마태복음 8장 Ndebele Bible
Ndebele Bible · 은데벨레어 · 마태복음 (Matthew) · 34절 · 대역: King James Version
| 절 | Ndebele Bible | King James Version |
|---|---|---|
| 1 | Kwathi esehlile entabeni, amlandela amaxuku amakhulu; | When he was come down from the mountain, great multitudes followed him. |
| 2 | njalo khangela, olobulephero weza wamkhonza wathi: Nkosi, aluba uthanda ungangihlambulula. | And, behold, there came a leper and worshipped him, saying, Lord, if thou wilt, thou canst make me clean. |
| 3 | UJesu waseselula isandla, wamthinta, wathi: Ngiyathanda, hlambuluka. Njalo ubulephero bakhe bahle bahlanjululwa. | And Jesus put forth his hand, and touched him, saying, I will; be thou clean. And immediately his leprosy was cleansed. |
| 4 | UJesu wasesithi kuye: Khangela ungatsheli muntu; kodwa hamba, uziveze kumpristi, unikele umnikelo uMozisi awulayayo, kube yibufakazi kubo. | And Jesus saith unto him, See thou tell no man; but go thy way, shew thyself to the priest, and offer the gift that Moses commanded, for a testimony unto them. |
| 5 | Kwathi uJesu esengenile eKapenawume, kweza kuye induna yekhulu imncenga, | And when Jesus was entered into Capernaum, there came unto him a centurion, beseeching him, |
| 6 | yasisithi: Nkosi, inceku yami ilele endlini yome umhlubulo, isebuhlungwini obukhulu. | And saying, Lord, my servant lieth at home sick of the palsy, grievously tormented. |
| 7 | UJesu wasesithi kuye: Mina ngizakuza ngiyisilise. | And Jesus saith unto him, I will come and heal him. |
| 8 | Induna yekhulu yasiphendula yathi: Nkosi, kangifanele ukuthi ungene ngaphansi kophahla lwami; kodwa kuphela khuluma ilizwi, njalo inceku yami izasiliswa. | The centurion answered and said, Lord, I am not worthy that thou shouldest come under my roof: but speak the word only, and my servant shall be healed. |
| 9 | Ngoba lami ngingumuntu ongaphansi kwamandla, ngilamabutho ngaphansi kwami; njalo ngithi kuleli: Hamba, beselihamba; lakwelinye: Woza, beselisiza; lencekwini yami: Yenza lokhu, njalo ikwenze. | For I am a man under authority, having soldiers under me: and I say to this man, Go, and he goeth; and to another, Come, and he cometh; and to my servant, Do this, and he doeth it. |
| 10 | Kwathi uJesu esezwile wamangala, wathi kwabalandelayo: Ngiqinisile ngithi kini: Angitholanga ukholo olungaka ngitsho lakoIsrayeli. | When Jesus heard it, he marvelled, and said to them that followed, Verily I say unto you, I have not found so great faith, no, not in Israel. |
| 11 | Njalo ngithi kini: Abanengi bazakuza bevela empumalanga lentshonalanga, bahlale loAbrahama loIsaka loJakobe, embusweni wamazulu; | And I say unto you, That many shall come from the east and west, and shall sit down with Abraham, and Isaac, and Jacob, in the kingdom of heaven. |
| 12 | kodwa abantwana bombuso bazaphoselwa emnyameni ongaphandle; lapha kuzakuba khona ukukhala lokugedla amazinyo. | But the children of the kingdom shall be cast out into outer darkness: there shall be weeping and gnashing of teeth. |
| 13 | UJesu wasesithi enduneni yekhulu: Hamba, futhi kakube kuwe njengoba ukholiwe. Inceku yakhe yasisiliswa ngalelohola. | And Jesus said unto the centurion, Go thy way; and as thou hast believed, so be it done unto thee. And his servant was healed in the selfsame hour. |
| 14 | Kwathi uJesu engene endlini kaPetro, wabona uninazala elele njalo ebulawa luqhuqho. | And when Jesus was come into Peter’s house, he saw his wife’s mother laid, and sick of a fever. |
| 15 | Wasebamba isandla sakhe, njalo uqhuqho lwamyekela; wasesukuma, wabancedisa. | And he touched her hand, and the fever left her: and she arose, and ministered unto them. |
| 16 | Kwathi sekuhlwile baletha kuye abanengi ababengenwe ngamadimoni; wasekhupha omoya ngelizwi, wasilisa bonke abagulayo; | When the even was come, they brought unto him many that were possessed with devils: and he cast out the spirits with his word, and healed all that were sick: |
| 17 | ukuze kugcwaliseke okwakhulunywa nguIsaya umprofethi ukuthi: Yena wathatha ubuthakathaka bethu, wazithwala izifo zethu. | That it might be fulfilled which was spoken by Esaias the prophet, saying, Himself took our infirmities, and bare our sicknesses. |
| 18 | Kwathi uJesu ebona amaxuku amakhulu emhanqile, walaya ukuthi bachaphele ngaphetsheya. | Now when Jesus saw great multitudes about him, he gave commandment to depart unto the other side. |
| 19 | Kwasekusondela umbhali othile wathi kuye: Mfundisi, ngizakulandela loba kungaphi lapho oya khona. | And a certain scribe came, and said unto him, Master, I will follow thee whithersoever thou goest. |
| 20 | UJesu wasesithi kuye: Amakhanka alemilindi, lenyoni zezulu izidleke; kodwa iNdodana yomuntu kayila lapho engaqamelisa ikhanda khona. | And Jesus saith unto him, The foxes have holes, and the birds of the air have nests; but the Son of man hath not where to lay his head. |
| 21 | Omunye wabafundi bakhe wasesithi kuye: Nkosi, ngivumela ukuthi ngiqale ngiyengcwaba ubaba. | And another of his disciples said unto him, Lord, suffer me first to go and bury my father. |
| 22 | Kodwa uJesu wathi kuye: Ngilandela, uyekele abafileyo bangcwabe ababo abafileyo. | But Jesus said unto him, Follow me; and let the dead bury their dead. |
| 23 | Kwathi esengenile emkhunjini, abafundi bakhe bamlandela. | And when he was entered into a ship, his disciples followed him. |
| 24 | Njalo khangela, kwavuka isiphepho esikhulu olwandle, okungangokuthi umkhumbi wagutshuzelwa ngamagagasi; kodwa yena wayelele. | And, behold, there arose a great tempest in the sea, insomuch that the ship was covered with the waves: but he was asleep. |
| 25 | Basebesondela abafundi bakhe bamvusa, besithi: Nkosi, sisindise, siyabhubha! | And his disciples came to him, and awoke him, saying, Lord, save us: we perish. |
| 26 | Wasesithi kubo: Lesabelani, lina abokholo oluncinyane? Wasesukuma wakhuza imimoya lolwandle; kwasekusiba khona ukuthula okukhulu. | And he saith unto them, Why are ye fearful, O ye of little faith? Then he arose, and rebuked the winds and the sea; and there was a great calm. |
| 27 | Kodwa abantu bamangala, besithi: Ngonjani lo, ukuthi lemimoya lolwandle kumlalele? | But the men marvelled, saying, What manner of man is this, that even the winds and the sea obey him! |
| 28 | Kwathi esefikile ngaphetsheya elizweni lamaGergesi, bamhlangabeza ababili ababengenwe ngamadimoni bephuma emangcwabeni, belolaka kakhulu, okungangokuthi kwakungekho odlula ngaleyondlela; | And when he was come to the other side into the country of the Gergesenes, there met him two possessed with devils, coming out of the tombs, exceeding fierce, so that no man might pass by that way. |
| 29 | njalo khangela, bamemeza besithi: Silani lawe, Jesu, Ndodana kaNkulunkulu? Uze lapha yini ukusihlupha kungakafiki isikhathi? | And, behold, they cried out, saying, What have we to do with thee, Jesus, thou Son of God? art thou come hither to torment us before the time? |
| 30 | Kwakukhona khatshana labo umhlambi wengulube ezinengi usidla. | And there was a good way off from them an herd of many swine feeding. |
| 31 | Amadimoni asemncenga, esithi: Uba usikhupha, sivumela ukuthi sihambe singene emhlanjini wengulube. | So the devils besought him, saying, If thou cast us out, suffer us to go away into the herd of swine. |
| 32 | Wasesithi kuwo: Hambani. Esephumile angena emhlanjini wengulube; futhi khangela, umhlambi wonke wengulube waphaphatheka eliweni usiya olwandle, zafela emanzini. | And he said unto them, Go. And when they were come out, they went into the herd of swine: and, behold, the whole herd of swine ran violently down a steep place into the sea, and perished in the waters. |
| 33 | Abazelusayo basebebaleka, basebesiya emzini babika konke, lezindaba zababengenwe ngamadimoni. | And they that kept them fled, and went their ways into the city, and told every thing, and what was befallen to the possessed of the devils. |
| 34 | Njalo khangela, umuzi wonke waphuma ukumhlangabeza uJesu; bathi bembona, bancenga ukuthi asuke emikhawulweni yakibo. | And, behold, the whole city came out to meet Jesus: and when they saw him, they besought him that he would depart out of their coasts. |
Ndebele Bible — getbible.net(CrossWire SWORD 모듈)에서 가져옴 · 라이선스: GFDL · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL