사도행전 4장 Ndebele Bible
Ndebele Bible · 은데벨레어 · 사도행전 (Acts) · 37절 · 대역: King James Version
| 절 | Ndebele Bible | King James Version |
|---|---|---|
| 1 | Kwathi besakhuluma ebantwini, abapristi lenduna yethempeli labaSadusi babafikela, | And as they spake unto the people, the priests, and the captain of the temple, and the Sadducees, came upon them, |
| 2 | benengekile ngoba babefundisa abantu, njalo betshumayela ukuvuka kwabafileyo ngoJesu. | Being grieved that they taught the people, and preached through Jesus the resurrection from the dead. |
| 3 | Babadumela ngezandla, babafaka esitokisini kwaze kwaba kusisa; ngoba kwasekuhlwile. | And they laid hands on them, and put them in hold unto the next day: for it was now eventide. |
| 4 | Kodwa abanengi abalizwayo ilizwi bakholwa; lenani lamadoda lalingaba zinkulungwane ezinhlanu. | Howbeit many of them which heard the word believed; and the number of the men was about five thousand. |
| 5 | Kwasekusithi kusisa kwabuthana ababusi labadala lababhali babo eJerusalema, | And it came to pass on the morrow, that their rulers, and elders, and scribes, |
| 6 | loAnasi umpristi omkhulu, loKayafasi, loJohane, loAleksandro, labo bonke abendlu yompristi omkhulu. | And Annas the high priest, and Caiaphas, and John, and Alexander, and as many as were of the kindred of the high priest, were gathered together at Jerusalem. |
| 7 | Sebebamise phakathi, babuza: Lokhu lina likwenze ngawaphi amandla kumbe ngaliphi ibizo? | And when they had set them in the midst, they asked, By what power, or by what name, have ye done this? |
| 8 | Khona uPetro egcwaliswe nguMoya oNgcwele wathi kubo: Babusi babantu labadala bakoIsrayeli, | Then Peter, filled with the Holy Ghost, said unto them, Ye rulers of the people, and elders of Israel, |
| 9 | nxa thina sibuzwa lamuhla ngomsebenzi omuhle emuntwini obuthakathaka emzimbeni, ukuthi yena usiliswe ngani; | If we this day be examined of the good deed done to the impotent man, by what means he is made whole; |
| 10 | kakwaziwe yini lonke laso sonke isizwe sakoIsrayeli, ukuthi ngebizo likaJesu Kristu umNazaretha, lina elambethelayo, uNkulunkulu owamvusayo kwabafileyo, ngaye lo umi lapha phambi kwenu esesilile. | Be it known unto you all, and to all the people of Israel, that by the name of Jesus Christ of Nazareth, whom ye crucified, whom God raised from the dead, even by him doth this man stand here before you whole. |
| 11 | Yena lo uyilitshe elaliwa yini abakhi, eseliyinhloko yengonsi. | This is the stone which was set at nought of you builders, which is become the head of the corner. |
| 12 | Njalo kalukho usindiso komunye; ngoba kalikho lelinye ibizo ngaphansi kwezulu elinikiweyo phakathi kwabantu, esimele sisindiswe ngalo. | Neither is there salvation in any other: for there is none other name under heaven given among men, whereby we must be saved. |
| 13 | Kwathi bebona isibindi sikaPetro loJohane, njalo besazi ukuthi babengabantu abangafundanga njalo bengabantu nje, bamangala, njalo babazi ukuthi babeloJesu, | Now when they saw the boldness of Peter and John, and perceived that they were unlearned and ignorant men, they marvelled; and they took knowledge of them, that they had been with Jesus. |
| 14 | kodwa bebona umuntu osilisiweyo emi labo, babengelakuphika lutho. | And beholding the man which was healed standing with them, they could say nothing against it. |
| 15 | Kodwa sebebalayile ukuthi baphume phandle emphakathini, bacebisana bodwa, | But when they had commanded them to go aside out of the council, they conferred among themselves, |
| 16 | besithi: Sizabenzani lababantu? Ngoba ukuthi isibonakaliso esidumisekayo senziwa yibo, kusobala kubo bonke abahlezi eJerusalema, njalo singekuphike; | Saying, What shall we do to these men? for that indeed a notable miracle hath been done by them is manifest to all them that dwell in Jerusalem; and we cannot deny it. |
| 17 | kodwa ukuze kungabe kusanda phakathi kwabantu, asibaqonqosele ukuthi bangabe besakhuluma lamuntu ngalelibizo. | But that it spread no further among the people, let us straitly threaten them, that they speak henceforth to no man in this name. |
| 18 | Basebebabiza, babalaya ukuthi bangakhulumi lakanye njalo bangafundisi ngebizo likaJesu. | And they called them, and commanded them not to speak at all nor teach in the name of Jesus. |
| 19 | Kodwa uPetro loJohane babaphendula bathi: Yehlukanisani ukuthi kulungile phambi kukaNkulunkulu ukulalela lina kuloNkulunkulu. | But Peter and John answered and said unto them, Whether it be right in the sight of God to hearken unto you more than unto God, judge ye. |
| 20 | Ngoba thina kasilakuyekela ukukhuluma izinto esizibonileyo lesizizwileyo. | For we cannot but speak the things which we have seen and heard. |
| 21 | Kwathi sebebaqonqosele futhi, babayekela bahamba; bengatholi lutho lokuthi bangabajezisa njani, ngenxa yabantu, ngoba bonke badumisa uNkulunkulu ngalokho okwenzakeleyo. | So when they had further threatened them, they let them go, finding nothing how they might punish them, because of the people: for all men glorified God for that which was done. |
| 22 | Ngoba umuntu wayeleminyaka edlula amatshumi amane esenziwa kuye lesisibonakaliso seselapho. | For the man was above forty years old, on whom this miracle of healing was shewed. |
| 23 | Kwathi sebeyekelwe basuka baya kwabakibo, bababikela konke abapristi abakhulu labadala abakutshiloyo kubo. | And being let go, they went to their own company, and reported all that the chief priests and elders had said unto them. |
| 24 | Kwathi bona sebezwile baphakamisela ilizwi nganhliziyonye kuNkulunkulu, bathi: Nkosi, wena unguNkulunkulu owenza izulu lomhlaba lolwandle lakho konke okukukho; | And when they heard that, they lifted up their voice to God with one accord, and said, Lord, thou art God, which hast made heaven, and earth, and the sea, and all that in them is: |
| 25 | owathi ngomlomo wenceku yakho uDavida: Kungani abezizwe bexokozela, labantu banakane okuyize? | Who by the mouth of thy servant David hast said, Why did the heathen rage, and the people imagine vain things? |
| 26 | Amakhosi omhlaba ema, lababusi bahlangana ndawonye ukumelana leNkosi, lokumelana loGcotshiweyo wayo; | The kings of the earth stood up, and the rulers were gathered together against the Lord, and against his Christ. |
| 27 | ngoba isibili bahlangana ndawonye bemelane leNdodana yakho engcwele uJesu, owayigcobayo, bonke uHerodi loPontiyusi Pilatu, kanye labezizwe labantu bakoIsrayeli, | For of a truth against thy holy child Jesus, whom thou hast anointed, both Herod, and Pontius Pilate, with the Gentiles, and the people of Israel, were gathered together, |
| 28 | ukwenza konke isandla sakho lecebo lakho elakumisa phambili ukuthi kwenzeke. | For to do whatsoever thy hand and thy counsel determined before to be done. |
| 29 | Njalo ngalesisikhathi, Nkosi, khangela ukusonga kwabo, unike izinceku zakho ukuthi zikhulume ilizwi lakho ngesibindi sonke, | And now, Lord, behold their threatenings: and grant unto thy servants, that with all boldness they may speak thy word, |
| 30 | ngokuthi welule isandla sakho ukusilisa, lokuthi kwenziwe izibonakaliso lezimangaliso ngebizo leNdodana yakho engcwele uJesu. | By stretching forth thine hand to heal; and that signs and wonders may be done by the name of thy holy child Jesus. |
| 31 | Kwathi sebekhulekile kwazanyazanyiswa indawo ababebuthene kuyo, basebegcwaliswa bonke ngoMoya oNgcwele, basebekhuluma ilizwi likaNkulunkulu ngesibindi. | And when they had prayed, the place was shaken where they were assembled together; and they were all filled with the Holy Ghost, and they spake the word of God with boldness. |
| 32 | Lexuku labakholwayo lalinhliziyonye lomoya munye; njalo kungekho oyedwa owathi ezintweni alazo ngezakhe, kodwa bahlanganyela izinto zonke. | And the multitude of them that believed were of one heart and of one soul: neither said any of them that ought of the things which he possessed was his own; but they had all things common. |
| 33 | Langamandla amakhulu abaphostoli baveza ubufakazi bokuvuka kweNkosi uJesu, lomusa omkhulu waba phezu kwabo bonke. | And with great power gave the apostles witness of the resurrection of the Lord Jesus: and great grace was upon them all. |
| 34 | Ngoba kwakungekho futhi oswelayo phakathi kwabo; ngoba bonke ababengabanikazi bemihlaba kumbe izindlu, bathengisa baletha intengo zalokho okuthengisiweyo, | Neither was there any among them that lacked: for as many as were possessors of lands or houses sold them, and brought the prices of the things that were sold, |
| 35 | bayibeka enyaweni zabaphostoli; njalo kwabelwa ngulowo lalowo njengokuswela kwakhe. | And laid them down at the apostles’ feet: and distribution was made unto every man according as he had need. |
| 36 | Kwathi uJose owabizwa ngabaphostoli ngokuthi nguBarnabasi, okuyikuthi ngokuphendulelwa, indodana yenduduzo, umLevi, umKuprosi ngokuzalwa, | And Joses, who by the apostles was surnamed Barnabas, (which is, being interpreted, The son of consolation,) a Levite, and of the country of Cyprus, |
| 37 | elesiqinti, wasithengisa, waletha imali, wayibeka enyaweni zabaphostoli. | Having land, sold it, and brought the money, and laid it at the apostles’ feet. |
Ndebele Bible — getbible.net(CrossWire SWORD 모듈)에서 가져옴 · 라이선스: GFDL · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL