시편 140편 Ndebele Bible
Ndebele Bible · 은데벨레어 · 시편 (Psalms) · 13절 · 대역: King James Version
| 절 | Ndebele Bible | King James Version |
|---|---|---|
| 1 | Ngikhulula, Nkosi, emuntwini omubi, ungilondoloze emuntwini olesihluku, | Deliver me, O Lord, from the evil man: preserve me from the violent man; |
| 2 | abaceba izinto ezimbi enhliziyweni, usuku lonke babuthanela izimpi. | Which imagine mischiefs in their heart; continually are they gathered together for war. |
| 3 | Balola ulimi lwabo njengenyoka, ubuhlungu bebululu bungaphansi kwendebe zabo. Sela*. | They have sharpened their tongues like a serpent; adders’ poison is under their lips. Selah. |
| 4 | Ngilondoloze, Nkosi, ezandleni zomubi, ungivikele emuntwini olesihluku; abaceba ukuwisa inyawo zami. | Keep me, O Lord, from the hands of the wicked; preserve me from the violent man; who have purposed to overthrow my goings. |
| 5 | Abazigqajayo bangifihlele umjibila, lezintambo, bendlala imbule eceleni kwendlela; bangibekela izithiyo. Sela*. | The proud have hid a snare for me, and cords; they have spread a net by the wayside; they have set gins for me. Selah. |
| 6 | Ngithe eNkosini: Wena unguNkulunkulu wami. Beka indlebe elizwini lokuncenga kwami, Nkosi. | I said unto the Lord, Thou art my God: hear the voice of my supplications, O Lord. |
| 7 | Jehova, Nkosi, mandla osindiso lwami, wembese ikhanda lami osukwini lwezikhali. | O God the Lord, the strength of my salvation, thou hast covered my head in the day of battle. |
| 8 | Unganiki, Nkosi, izifiso zomubi, ungaphumelelisi icebo lakhe elibi, hlezi baziphakamise. Sela*. | Grant not, O Lord, the desires of the wicked: further not his wicked device; lest they exalt themselves. Selah. |
| 9 | Ngekhanda labangihanqileyo, ububi bendebe zabo kabubembese. | As for the head of those that compass me about, let the mischief of their own lips cover them. |
| 10 | Kakuthi amalahle atshisayo akhithikele phezu kwabo, ubawisela emlilweni, emigodini etshonayo, ukuze bangavuki. | Let burning coals fall upon them: let them be cast into the fire; into deep pits, that they rise not up again. |
| 11 | Umuntu wolimi kangamiswa elizweni; umuntu olesihluku, ububi buzamzingela kube yikuwiswa kwakhe. | Let not an evil speaker be established in the earth: evil shall hunt the violent man to overthrow him. |
| 12 | Ngiyazi ukuthi iNkosi izasebenza udaba lohluphekayo, ilungelo labayanga. | I know that the Lord will maintain the cause of the afflicted, and the right of the poor. |
| 13 | Isibili abalungileyo bazalidumisa ibizo lakho; abaqotho bazahlala ebusweni bakho. | Surely the righteous shall give thanks unto thy name: the upright shall dwell in thy presence. |
Ndebele Bible — getbible.net(CrossWire SWORD 모듈)에서 가져옴 · 라이선스: GFDL · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL