시편 98편 Ndebele Bible

1. 1 Hlabelelani iNkosi ingoma entsha, ngoba yenzile izimangaliso; isandla sayo sokunene lengalo yayo engcwele kuyizuzele ukunqoba.
2. 2 INkosi yazisile usindiso lwayo, yembule ukulunga kwayo emehlweni ezizwe.
3. 3 Ikhumbule umusa wayo leqiniso layo kuyo indlu kaIsrayeli. Imikhawulo yonke yomhlaba ibonile usindiso lukaNkulunkulu wethu.
4. 4 Hlokomani ngentokozo eNkosini, mhlaba wonke, lenze umsindo omkhulu, lithokoze, lihlabele indumiso.
5. 5 Hlabelelani eNkosini ngechacho, ngechacho lelizwi lokuhlabelela.
6. 6 Ngezimpondo langomsindo wophondo lwenqama hlokomani ngentokozo phambi kweNkosi, uJehova.
7. 7 Kaluholobe ulwandle lokugcwala kwalo, umhlaba labahlala kuwo.
8. 8 Imifula kayitshaye izandla, izintaba zihlabelele ndawonye ngentokozo
9. 9 phambi kweNkosi, ngoba iyeza ukwahlulela umhlaba; izawahlulela umhlaba ngokulunga, lezizwe ngokuqonda.

• 📚 Ndebele Bible 책 목록
• 개역개정판 (1998)로
• 개역한글판 (1961)로
• 표준새번역 (1993)로
• King James Version로
• KJV 와 나란히
• 🌐 다른 언어·판

Ndebele Bible — getbible.net(CrossWire SWORD 모듈)에서 가져옴 · 라이선스: GFDL · 출처 ↗