마가복음 6장 Ndebele Bible
Ndebele Bible · 은데벨레어 · 마가복음 (Mark) · 56절 · 대역: King James Version
| 절 | Ndebele Bible | King James Version |
|---|---|---|
| 1 | Wasesuka lapho, waya emzini wakibo; abafundi bakhe basebemlandela. | And he went out from thence, and came into his own country; and his disciples follow him. |
| 2 | Sekufike isabatha, waqala ukufundisa esinagogeni; labanengi abamuzwayo bamangala, bathi: Zivela ngaphi lezizinto kuye? Njalo yinhlakanipho bani ayinikiweyo, ukuthi lalimisebenzi yamandla enje yenziwe ngezandla zakhe? | And when the sabbath day was come, he began to teach in the synagogue: and many hearing him were astonished, saying, From whence hath this man these things? and what wisdom is this which is given unto him, that even such mighty works are wrought by his hands? |
| 3 | Lo kayisuye umbazi yini, indodana kaMariya, lomfowabo kaJakobe loJose loJudasi loSimoni? Labodadewabo kabakho yini lapha kithi? Basebekhubeka ngaye. | Is not this the carpenter, the son of Mary, the brother of James, and Joses, and of Juda, and Simon? and are not his sisters here with us? And they were offended at him. |
| 4 | Kodwa uJesu wathi kubo: Umprofethi kasweli ukudunyiswa, ngaphandle kwelizweni lakibo, lezihlotsheni zakhe lendlini yakwabo. | But Jesus said unto them, A prophet is not without honour, but in his own country, and among his own kin, and in his own house. |
| 5 | Futhi wayengelakho ukwenza lowodwa umsebenzi wamandla lapho, ngaphandle kokubeka izandla phezu kwabagulayo abalutshwana, wabasilisa. | And he could there do no mighty work, save that he laid his hands upon a few sick folk, and healed them. |
| 6 | Wasemangala ngokungakholwa kwabo. Wabhodabhoda imizana efundisa. | And he marvelled because of their unbelief. And he went round about the villages, teaching. |
| 7 | Wasebizela kuye abalitshumi lambili, waqala ukubathuma ngababili ngababili, wabanika amandla phezu kwabomoya abangcolileyo. | And he called unto him the twelve, and began to send them forth by two and two; and gave them power over unclean spirits; |
| 8 | Wabalaya ukuthi bangaphathi lutho lwendlela, ngaphandle kodondolo kuphela; lasikhwama, lasinkwa, lamali ezwezweni; | And commanded them that they should take nothing for their journey, save a staff only; no scrip, no bread, no money in their purse: |
| 9 | kodwa bafake amanyathela; futhi bangembathi izembatho ezimbili. | But be shod with sandals; and not put on two coats. |
| 10 | Wasesithi kubo: Lapho elingena khona endlini, hlalani kiyo lize liphume khona. | And he said unto them, In what place soever ye enter into an house, there abide till ye depart from that place. |
| 11 | Njalo loba ngobani abangayikulemukela, kumbe balizwe, nxa liphuma lapho, thintithani uthuli olungaphansi kwenyawo zenu kube yibufakazi kubo. Ngiqinisile ngithi kini: Kuzakuba lula eSodoma kumbe laseGomora ngosuku lwesigwebo, kulakulowomuzi. | And whosoever shall not receive you, nor hear you, when ye depart thence, shake off the dust under your feet for a testimony against them. Verily I say unto you, It shall be more tolerable for Sodom and Gomorrha in the day of judgment, than for that city. |
| 12 | Sebephumile batshumayela ukuthi baphenduke; | And they went out, and preached that men should repent. |
| 13 | bakhupha amadimoni amanengi, bagcoba abanengi abagulayo ngamagcobo babasilisa. | And they cast out many devils, and anointed with oil many that were sick, and healed them. |
| 14 | Inkosi uHerodi wasesizwa ngakho, ngoba ibizo lakhe laba sobala, wasesithi: UJohane owabhabhathizayo uvukile kwabafileyo, futhi kungakho lamandla esebenza kuye. | And king Herod heard of him; (for his name was spread abroad:) and he said, That John the Baptist was risen from the dead, and therefore mighty works do shew forth themselves in him. |
| 15 | Abanye bathi: UnguElija; labanye bathi: Ungumprofethi, kumbe unjengomunye wabaprofethi. | Others said, That it is Elias. And others said, That it is a prophet, or as one of the prophets. |
| 16 | Kodwa uHerodi esezwile wathi: Lo nguJohane, mina engamquma ikhanda; yena uvukile kwabafileyo. | But when Herod heard thereof, he said, It is John, whom I beheaded: he is risen from the dead. |
| 17 | Ngoba yena uHerodi wayethumele wambamba uJohane, wambopha entolongweni, ngenxa kaHerodiyasi umkaFiliphu umfowabo, ngoba wayemthethe. | For Herod himself had sent forth and laid hold upon John, and bound him in prison for Herodias’ sake, his brother Philip’s wife: for he had married her. |
| 18 | Ngoba uJohane wayethe kuHerodi: Kawuvunyelwa ukuba lomkamfowenu. | For John had said unto Herod, It is not lawful for thee to have thy brother’s wife. |
| 19 | UHerodiyasi wasembambela inhliziyo, wafuna ukumbulala; kodwa kenelisanga; | Therefore Herodias had a quarrel against him, and would have killed him; but she could not: |
| 20 | ngoba uHerodi wayemesaba uJohane, esazi ukuthi uyindoda elungileyo lengcwele, wamlondoloza; lalapho emuzwa, wenza izinto ezinengi, wamuzwa ngokuthokoza. | For Herod feared John, knowing that he was a just man and an holy, and observed him; and when he heard him, he did many things, and heard him gladly. |
| 21 | Kwathi selufikile usuku oluhle, uHerodi ngelanga lakhe lokuzalwa wenzela izikhulu zakhe lenduna zenkulungwane labalisa beGalili ukudla kwantambama, | And when a convenient day was come, that Herod on his birthday made a supper to his lords, high captains, and chief estates of Galilee; |
| 22 | kwathi indodakazi kaHerodiyasi lo isingenile yagida, yamkholisa uHerodi lalabo ababehlezi ekudleni laye, inkosi yathi entombini: Cela kimi loba kuyini okuthandayo, njalo ngizakupha; | And when the daughter of the said Herodias came in, and danced, and pleased Herod and them that sat with him, the king said unto the damsel, Ask of me whatsoever thou wilt, and I will give it thee. |
| 23 | wafunga kuyo esithi: Loba kuyini ongakucela kimi, ngizakunika, kuze kube yingxenye yombuso wami. | And he sware unto her, Whatsoever thou shalt ask of me, I will give it thee, unto the half of my kingdom. |
| 24 | Yasiphuma isithi kunina: Ngizacelani? Yena wasesithi: Ikhanda likaJohane uMbhabhathizi. | And she went forth, and said unto her mother, What shall I ask? And she said, The head of John the Baptist. |
| 25 | Njalo yahle yangena enkosini ngokuphangisa, yacela, yathi: Ngifuna ukuthi unginike khathesinje emganwini ikhanda likaJohane uMbhabhathizi. | And she came in straightway with haste unto the king, and asked, saying, I will that thou give me by and by in a charger the head of John the Baptist. |
| 26 | Inkosi yasidabuka kakhulu, kodwa ngenxa yezifungo langalabo ababehlezi layo ekudleni kayithandanga ukuyilandulela. | And the king was exceeding sorry; yet for his oath’s sake, and for their sakes which sat with him, he would not reject her. |
| 27 | Njalo inkosi yahle yathuma ibutho yalaya ukuthi kulethwe ikhanda lakhe. Wasehamba wamquma ikhanda entolongweni, | And immediately the king sent an executioner, and commanded his head to be brought: and he went and beheaded him in the prison, |
| 28 | waletha ikhanda lakhe ngomganu, walinika intombi; intombi yasilinika unina. | And brought his head in a charger, and gave it to the damsel: and the damsel gave it to her mother. |
| 29 | Kwathi abafundi bakhe sebezwile beza, bathatha isidumbu sakhe, basibeka engcwabeni. | And when his disciples heard of it, they came and took up his corpse, and laid it in a tomb. |
| 30 | Abaphostoli basebebuthana kuJesu, bambikela konke, lababekwenzile kanye lababekufundisile. | And the apostles gathered themselves together unto Jesus, and told him all things, both what they had done, and what they had taught. |
| 31 | Wasesithi kubo: Wozani lina lodwa endaweni eyinkangala, liphumule kancinyane. Ngoba babebanengi abafikayo labahambayo, futhi bengelathuba lokudla. | And he said unto them, Come ye yourselves apart into a desert place, and rest a while: for there were many coming and going, and they had no leisure so much as to eat. |
| 32 | Bakhuphuka ngomkhumbi baya endaweni eyinkangala bebodwa. | And they departed into a desert place by ship privately. |
| 33 | Amaxuku asebabona besuka, labanengi bamazi, bagijimela khona kanyekanye ngenyawo bevela emizini yonke, basebebandulela, bahlangana kuye. | And the people saw them departing, and many knew him, and ran afoot thither out of all cities, and outwent them, and came together unto him. |
| 34 | Kwathi uJesu esephuma wabona ixuku elikhulu, waba lesihelo ngabo, ngoba babenjengezimvu ezingelamelusi; waseqala ukubafundisa izinto ezinengi. | And Jesus, when he came out, saw much people, and was moved with compassion toward them, because they were as sheep not having a shepherd: and he began to teach them many things. |
| 35 | Kwathi isikhathi sesihambile, abafundi bakhe beza kuye bathi: Lindawo iyinkangala, lesikhathi sesihambile; | And when the day was now far spent, his disciples came unto him, and said, This is a desert place, and now the time is far passed: |
| 36 | bayekele, ukuze baye ezigabeni ezizingelezeleyo lemizaneni bazithengele izinkwa; ngoba bengelalutho abangaludla. | Send them away, that they may go into the country round about, and into the villages, and buy themselves bread: for they have nothing to eat. |
| 37 | Wasephendula wathi kubo: Banikeni lina ukuthi badle. Basebesithi kuye: Sihambe yini siyethenga izinkwa ngabodenariyo* abangamakhulu amabili, sibaphe badle? | He answered and said unto them, Give ye them to eat. And they say unto him, Shall we go and buy two hundred pennyworth of bread, and give them to eat? |
| 38 | Wasesithi kubo: Lilezinkwa ezingaki? Hambani liyebona. Sebesazi bathi: Zinhlanu, lenhlanzi ezimbili. | He saith unto them, How many loaves have ye? go and see. And when they knew, they say, Five, and two fishes. |
| 39 | Wasebalaya ukuthi babahlalise bonke phansi ngezigaba ngezigaba etshanini obuluhlaza. | And he commanded them to make all sit down by companies upon the green grass. |
| 40 | Basebehlala phansi ngamaviyo ngamaviyo, ngamakhulu langamatshumi amahlanu. | And they sat down in ranks, by hundreds, and by fifties. |
| 41 | Wasethatha izinkwa ezinhlanu lenhlanzi ezimbili, ekhangela phezulu ezulwini, wabonga, wazihlephula izinkwa, wazinika abafundi bakhe ukuthi bazibeke phambi kwabo; lenhlanzi ezimbili wazabela bonke. | And when he had taken the five loaves and the two fishes, he looked up to heaven, and blessed, and brake the loaves, and gave them to his disciples to set before them; and the two fishes divided he among them all. |
| 42 | Basebesidla bonke, basutha. | And they did all eat, and were filled. |
| 43 | Basebedobha izitsha ezilitshumi lambili ezagcwala imvuthu ezazisele, lokuseleyo kwenhlanzi. | And they took up twelve baskets full of the fragments, and of the fishes. |
| 44 | Lalabo abadlayo izinkwa, babengaba ngamadoda azinkulungwane ezinhlanu. | And they that did eat of the loaves were about five thousand men. |
| 45 | Njalo wahle wacindezela abafundi bakhe ukuthi bangene emkhunjini, njalo bamqalele ukuya ngaphetsheya eBhethisayida, yena esayekela ixuku lihamba. | And straightway he constrained his disciples to get into the ship, and to go to the other side before unto Bethsaida, while he sent away the people. |
| 46 | Esebavalelisile, wasuka waya entabeni ukuyakhuleka. | And when he had sent them away, he departed into a mountain to pray. |
| 47 | Sekuhlwile, umkhumbi wawuphakathi kolwandle, futhi yena wayeyedwa emhlabathini. | And when even was come, the ship was in the midst of the sea, and he alone on the land. |
| 48 | Wababona behlupheka kakhulu ekugwedleni, ngoba umoya wawuphambene labo, wasesiza kubo sokungaba yisikhathi somlindo wesine wobusuku, ehamba phezu kolwandle; wasefuna ukubadlula. | And he saw them toiling in rowing; for the wind was contrary unto them: and about the fourth watch of the night he cometh unto them, walking upon the sea, and would have passed by them. |
| 49 | Sebembonile ehamba phezu kolwandle, basebecabanga ukuthi lithonga, bakhala kakhulu; | But when they saw him walking upon the sea, they supposed it had been a spirit, and cried out: |
| 50 | ngoba bambona bonke, bethuka. Kodwa wahle wakhuluma labo, wathi kubo: Manini isibindi; yimi, lingesabi. | For they all saw him, and were troubled. And immediately he talked with them, and saith unto them, Be of good cheer: it is I; be not afraid. |
| 51 | Wasesenyukela kubo emkhunjini, umoya wasuthula; basebesanganiseka kakhulu okwedlula amalawulo ngaphakathi, bamangala. | And he went up unto them into the ship; and the wind ceased: and they were sore amazed in themselves beyond measure, and wondered. |
| 52 | Ngoba babengaqedisisanga ngezinkwa; ngoba inhliziyo yabo yayilukhuni. | For they considered not the miracle of the loaves: for their heart was hardened. |
| 53 | Kwathi sebechaphile bafika elizweni leGenesaretha, babophela umkhumbi ekhunjini. | And when they had passed over, they came into the land of Gennesaret, and drew to the shore. |
| 54 | Bathi sebephumile emkhunjini, bahle bamazi, | And when they were come out of the ship, straightway they knew him, |
| 55 | njalo bagijimela kuso sonke lesosigaba esizingelezeleyo, baqala ukubhoda bethwala abagulayo ngamathala bebasa lapho abebesizwa ukuthi ukhona. | And ran through that whole region round about, and began to carry about in beds those that were sick, where they heard he was. |
| 56 | Njalo loba ngaphi angena khona emizaneni loba emizini, loba emaphandleni, babeka abagulayo emidangeni, bamncenga ukuthi bathinte umphetho wesembatho sakhe nje; njalo bonke abamthintayo basindiswa. | And whithersoever he entered, into villages, or cities, or country, they laid the sick in the streets, and besought him that they might touch if it were but the border of his garment: and as many as touched him were made whole. |
Ndebele Bible — getbible.net(CrossWire SWORD 모듈)에서 가져옴 · 라이선스: GFDL · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL