela zakhe. | Envy thou not the oppressor, and choose none of his ways. |
| 32 | Ngoba ophambeneyo uyisinengiso eNkosini, kodwa imfihlo yayo ikwabaqotho. | For the froward is abomination to the Lord: but his secret is with the righteous. |
| 33 | Isiqalekiso seNkosi sisendlini yomubi, kodwa iyawubusisa umuzi wabalungileyo. | The curse of the Lord is in the house of the wicked: but he blesseth the habitation of the just. |
| 34 | Isibili, yona iyabeyisa abeyisayo, kodwa inika umusa kwabathobekileyo. | Surely he scorneth the scorners: but he giveth grace unto the lowly. |
| 35 | Abahlakaniphileyo bazakudla ilifa lodumo, kodwa abayizithutha, isabelo sabo silihlazo. | The wise shall inherit glory: but shame shall be the promotion of fools. |
Ndebele Bible — getbible.net(CrossWire SWORD 모듈)에서 가져옴 · 라이선스: GFDL · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL