데살로니가후서 3장 Ndebele Bible
Ndebele Bible · 은데벨레어 · 데살로니가후서 (2 Thessalonians) · 18절 · 대역: King James Version
| 절 | Ndebele Bible | King James Version |
|---|---|---|
| 1 | Elokucina, bazalwane, sikhulekeleni, ukuze ilizwi leNkosi ligijime, lidunyiswe, njengalokhu kwaba njalo lakini, | Finally, brethren, pray for us, that the word of the Lord may have free course, and be glorified, even as it is with you: |
| 2 | lokuthi sikhululwe ebantwini abangaqondanga lababi; ngoba ukholo kayisilo lwabo bonke. | And that we may be delivered from unreasonable and wicked men: for all men have not faith. |
| 3 | Kodwa iNkosi ithembekile, ezaliqinisa ilivikele komubi. | But the Lord is faithful, who shall stablish you, and keep you from evil. |
| 4 | Silethemba-ke eNkosini ngani, ukuthi izinto esililaya zona, lani liyazenza njalo lizazenza. | And we have confidence in the Lord touching you, that ye both do and will do the things which we command you. |
| 5 | Kodwa iNkosi sengathi ingaqondisa inhliziyo zenu ethandweni lukaNkulunkulu, lekubekezeleni kukaKristu. | And the Lord direct your hearts into the love of God, and into the patient waiting for Christ. |
| 6 | Siyalilaya-ke, bazalwane, ebizweni leNkosi yethu uJesu Kristu, ukuthi lizehlukanise laye wonke umzalwane ohamba ngokungafanelanga, njalo kungenjengomlayo elawemukela kithi. | Now we command you, brethren, in the name of our Lord Jesus Christ, that ye withdraw yourselves from every brother that walketh disorderly, and not after the tradition which he received of us. |
| 7 | Ngoba liyazi ngokwenu ukuthi lifanele lisilingise njani; ngoba kasihambanga ngokungafanelanga phakathi kwenu, | For yourselves know how ye ought to follow us: for we behaved not ourselves disorderly among you; |
| 8 | njalo kasidlanga kudla komuntu ngesihle, kodwa ekutshikatshikeni lekusebenzeni nzima, ubusuku lemini sisebenza, ukuze singabi ngumthwalo lakomunye wenu; | Neither did we eat any man’s bread for nought; but wrought with labour and travail night and day, that we might not be chargeable to any of you: |
| 9 | kungesikuthi sasingelalungelo, kodwa ukuze sizinikele kini njengesibonelo sokusilingisela. | Not because we have not power, but to make ourselves an ensample unto you to follow us. |
| 10 | Ngoba lalapho silani, salilaya lokhu ukuthi: Uba umuntu engafuni ukusebenza, akumelanga adle. | For even when we were with you, this we commanded you, that if any would not work, neither should he eat. |
| 11 | Ngoba sizwa ukuthi abanye phakathi kwenu bahambahamba ngokungafanelanga, kabasebenzi lutho, kodwa besenza izinto ezingelamsebenzi. | For we hear that there are some which walk among you disorderly, working not at all, but are busybodies. |
| 12 | Abanjalo-ke siyabalaya sibakhuthaze ngeNkosi yethu uJesu Kristu, ukuze basebenze ngokuthula badle okwabo ukudla. | Now them that are such we command and exhort by our Lord Jesus Christ, that with quietness they work, and eat their own bread. |
| 13 | Lani, bazalwane, lingadinwa yikwenza okuhle. | But ye, brethren, be not weary in well doing. |
| 14 | Kodwa uba umuntu engalaleli ilizwi lethu ngencwadi, mqapheliseni lowo, njalo lingahlangani laye, ukuze abe lenhloni; | And if any man obey not our word by this epistle, note that man, and have no company with him, that he may be ashamed. |
| 15 | njalo lingamphathi njengesitha, kodwa melulekeni njengomzalwane. | Yet count him not as an enemy, but admonish him as a brother. |
| 16 | Sengathi-ke iNkosi yokuthula uqobo ingalinika ukuthula ngesikhathi sonke ngendlela zonke. INkosi kayibe lani lonke. | Now the Lord of peace himself give you peace always by all means. The Lord be with you all. |
| 17 | Isibingelelo ngesami isandla esikaPawuli, okuluphawu kuyo yonke incwadi; ngibhala ngokunjalo. | The salutation of Paul with mine own hand, which is the token in every epistle: so I write. |
| 18 | Umusa weNkosi yethu uJesu Kristu kawube lani lonke. Ameni. | The grace of our Lord Jesus Christ be with you all. Amen. The second epistle to the Thessalonians was written from Athens. |
Ndebele Bible — getbible.net(CrossWire SWORD 모듈)에서 가져옴 · 라이선스: GFDL · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL