마가복음 3장 Ndebele Bible
Ndebele Bible · 은데벨레어 · 마가복음 (Mark) · 35절 · 대역: King James Version
| 절 | Ndebele Bible | King James Version |
|---|---|---|
| 1 | Wasebuya engena esinagogeni, njalo kwakukhona lapho umuntu olesandla esitshwabheneyo. | And he entered again into the synagogue; and there was a man there which had a withered hand. |
| 2 | Basebemqaphela ukuthi uzamsilisa ngesabatha, ukuze bambeke icala. | And they watched him, whether he would heal him on the sabbath day; that they might accuse him. |
| 3 | Wasesithi kumuntu olesandla esitshwabheneyo: Sukuma uye phakathi. | And he saith unto the man which had the withered hand, Stand forth. |
| 4 | Wathi kubo: Kuvunyelwe yini ngamasabatha ukwenza okulungileyo, kumbe ukwenza okubi? Ukusindisa impilo, kumbe ukubulala? Kodwa bathula. | And he saith unto them, Is it lawful to do good on the sabbath days, or to do evil? to save life, or to kill? But they held their peace. |
| 5 | Wasebathalaza ngokuthukuthela, edabukile ngobulukhuni benhliziyo yabo, wathi kumuntu: Yelula isandla sakho. Waselula, isandla sakhe sasesisiliswa saphila njengesinye. | And when he had looked round about on them with anger, being grieved for the hardness of their hearts, he saith unto the man, Stretch forth thine hand. And he stretched it out: and his hand was restored whole as the other. |
| 6 | Basebephuma abaFarisi bahle bacebisana labakaHerodi bemelane laye, ukuthi bangambulala njani. | And the Pharisees went forth, and straightway took counsel with the Herodians against him, how they might destroy him. |
| 7 | Kodwa uJesu wasuka wahamba labafundi bakhe ngaselwandle; ixuku elikhulu laselimlandela livela eGalili, leJudiya; | But Jesus withdrew himself with his disciples to the sea: and a great multitude from Galilee followed him, and from Judea, |
| 8 | leJerusalema, leIdumiya, langaphetsheya kweJordani, labemimangweni yeTire leSidoni, ixuku elikhulu, selizwile izinto ezinkulu abezenza, leza kuye. | And from Jerusalem, and from Idumea, and from beyond Jordan; and they about Tyre and Sidon, a great multitude, when they had heard what great things he did, came unto him. |
| 9 | Wasetshela abafundi bakhe ukuthi umkolo umlindele ngenxa yexuku, ukuze lingamcindezeli. | And he spake to his disciples, that a small ship should wait on him because of the multitude, lest they should throng him. |
| 10 | Ngoba wayesilisa abanengi, baze bawela phezu kwakhe bonke abalezifo, ukuze bamthinte. | For he had healed many; insomuch that they pressed upon him for to touch him, as many as had plagues. |
| 11 | Njalo omoya abangcolileyo, lapho bembona, babesiwa phansi phambi kwakhe, bakhale besithi: Wena uyiNdodana kaNkulunkulu. | And unclean spirits, when they saw him, fell down before him, and cried, saying, Thou art the Son of God. |
| 12 | Wasebalayisisa kakhulu ukuthi bangamvezi. | And he straitly charged them that they should not make him known. |
| 13 | Wasesenyukela entabeni, wabizela kuye labo ayebafuna yena; basebesiza kuye. | And he goeth up into a mountain, and calleth unto him whom he would: and they came unto him. |
| 14 | Wasemisa abalitshumi lambili, ukuze babe laye, lokuze abathume ukuyatshumayela, | And he ordained twelve, that they should be with him, and that he might send them forth to preach, |
| 15 | futhi babe lamandla okwelapha imikhuhlane, lawokukhupha amadimoni. | And to have power to heal sicknesses, and to cast out devils: |
| 16 | LoSimoni wamutha ibizo lokuthi nguPetro; | And Simon he surnamed Peter; |
| 17 | loJakobe okaZebediya, loJohane umfowabo kaJakobe; wabatha amabizo wathi ngoBowanegesi, okuyikuthi: Amadodana omdumo; | And James the son of Zebedee, and John the brother of James; and he surnamed them Boanerges, which is, The sons of thunder: |
| 18 | loAndreya, loFiliphu, loBartolomewu, loMathewu, loTomasi, loJakobe okaAlfewu, loTadewu, loSimoni umKhanani, | And Andrew, and Philip, and Bartholomew, and Matthew, and Thomas, and James the son of Alpheus, and Thaddeus, and Simon the Canaanite, |
| 19 | loJudasi uIskariyothi, laye owamnikelayo. Basebengena endlini. | And Judas Iscariot, which also betrayed him: and they went into an house. |
| 20 | Ixuku laselibuthana futhi, kwaze kwathi bona abasazange benelise lokudla isinkwa. | And the multitude cometh together again, so that they could not so much as eat bread. |
| 21 | Kwathi abakibo sebezwile lokhu baphuma ukuyambamba; ngoba bathi: Uyahlanya. | And when his friends heard of it, they went out to lay hold on him: for they said, He is beside himself. |
| 22 | Lababhali abavela eJerusalema bathi: UloBhelezebhule, lokuthi: Ukhupha amadimoni ngenkosi yamadimoni. | And the scribes which came down from Jerusalem said, He hath Beelzebub, and by the prince of the devils casteth he out devils. |
| 23 | Wasebabizela kuye, wathi kubo ngemifanekiso: USathane angakhupha njani uSathane? | And he called them unto him, and said unto them in parables, How can Satan cast out Satan? |
| 24 | Futhi uba umbuso wehlukene umelene lawo ngokwawo, lowombuso ungeme. | And if a kingdom be divided against itself, that kingdom cannot stand. |
| 25 | Lendlu uba yehlukene imelana layo ngokwayo, leyondlu ingeme. | And if a house be divided against itself, that house cannot stand. |
| 26 | LoSathane uba ezivukela yena, ahlukane, angeme, kodwa uyaphela. | And if Satan rise up against himself, and be divided, he cannot stand, but hath an end. |
| 27 | Kakho ongangena endlini yesiqhwaga, aphange impahla yaso, uba engasibophi isiqhwaga kuqala, abesephanga indlu yaso. | No man can enter into a strong man’s house, and spoil his goods, except he will first bind the strong man; and then he will spoil his house. |
| 28 | Ngiqinisile ngithi kini: Zonke izono zizathethelelwa kubantwana babantu, lezinhlamba loba ziphi abahlambaza ngazo; | Verily I say unto you, All sins shall be forgiven unto the sons of men, and blasphemies wherewith soever they shall blaspheme: |
| 29 | kodwa loba ngubani ohlambaza emelene loMoya oyiNgcwele, kalakuthethelelwa lanini, kodwa ulecala lokulahlwa okulaphakade; | But he that shall blaspheme against the Holy Ghost hath never forgiveness, but is in danger of eternal damnation: |
| 30 | ngoba bathi: Ulomoya ongcolileyo. | Because they said, He hath an unclean spirit. |
| 31 | Kwasekufika abafowabo lonina, bema ngaphandle bathumela kuye, bembiza. | There came then his brethren and his mother, and, standing without, sent unto him, calling him. |
| 32 | Njalo ixuku lalihlezi limphahlile; basebesithi kuye: Khangela, unyoko labafowenu baphandle bayakudinga. | And the multitude sat about him, and they said unto him, Behold, thy mother and thy brethren without seek for thee. |
| 33 | Wasebaphendula wathi: Ngubani umama kumbe abafowethu? | And he answered them, saying, Who is my mother, or my brethren? |
| 34 | Wasethalaza labo ababehlezi bemphahlile, wathi: Khangelani umama labafowethu. | And he looked round about on them which sat about him, and said, Behold my mother and my brethren! |
| 35 | Ngoba loba ngubani owenza intando kaNkulunkulu, nguye ongumfowethu lodadewethu lomama. | For whosoever shall do the will of God, the same is my brother, and my sister, and mother. |
Ndebele Bible — getbible.net(CrossWire SWORD 모듈)에서 가져옴 · 라이선스: GFDL · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL