욥기 28장 Ndebele Bible
Ndebele Bible · 은데벨레어 · 욥기 (Job) · 28절 · 대역: King James Version
| 절 | Ndebele Bible | King James Version |
|---|---|---|
| 1 | Isibili kukhona umthapho wesiliva, lendawo yegolide abalicengayo. | Surely there is a vein for the silver, and a place for gold where they fine it. |
| 2 | Insimbi ithathwa enhlabathini, lethusi lincibilikiswa elitsheni. | Iron is taken out of the earth, and brass is molten out of the stone. |
| 3 | Umisela umnyama umngcele, udingisisa kuze kube sekupheleleni konke, amatshe obumnyama lethunzi lokufa. | He setteth an end to darkness, and searcheth out all perfection: the stones of darkness, and the shadow of death. |
| 4 | Uqhekeza umgodi khatshana lalapho okuhlala khona abantu, lapho abakhohlwe khona lunyawo; bayalenga bejikajika khatshana labantu. | The flood breaketh out from the inhabitant; even the waters forgotten of the foot: they are dried up, they are gone away from men. |
| 5 | Umhlaba, kuphuma ukudla kuwo, langaphansi kwawo kuphenduka kwangathi ngumlilo. | As for the earth, out of it cometh bread: and under it is turned up as it were fire. |
| 6 | Amatshe awo ayindawo yesafire*, njalo ulothuli lwegolide. | The stones of it are the place of sapphires: and it hath dust of gold. |
| 7 | Inyoni edla inyama kayiyazi indlela, lelihlo lelinqe kaliyibonanga. | There is a path which no fowl knoweth, and which the vulture’s eye hath not seen: |
| 8 | Imidlwane yokuziqhenyayo kayiyinyathelanga, isilwane kasihambanga kuyo. | The lion’s whelps have not trodden it, nor the fierce lion passed by it. |
| 9 | Uyelula isandla sakhe elitsheni elilukhuni, uyagenqula izintaba ezimpandeni. | He putteth forth his hand upon the rock; he overturneth the mountains by the roots. |
| 10 | Aqhekeze imisele emadwaleni, lelihlo lakhe libona konke okuligugu. | He cutteth out rivers among the rocks; and his eye seeth every precious thing. |
| 11 | Uyabopha izifula zingathonti, lokufihlakeleyo ukukhuphela ekukhanyeni. | He bindeth the floods from overflowing; and the thing that is hid bringeth he forth to light. |
| 12 | Kodwa inhlakanipho ingatholakala ivela ngaphi? Lendawo yokuqedisisa ingaphi? | But where shall wisdom be found? and where is the place of understanding? |
| 13 | Umuntu kalazi ixabiso lakho, njalo kakutholakali elizweni labaphilayo. | Man knoweth not the price thereof; neither is it found in the land of the living. |
| 14 | Ukujula kuthi: Kakukho kimi. Lolwandle luthi: Kakulami. | The depth saith, It is not in me: and the sea saith, It is not with me. |
| 15 | Igolide elihle lingenikwe endaweni yakho, lesiliva singelinganiselwe intengo yakho. | It cannot be gotten for gold, neither shall silver be weighed for the price thereof. |
| 16 | Kungelingane legolide leOfiri, le-onikse* eligugu, lesafire*. | It cannot be valued with the gold of Ophir, with the precious onyx, or the sapphire. |
| 17 | Igolide lekristali* kungelingane lakho, futhi kungenaniswe ngesitsha segolide elicwengekileyo. | The gold and the crystal cannot equal it: and the exchange of it shall not be for jewels of fine gold. |
| 18 | Ikorali* lekristali kakuyikukhunjulwa, ngoba intengo yenhlakanipho ingaphezu kwamatshe aligugu. | No mention shall be made of coral, or of pearls: for the price of wisdom is above rubies. |
| 19 | Itopazi* leEthiyophiya lingelinganiswe lakho, kungelingane legolide elicwengekileyo. | The topaz of Ethiopia shall not equal it, neither shall it be valued with pure gold. |
| 20 | Pho, inhlakanipho ivela ngaphi? Lendawo yokuqedisisa ingaphi? | Whence then cometh wisdom? and where is the place of understanding? |
| 21 | Ngoba kusithekile emehlweni abo bonke abaphilayo, kwafihlwa ezinyonini zamazulu. | Seeing it is hid from the eyes of all living, and kept close from the fowls of the air. |
| 22 | Ukubhujiswa lokufa kuthi: Sizwile ngendlebe zethu umbiko wakho. | Destruction and death say, We have heard the fame thereof with our ears. |
| 23 | UNkulunkulu uyayiqedisisa indlela yakho, njalo yena uyayazi indawo yakho. | God understandeth the way thereof, and he knoweth the place thereof. |
| 24 | Ngoba yena uyakhangela kuze kube semikhawulweni yomhlaba, abone ngaphansi kwawo wonke amazulu. | For he looketh to the ends of the earth, and seeth under the whole heaven; |
| 25 | Esenzela umoya isisindo, walinganisa amanzi ngesilinganiso. | To make the weight for the winds; and he weigheth the waters by measure. |
| 26 | Lapho esenzela izulu isimiso, lombane wokuduma indlela. | When he made a decree for the rain, and a way for the lightning of the thunder: |
| 27 | Ngalesosikhathi wakubona, walandisa ngakho; wakulungisa, yebo, wakuhlolisisa. | Then did he see it, and declare it; he prepared it, yea, and searched it out. |
| 28 | Wasesithi emuntwini: Khangela, ukwesaba iNkosi, lokhu kuyinhlakanipho, lokusuka ebubini kuyikuqedisisa. | And unto man he said, Behold, the fear of the Lord, that is wisdom; and to depart from evil is understanding. |
Ndebele Bible — getbible.net(CrossWire SWORD 모듈)에서 가져옴 · 라이선스: GFDL · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL