누가복음 12장 Ndebele Bible
Ndebele Bible · 은데벨레어 · 누가복음 (Luke) · 59절 · 대역: King James Version
| 절 | Ndebele Bible | King James Version |
|---|---|---|
| 1 | Kusenjalo sezibuthene izigidi zexuku, baze banyathelana, waqala ukukhuluma labafundi bakhe kuqala: Lina xwayani imvubelo yabaFarisi, eyikuzenzisa. | In the mean time, when there were gathered together an innumerable multitude of people, insomuch that they trode one upon another, he began to say unto his disciples first of all, Beware ye of the leaven of the Pharisees, which is hypocrisy. |
| 2 | Njalo kakukho okumbomboziweyo, okungayikwembulwa, lokufihliweyo, okungayikwaziwa. | For there is nothing covered, that shall not be revealed; neither hid, that shall not be known. |
| 3 | Ngakho loba yini eliyikhuluma emnyameni izazwakala ekukhanyeni; lelikukhulume endlebeni ezindlini zensitha kuzamenyezelwa phezu kwezindlu. | Therefore whatsoever ye have spoken in darkness shall be heard in the light; and that which ye have spoken in the ear in closets shall be proclaimed upon the housetops. |
| 4 | Njalo ngithi kini bangane bami: Lingabesabi ababulala umzimba, njalo emva kwalokho bengelakho ukwenza olunye ulutho. | And I say unto you my friends, Be not afraid of them that kill the body, and after that have no more that they can do. |
| 5 | Kodwa ngizalitshengisa elifanele ukumesaba: Mesabeni lowo othi esebulele abe lamandla okuphosela esihogweni; yebo, ngithi kini: Mesabeni yena. | But I will forewarn you whom ye shall fear: Fear him, which after he hath killed hath power to cast into hell; yea, I say unto you, Fear him. |
| 6 | Kazithengiswa yini intaka ezinhlanu ngendibilitshi ezimbili? Kakukhohlakali lanye yazo phambi kukaNkulunkulu. | Are not five sparrows sold for two farthings, and not one of them is forgotten before God? |
| 7 | Kanti lenwele zekhanda lenu zibaliwe zonke. Ngakho lingesabi; liyazedlula intaka ezinengi. | But even the very hairs of your head are all numbered. Fear not therefore: ye are of more value than many sparrows. |
| 8 | Njalo ngithi kini: Wonke loba ngubani ongivuma phambi kwabantu, iNdodana yomuntu layo izamvuma phambi kwengilosi zikaNkulunkulu; | Also I say unto you, Whosoever shall confess me before men, him shall the Son of man also confess before the angels of God: |
| 9 | kodwa ongiphika phambi kwabantu uzaphikwa phambi kwengilosi zikaNkulunkulu. | But he that denieth me before men shall be denied before the angels of God. |
| 10 | Laye wonke okhuluma ilizwi elimelana leNdodana yomuntu, uzathethelelwa; kodwa lowo ohlambaza uMoya oNgcwele kayikuthethelelwa. | And whosoever shall speak a word against the Son of man, it shall be forgiven him: but unto him that blasphemeth against the Holy Ghost it shall not be forgiven. |
| 11 | Njalo nxa belisa emasinagogeni lakubabusi leziphathamandla, lingakhathazeki ukuthi lizaphendula njani kumbe liphenduleni, kumbe lizakhulumani; | And when they bring you unto the synagogues, and unto magistrates, and powers, take ye no thought how or what thing ye shall answer, or what ye shall say: |
| 12 | ngoba uMoya oNgcwele uzalifundisa ngalelohola izinto elifanele ukuzikhuluma. | For the Holy Ghost shall teach you in the same hour what ye ought to say. |
| 13 | Futhi omunye wexuku wathi kuye: Mfundisi, akutshele umfowethu abelane lami ilifa. | And one of the company said unto him, Master, speak to my brother, that he divide the inheritance with me. |
| 14 | Kodwa wathi kuye: Ndoda, ngubani ongimise ukuthi ngibe ngumahluleli loba umehlukanisi phezu kwenu? | And he said unto him, Man, who made me a judge or a divider over you? |
| 15 | Wasesithi kubo: Nanzelelani liqaphele ubuhwaba, ngoba impilo yomuntu kayikho ebunengini bezinto alazo. | And he said unto them, Take heed, and beware of covetousness: for a man’s life consisteth not in the abundance of the things which he possesseth. |
| 16 | Wasebatshela umfanekiso, esithi: Insimu yomuntu othile onothileyo yathela kakhulu; | And he spake a parable unto them, saying, The ground of a certain rich man brought forth plentifully: |
| 17 | wasenakana ngaphakathi kwakhe, esithi: Ngizakwenza njani, ngoba kangilandawo lapho engingabuthela khona izithelo zami? | And he thought within himself, saying, What shall I do, because I have no room where to bestow my fruits? |
| 18 | Wasesithi: Ngizakwenza lokhu; ngizadiliza iziphala zami, ngakhe ezinkulu, ngibuthele khona izilimo zami zonke lempahla yami, | And he said, This will I do: I will pull down my barns, and build greater; and there will I bestow all my fruits and my goods. |
| 19 | besengisithi kumphefumulo wami: Mphefumulo, ulempahla ezinengi ezibekelwe iminyaka eminengi; phumula, udle, unathe, uthokoze. | And I will say to my soul, Soul, thou hast much goods laid up for many years; take thine ease, eat, drink, and be merry. |
| 20 | Kodwa uNkulunkulu wathi kuye: Siphukuphuku, ngalobubusuku umphefumulo wakho uzabizwa kuwe; pho izinto ozilungisileyo zizakuba ngezikabani? | But God said unto him, Thou fool, this night thy soul shall be required of thee: then whose shall those things be, which thou hast provided? |
| 21 | Kunjalo-ke kozibekela inotho, kodwa enganothanga kuNkulunkulu. | So is he that layeth up treasure for himself, and is not rich toward God. |
| 22 | Wasesithi kubafundi bakhe: Ngakho ngithi kini: Lingakhathaleli impilo yenu, ukuthi lizakudlani; loba umzimba, ukuthi lizakwembathani. | And he said unto his disciples, Therefore I say unto you, Take no thought for your life, what ye shall eat; neither for the body, what ye shall put on. |
| 23 | Impilo yedlula ukudla, lomzimba isembatho. | The life is more than meat, and the body is more than raiment. |
| 24 | Qaphelisisani amawabayi, ukuthi kawahlanyeli, njalo kawavuni, kawalasiphala loba isilulu, kanti uNkulunkulu uyawondla; lina lizedlula kangakanani inyoni? | Consider the ravens: for they neither sow nor reap; which neither have storehouse nor barn; and God feedeth them: how much more are ye better than the fowls? |
| 25 | Njalo nguwuphi kini ongathi ngokuphiseka engezelele ingalo ibenye ebudeni bakhe? | And which of you with taking thought can add to his stature one cubit? |
| 26 | Ngakho nxa lingelamandla okwenza into encinyane, liphisekelani ngokunye? | If ye then be not able to do that thing which is least, why take ye thought for the rest? |
| 27 | Qaphelisani imiduze ukuthi ikhula njani; kayitshikatshiki, kayiphothi, kodwa ngithi kini: LoSolomoni ebucwazicwazini bakhe bonke wayengembathiswanga njengomunye wayo. | Consider the lilies how they grow: they toil not, they spin not; and yet I say unto you, that Solomon in all his glory was not arrayed like one of these. |
| 28 | Njalo uba uNkulunkulu esembathisa ngokunjalo utshani obukhona lamuhla egangeni, kuthi kusasa buphoswa eziko, uzalembathisa ngokukhulu kangakanani, lina abokholo oluncinyane? | If then God so clothe the grass, which is to day in the field, and to morrow is cast into the oven; how much more will he clothe you, O ye of little faith? |
| 29 | Lani-ke lingadingi elizakudla lelizakunatha; njalo lingakhathazeki. | And seek not ye what ye shall eat, or what ye shall drink, neither be ye of doubtful mind. |
| 30 | Ngoba konke lokhu izizwe zomhlaba ziyakudinga; kodwa uYihlo uyazi ukuthi liyaziswela lezizinto. | For all these things do the nations of the world seek after: and your Father knoweth that ye have need of these things. |
| 31 | Kodwa dingani umbuso kaNkulunkulu, njalo zonke lezizinto zizakwengezelelwa kini. | But rather seek ye the kingdom of God; and all these things shall be added unto you. |
| 32 | Lingesabi, mhlambi omncinyane; ngoba kuyikuthanda kukaYihlo ukulinika umbuso. | Fear not, little flock; for it is your Father’s good pleasure to give you the kingdom. |
| 33 | Thengisani impahla zenu liphe izipho. Lizenzele imixhaka engagugiyo, impahla eligugu engapheliyo emazulwini, lapho okungasondeli isela khona, lenundu engoni khona; | Sell that ye have, and give alms; provide yourselves bags which wax not old, a treasure in the heavens that faileth not, where no thief approacheth, neither moth corrupteth. |
| 34 | ngoba lapho okukhona impahla yenu eligugu, izakuba khona lapho lenhliziyo yenu. | For where your treasure is, there will your heart be also. |
| 35 | Inkalo zenu kazihlale zibotshiwe, lezibane zenu zibhebha; | Let your loins be girded about, and your lights burning; |
| 36 | lani libe njengabantu abalindele inkosi yabo, lapho izabuya ivela emtshadweni, ukuze, nxa ifika iqoqoda, bahle bayivulele. | And ye yourselves like unto men that wait for their lord, when he will return from the wedding; that when he cometh and knocketh, they may open unto him immediately. |
| 37 | Zibusisiwe lezozinceku, okuzakuthi inkosi nxa ifika izifice zilindile; ngiqinisile ngithi kini: Izabhinca, izihlalise ekudleni, isondele izisebenzele. | Blessed are those servants, whom the lord when he cometh shall find watching: verily I say unto you, that he shall gird himself, and make them to sit down to meat, and will come forth and serve them. |
| 38 | Njalo nxa ifika ngomlindo wesibili, kumbe ifika ngomlindo wesithathu, futhi izifice zinjalo, zibusisiwe lezozinceku. | And if he shall come in the second watch, or come in the third watch, and find them so, blessed are those servants. |
| 39 | Kodwa yazini lokhu, ukuthi uba umninindlu ebelazi ihola isela elizafika ngalo, ubezalinda, futhi ubengayikuvuma ukuthi indlu yakhe ifohlelwe. | And this know, that if the goodman of the house had known what hour the thief would come, he would have watched, and not have suffered his house to be broken through. |
| 40 | Ngakho lani-ke hlalani lilungile; ngoba ngehola elingalicabangeliyo iNdodana yomuntu izafika. | Be ye therefore ready also: for the Son of man cometh at an hour when ye think not. |
| 41 | UPetro wasesithi kuye: Nkosi, uwutshela thina lumfanekiso, kumbe labo bonke yini? | Then Peter said unto him, Lord, speakest thou this parable unto us, or even to all? |
| 42 | INkosi yasisithi: Pho ngubani umphathi wezinceku othembekileyo lohlakaniphileyo, inkosi ezambeka phezu kwabendlu yayo, ukuze abanike isabelo sabo sokudla ngesikhathi esifaneleyo? | And the Lord said, Who then is that faithful and wise steward, whom his lord shall make ruler over his household, to give them their portion of meat in due season? |
| 43 | Ibusisiwe leyonceku, okuzakuthi inkosi yayo nxa ifika iyifice isenza njalo. | Blessed is that servant, whom his lord when he cometh shall find so doing. |
| 44 | Ngiqinisile ngithi kini: Izayibeka phezu kwakho konke elakho. | Of a truth I say unto you, that he will make him ruler over all that he hath. |
| 45 | Kodwa nxa leyonceku isithi enhliziyweni yayo: Inkosi yami iphuzile ukubuya; njalo ibisiqala ukutshaya izinceku lezincekukazi, lokudla lokunatha lokudakwa, | But and if that servant say in his heart, My lord delayeth his coming; and shall begin to beat the menservants and maidens, and to eat and drink, and to be drunken; |
| 46 | inkosi yaleyonceku izafika ngosuku engayilindele ngalo, langehola engalaziyo; izayiquma phakathi, izanika isabelo sayo lalabo abangathembekanga. | The lord of that servant will come in a day when he looketh not for him, and at an hour when he is not aware, and will cut him in sunder, and will appoint him his portion with the unbelievers. |
| 47 | Laleyonceku ebisazi intando yenkosi yayo, kodwa ingalungiselanga njalo ingenzanga ngokwentando yayo, izatshaywa imivimvinya eminengi. | And that servant, which knew his lord’s will, and prepared not himself, neither did according to his will, shall be beaten with many stripes. |
| 48 | Kodwa leyo ebingayazi, yenza okufanele ukutshaywa, izatshaywa imivimvinya emilutshwana. Laye wonke ophiwe okunengi, kuzadingwa okunengi kuye; lalowo ophathiswe okunengi, kuzabizwa kuye okungaphezulu. | But he that knew not, and did commit things worthy of stripes, shall be beaten with few stripes. For unto whomsoever much is given, of him shall be much required: and to whom men have committed much, of him they will ask the more. |
| 49 | Ngize ukuphosela umlilo emhlabeni, futhi kuyini engikufisayo nxa usubasiwe? | I am come to send fire on the earth; and what will I, if it be already kindled? |
| 50 | Kodwa ngilobhabhathizo engizabhabhathizwa ngalo, futhi ngicindezelwe kangakanani luze lupheleliswe. | But I have a baptism to be baptized with; and how am I straitened till it be accomplished! |
| 51 | Licabanga ukuthi ngize ukunika ukuthula emhlabeni yini? Hatshi bo, ngithi kini, kodwa kulalokhu ukwehlukana. | Suppose ye that I am come to give peace on earth? I tell you, Nay; but rather division: |
| 52 | Ngoba kusukela khathesi abahlanu endlini yinye bazakwehlukana, abathathu bamelane lababili, lababili bamelane labathathu, | For from henceforth there shall be five in one house divided, three against two, and two against three. |
| 53 | bazakwehlukana, uyise amelane lendodana, lendodana imelane loyise; unina amelane lendodakazi, lendodakazi imelane lonina; uninazala amelane lomalokazana wakhe, lomalokazana amelane loninazala. | The father shall be divided against the son, and the son against the father; the mother against the daughter, and the daughter against the mother; the mother in law against her daughter in law, and the daughter in law against her mother in law. |
| 54 | Wasesithi lemaxukwini: Nxa libona iyezi lisukuma entshonalanga, lihle lithi: Izulu liyabuya; futhi kube njalo. | And he said also to the people, When ye see a cloud rise out of the west, straightway ye say, There cometh a shower; and so it is. |
| 55 | Njalo nxa libona umoya weningizimu uphephetha, lithi: Lizatshisa; besekusenzakala. | And when ye see the south wind blow, ye say, There will be heat; and it cometh to pass. |
| 56 | Bazenzisi! Liyakwazi ukuhlola umumo wesibhakabhaka lowomhlaba; kodwa lesisikhathi kungani lingasihloli? | Ye hypocrites, ye can discern the face of the sky and of the earth; but how is it that ye do not discern this time? |
| 57 | Pho, kungani ukuthi lingahluleli lani lina uqobo lwenu okulungileyo? | Yea, and why even of yourselves judge ye not what is right? |
| 58 | Ngoba nxa usiya lomangalelene laye kumantshi, endleleni yenza ubungcono ukuthi ukhululwe kuye; hlezi akudonsele kumahluleli, lomahluleli akunikele epholiseni, lepholisa likuphosele entolongweni. | When thou goest with thine adversary to the magistrate, as thou art in the way, give diligence that thou mayest be delivered from him; lest he hale thee to the judge, and the judge deliver thee to the officer, and the officer cast thee into prison. |
| 59 | Ngithi kuwe, kawusoze waphuma khona, uze ubhadale lenhlamvu encane yemali yokucina. | I tell thee, thou shalt not depart thence, till thou hast paid the very last mite. |
Ndebele Bible — getbible.net(CrossWire SWORD 모듈)에서 가져옴 · 라이선스: GFDL · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL