누가복음 4장 Ndebele Bible
Ndebele Bible · 은데벨레어 · 누가복음 (Luke) · 44절 · 대역: King James Version
| 절 | Ndebele Bible | King James Version |
|---|---|---|
| 1 | Kwathi uJesu egcwele uMoya oNgcwele wabuya evela eJordani, wakhokhelelwa nguMoya enkangala, | And Jesus being full of the Holy Ghost returned from Jordan, and was led by the Spirit into the wilderness, |
| 2 | walingwa ngudiyabhola insuku ezingamatshumi amane. Njalo kadlanga lutho ngalezonsuku; kwathi seziphelile, ekucineni walamba. | Being forty days tempted of the devil. And in those days he did eat nothing: and when they were ended, he afterward hungered. |
| 3 | Udiyabhola wasesithi kuye: Uba uyiNdodana kaNkulunkulu, tshono kulelilitshe ukuthi libe yisinkwa. | And the devil said unto him, If thou be the Son of God, command this stone that it be made bread. |
| 4 | UJesu wasemphendula, wathi: Kulotshiwe, ukuthi umuntu kayikuphila ngesinkwa sodwa, kodwa ngalo lonke ilizwi likaNkulunkulu. | And Jesus answered him, saying, It is written, That man shall not live by bread alone, but by every word of God. |
| 5 | Udiyabhola wasemkhokhelela entabeni ende wamtshengisa yonke imibuso yomhlaba ngesikhatshana. | And the devil, taking him up into an high mountain, shewed unto him all the kingdoms of the world in a moment of time. |
| 6 | Udiyabhola wasesithi kuye: Amandla wonke la lobukhosi bayo ngizakunika; ngoba anikwe mina, njalo ngiwanika loba ngubani engithandayo. | And the devil said unto him, All this power will I give thee, and the glory of them: for that is delivered unto me; and to whomsoever I will I give it. |
| 7 | Ngakho wena uba ukhonza phambi kwami, konke kuzakuba ngokwakho. | If thou therefore wilt worship me, all shall be thine. |
| 8 | UJesu wasemphendula wathi: Suka ngemva kwami, Sathane; ngoba kulotshiwe ukuthi: Uzakhothamela eNkosini uNkulunkulu wakho, njalo umkhonze yena yedwa. | And Jesus answered and said unto him, Get thee behind me, Satan: for it is written, Thou shalt worship the Lord thy God, and him only shalt thou serve. |
| 9 | Wasemkhokhelela eJerusalema, wammisa engqongeni yethempeli, wasesithi kuye: Uba uyiNdodana kaNkulunkulu, ziwisele phansi usuka lapha; | And he brought him to Jerusalem, and set him on a pinnacle of the temple, and said unto him, If thou be the Son of God, cast thyself down from hence: |
| 10 | ngoba kulotshiwe ukuthi: Uzalaya ingilosi zakhe ngawe, ukukulondoloza; | For it is written, He shall give his angels charge over thee, to keep thee: |
| 11 | lokuthi: Zizakuphatha ngezandla, hlezi loba nini ukhube unyawo lwakho elitsheni. | And in their hands they shall bear thee up, lest at any time thou dash thy foot against a stone. |
| 12 | UJesu wasephendula wathi kuye: Kuthiwa: Ungayilingi iNkosi uNkulunkulu wakho. | And Jesus answering said unto him, It is said, Thou shalt not tempt the Lord thy God. |
| 13 | Udiyabhola eseqedile ukulinga konke, wasuka kuye kwaze kwaba ngesinye isikhathi. | And when the devil had ended all the temptation, he departed from him for a season. |
| 14 | UJesu wasebuyela eGalili ngamandla kaMoya; lendumela yakhe yaphuma kuso sonke isigaba esizingelezeleyo. | And Jesus returned in the power of the Spirit into Galilee: and there went out a fame of him through all the region round about. |
| 15 | Yena wasefundisa emasinagogeni abo, edunyiswa yibo bonke. | And he taught in their synagogues, being glorified of all. |
| 16 | Wasefika eNazaretha, lapho ayondliwe khona; njengokwejwayela kwakhe wasengena esinagogeni ngosuku lwesabatha, wasukuma ukuze afunde. | And he came to Nazareth, where he had been brought up: and, as his custom was, he went into the synagogue on the sabbath day, and stood up for to read. |
| 17 | Wasenikwa ugwalo lomprofethi uIsaya. Waseluvula ugwalo, wayithola indawo okubhalwe kuyo ukuthi: | And there was delivered unto him the book of the prophet Esaias. And when he had opened the book, he found the place where it was written, |
| 18 | UMoya weNkosi uphezu kwami, ngakho ingigcobile ukuthi ngitshumayele ivangeli kubayanga; ingithumile ukusilisa abadabukileyo enhliziyweni; ukumemezela ukukhululwa kwabathunjiweyo, lokubona kwabayiziphofu, ukukhulula ababandezelweyo, | The Spirit of the Lord is upon me, because he hath anointed me to preach the gospel to the poor; he hath sent me to heal the brokenhearted, to preach deliverance to the captives, and recovering of sight to the blind, to set at liberty them that are bruised, |
| 19 | ukumemezela umnyaka womusa weNkosi. | To preach the acceptable year of the Lord. |
| 20 | Waselugoqa ugwalo, walubuyisela encekwini, wahlala phansi; lamehlo abo bonke ababesesinagogeni amjolozela. | And he closed the book, and he gave it again to the minister, and sat down. And the eyes of all them that were in the synagogue were fastened on him. |
| 21 | Waseqala ukuthi kubo: Lamuhla lumbhalo ugcwalisekile endlebeni zenu. | And he began to say unto them, This day is this scripture fulfilled in your ears. |
| 22 | Labo bonke bafakaza ngaye, bamangala ngamazwi omusa aphuma emlonyeni wakhe, basebesithi: Lo kayisiyo indodana kaJosefa yini? | And all bare him witness, and wondered at the gracious words which proceeded out of his mouth. And they said, Is not this Joseph’s son? |
| 23 | Wasesithi kubo: Isibili lizakutsho kimi lesisaga: Melaphi, zelaphe wena; konke lokho esikuzwileyo okwenzeke eKapenawume, kwenze lalapha emzini wakini. | And he said unto them, Ye will surely say unto me this proverb, Physician, heal thyself: whatsoever we have heard done in Capernaum, do also here in thy country. |
| 24 | Wathi-ke: Ngiqinisile ngithi kini: Kakho umprofethi owemukelekayo elizweni lakibo. | And he said, Verily I say unto you, No prophet is accepted in his own country. |
| 25 | Kodwa ngeqiniso ngithi kini: Abafelokazi abanengi babekhona koIsrayeli ensukwini zikaElija, lapho izulu lalivalekile iminyaka emithathu lenyanga eziyisithupha, kwaze kwaba khona indlala enkulu emhlabeni wonke; | But I tell you of a truth, many widows were in Israel in the days of Elias, when the heaven was shut up three years and six months, when great famine was throughout all the land; |
| 26 | kodwa uElija kathunyelwanga lakomunye wabo, ngaphandle kweSarepita yeSidoni kowesifazana ongumfelokazi. | But unto none of them was Elias sent, save unto Sarepta, a city of Sidon, unto a woman that was a widow. |
| 27 | Futhi amalephero amanengi ayekhona koIsrayeli ngesikhathi sikaElisha umprofethi; kodwa kakuhlanjululwanga lamunye wawo, ngaphandle kukaNamani umSiriya. | And many lepers were in Israel in the time of Eliseus the prophet; and none of them was cleansed, saving Naaman the Syrian. |
| 28 | Kwathi bonke ababesesinagogeni bagcwala ulaka, bezizwa lezizinto, | And all they in the synagogue, when they heard these things, were filled with wrath, |
| 29 | basebesukuma, bamkhuphela ngaphandle komuzi, bamqhubela eliweni lentaba umuzi wabo owawakhiwe phezu kwayo, ukuze bamphosele phansi eliweni. | And rose up, and thrust him out of the city, and led him unto the brow of the hill whereon their city was built, that they might cast him down headlong. |
| 30 | Kodwa yena edabula phakathi kwabo wahamba. | But he passing through the midst of them went his way, |
| 31 | Wasesehlela eKapenawume umuzi weGalili; njalo wayebafundisa ngamasabatha. | And came down to Capernaum, a city of Galilee, and taught them on the sabbath days. |
| 32 | Basebebabaza ngemfundiso yakhe, ngoba ilizwi lakhe lalilamandla. | And they were astonished at his doctrine: for his word was with power. |
| 33 | Futhi kwakukhona esinagogeni umuntu owayelomoya wedimoni ongcolileyo, wasememeza ngelizwi elikhulu, | And in the synagogue there was a man, which had a spirit of an unclean devil, and cried out with a loud voice, |
| 34 | wathi: Yekela! Silani lawe, Jesu mNazaretha? Uze ukusibhubhisa yini? Ngiyakwazi wena ukuthi ungubani: ONgcwele kaNkulunkulu. | Saying, Let us alone; what have we to do with thee, thou Jesus of Nazareth? art thou come to destroy us? I know thee who thou art; the Holy One of God. |
| 35 | UJesu wasemkhuza, esithi: Thula, uphume kuye! Ledimoni selimwisele phakathi laphuma kuye, lingamlimazanga. | And Jesus rebuked him, saying, Hold thy peace, and come out of him. And when the devil had thrown him in the midst, he came out of him, and hurt him not. |
| 36 | Kwasekubafikela bonke ukumangala, bakhulumisana, besithi: Yilizwi bani leli, ukuthi ngegunya langamandla uyalaya omoya abangcolileyo, baphume? | And they were all amazed, and spake among themselves, saying, What a word is this! for with authority and power he commandeth the unclean spirits, and they come out. |
| 37 | Yasiphuma indumela yakhe kuyo yonke indawo yesigaba esizingelezeleyo. | And the fame of him went out into every place of the country round about. |
| 38 | Wasesukuma waphuma esinagogeni, wayangena endlini kaSimoni; njalo uninazala kaSimoni wayebanjwe luqhuqho olukhulu; basebemcelela kuye. | And he arose out of the synagogue, and entered into Simon’s house. And Simon’s wife’s mother was taken with a great fever; and they besought him for her. |
| 39 | Wasemengama, wakhuza uqhuqho, khona lwamyekela; njalo wahle wasukuma wabasebenzela. | And he stood over her, and rebuked the fever; and it left her: and immediately she arose and ministered unto them. |
| 40 | Kwathi ekutshoneni kwelanga, bonke ababelababegula izifo ezitshiyeneyo babaletha kuye; wasebeka izandla kulowo lalowo wabo wabasilisa. | Now when the sun was setting, all they that had any sick with divers diseases brought them unto him; and he laid his hands on every one of them, and healed them. |
| 41 | Kwasekuphuma lamadimoni kwabanengi, ememeza esithi: Wena unguKristu iNdodana kaNkulunkulu. Wasewakhuza engawavumeli ukuthi akhulume, ngoba ayemazi ukuthi unguKristu. | And devils also came out of many, crying out, and saying, Thou art Christ the Son of God. And he rebuking them suffered them not to speak: for they knew that he was Christ. |
| 42 | Kwathi sekusile, waphuma waya endaweni eyinkangala, lamaxuku amdinga, eza kuye, amvimbela ukuthi angasuki kiwo. | And when it was day, he departed and went into a desert place: and the people sought him, and came unto him, and stayed him, that he should not depart from them. |
| 43 | Kodwa wathi kuwo: Ngimele ukutshumayela ivangeli lombuso kaNkulunkulu lakweminye imizi; ngoba ngithunyelwe lokho. | And he said unto them, I must preach the kingdom of God to other cities also: for therefore am I sent. |
| 44 | Wayesetshumayela emasinagogeni eGalili. | And he preached in the synagogues of Galilee. |
Ndebele Bible — getbible.net(CrossWire SWORD 모듈)에서 가져옴 · 라이선스: GFDL · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL