누가복음 10장 Ndebele Bible
Ndebele Bible · 은데벨레어 · 누가복음 (Luke) · 42절 · 대역: King James Version
| 절 | Ndebele Bible | King James Version |
|---|---|---|
| 1 | Njalo emva kwalezizinto iNkosi yamisa njalo abanye abangamatshumi ayisikhombisa, yabathuma ngababili phambi kobuso bayo emizini yonke lezindaweni zonke ebizakuya kuzo yona. | After these things the Lord appointed other seventy also, and sent them two and two before his face into every city and place, whither he himself would come. |
| 2 | Ngakho yathi kubo: Isibili isivuno sikhulu, kodwa izisebenzi zinlutshwana. Ngakho ncengani eNkosini yesivuno, ukuze ithume izisebenzi esivunweni sayo. | Therefore said he unto them, The harvest truly is great, but the labourers are few: pray ye therefore the Lord of the harvest, that he would send forth labourers into his harvest. |
| 3 | Hambani; khangelani, mina ngiyalithuma linjengezimvana phakathi kwezimpisi. | Go your ways: behold, I send you forth as lambs among wolves. |
| 4 | Lingaphathi umxhaka, lesikhwama, lamanyathela; njalo lingabingeleli muntu endleleni. | Carry neither purse, nor scrip, nor shoes: and salute no man by the way. |
| 5 | Njalo lakuyiphi indlu elingena kuyo, qalani lithi: Ukuthula kakube kulindlu. | And into whatsoever house ye enter, first say, Peace be to this house. |
| 6 | Njalo uba kukhona lapho indodana yokuthula, ukuthula kwenu kuzahlala phezu kwayo; kodwa uba kungenjalo, kuzabuyela kini. | And if the son of peace be there, your peace shall rest upon it: if not, it shall turn to you again. |
| 7 | Hlalani-ke kuleyondlu, lidle linathe izinto ezivela kubo; ngoba isisebenzi sifanele umvuzo waso. Lingayi endlini lendlini. | And in the same house remain, eating and drinking such things as they give: for the labourer is worthy of his hire. Go not from house to house. |
| 8 | Lakuwuphi umuzi elingena kuwo, besebelemukela, dlanini okubekwa phambi kwenu, | And into whatsoever city ye enter, and they receive you, eat such things as are set before you: |
| 9 | lisilise abagulayo abakuwo, njalo lithi kubo: Umbuso kaNkulunkulu usondele kini. | And heal the sick that are therein, and say unto them, The kingdom of God is come nigh unto you. |
| 10 | Kodwa lakuwuphi umuzi elingena kuwo, futhi bengalemukeli, phumelani endleleni zawo, lithi: | But into whatsoever city ye enter, and they receive you not, go your ways out into the streets of the same, and say, |
| 11 | Lothuli lomuzi wenu olusinamatheleyo siyaluthintithela kini; kodwa-ke yazini lokhu, ukuthi umbuso kaNkulunkulu usondele kini. | Even the very dust of your city, which cleaveth on us, we do wipe off against you: notwithstanding be ye sure of this, that the kingdom of God is come nigh unto you. |
| 12 | Njalo ngithi kini: Kuzakuba lula eSodoma ngalolosuku, kulakulowomuzi. | But I say unto you, that it shall be more tolerable in that day for Sodom, than for that city. |
| 13 | Maye kuwe, Korazini! Maye kuwe, Bhethisayida! Ngoba uba kwakwenziwe eTire leSidoni imisebenzi yamandla eyenziwe kini, ngabe kade baphenduka bahlala emasakeni lemlotheni. | Woe unto thee, Chorazin! woe unto thee, Bethsaida! for if the mighty works had been done in Tyre and Sidon, which have been done in you, they had a great while ago repented, sitting in sackcloth and ashes. |
| 14 | Kodwa kuzakuba lula eTire leSidoni ekugwetshweni, kulakini. | But it shall be more tolerable for Tyre and Sidon at the judgment, than for you. |
| 15 | Lawe, Kapenawume, ophakanyiselwe ezulwini, uzaphoselwa phansi esihogweni. | And thou, Capernaum, which art exalted to heaven, shalt be thrust down to hell. |
| 16 | Olizwayo lina uyangizwa mina; lolalayo lina uyangala mina; longalayo mina uyamala ongithumileyo. | He that heareth you heareth me; and he that despiseth you despiseth me; and he that despiseth me despiseth him that sent me. |
| 17 | Babuya-ke abangamatshumi ayisikhombisa ngentokozo, besithi: Nkosi, lamadimoni ayazehlisela ngaphansi kwethu ebizweni lakho. | And the seventy returned again with joy, saying, Lord, even the devils are subject unto us through thy name. |
| 18 | Wasesithi kubo: Ngabona uSathane njengombane esiwa evela ezulwini. | And he said unto them, I beheld Satan as lightning fall from heaven. |
| 19 | Khangelani, ngilinika amandla okunyathela phezu kwezinyoka labofezela, laphezu kwamandla wonke esitha; njalo akusoze kube lalutho olungalilimaza. | Behold, I give unto you power to tread on serpents and scorpions, and over all the power of the enemy: and nothing shall by any means hurt you. |
| 20 | Kodwa lingathokozi ngalokho ukuthi omoya bayazehlisela ngaphansi kwenu; kodwa ikakhulu thokozani ukuthi amabizo enu alotshiwe emazulwini. | Notwithstanding in this rejoice not, that the spirits are subject unto you; but rather rejoice, because your names are written in heaven. |
| 21 | Ngalelohola uJesu wathokoza emoyeni, wathi: Ngiyakubonga, Baba, Nkosi yezulu lomhlaba, ngoba uzifihlile lezizinto kwabahlakaniphileyo labaqedisisayo, kodwa wazembulela izingane; yebo, Baba, ngoba ngokunjalo kwaba kuhle phambi kwakho. | In that hour Jesus rejoiced in spirit, and said, I thank thee, O Father, Lord of heaven and earth, that thou hast hid these things from the wise and prudent, and hast revealed them unto babes: even so, Father; for so it seemed good in thy sight. |
| 22 | Konke kwanikelwa kimi nguBaba; njalo kakho owaziyo ukuthi iNdodana ingubani, ngaphandle kukaBaba, lokuthi uBaba ungubani, ngaphandle kweNdodana, njalo loba ngubani iNdodana ethanda ukumembulela. | All things are delivered to me of my Father: and no man knoweth who the Son is, but the Father; and who the Father is, but the Son, and he to whom the Son will reveal him. |
| 23 | Wasephendukela kubafundi bebodwa wathi: Abusisiwe amehlo abona elikubonayo. | And he turned him unto his disciples, and said privately, Blessed are the eyes which see the things that ye see: |
| 24 | Ngoba ngithi kini: Abaprofethi abanengi lamakhosi babethanda ukubona izinto elizibonayo lina, kodwa kabazibonanga; lokuzwa izinto elizizwayo, kodwa kabazizwanga. | For I tell you, that many prophets and kings have desired to see those things which ye see, and have not seen them; and to hear those things which ye hear, and have not heard them. |
| 25 | Njalo khangela, isazumthetho esithile sasesisukuma, simlinga, sisithi: Mfundisi, ngenzeni ukuze ngidle ilifa lempilo elaphakade? | And, behold, a certain lawyer stood up, and tempted him, saying, Master, what shall I do to inherit eternal life? |
| 26 | Wasesithi kuso: Kubhalweni emlayweni? Uwubala njani? | He said unto him, What is written in the law? how readest thou? |
| 27 | Sasesiphendula sathi: Wothanda iNkosi uNkulunkulu wakho, ngenhliziyo yakho yonke, langomphefumulo wakho wonke, langamandla akho wonke, langengqondo yakho yonke; lomakhelwane wakho njengalokhu uzithanda wena. | And he answering said, Thou shalt love the Lord thy God with all thy heart, and with all thy soul, and with all thy strength, and with all thy mind; and thy neighbour as thyself. |
| 28 | Wasesithi kuso: Uphendule ngokuqonda; yenza lokhu, futhi uzaphila. | And he said unto him, Thou hast answered right: this do, and thou shalt live. |
| 29 | Kodwa sona sithanda ukuzilungisisa sathi kuJesu: Kanti ngubani umakhelwane wami? | But he, willing to justify himself, said unto Jesus, And who is my neighbour? |
| 30 | UJesu wasephendula wathi: Umuntu othile wehla evela eJerusalema esiya eJeriko, watheleka phakathi kwabaphangi, njalo bamhlubula impahla bamtshaya imivimvinya basuka bahamba, bamtshiya ephosukufa. | And Jesus answering said, A certain man went down from Jerusalem to Jericho, and fell among thieves, which stripped him of his raiment, and wounded him, and departed, leaving him half dead. |
| 31 | Umpristi othile waseqabuka esehla ngaleyondlela; njalo wathi embona, wadlula eceleni. | And by chance there came down a certain priest that way: and when he saw him, he passed by on the other side. |
| 32 | Langokunjalo lomLevi nxa wayesekulindawo, wafika embona, wadlula eceleni. | And likewise a Levite, when he was at the place, came and looked on him, and passed by on the other side. |
| 33 | Kodwa umSamariya othile owayehamba wafika lapho ayekhona, njalo kwathi embona waba lesihelo, | But a certain Samaritan, as he journeyed, came where he was: and when he saw him, he had compassion on him, |
| 34 | waya kuye wabopha amanxeba akhe, ewathela amagcobo lewayini; wamkhweza phezu kweyakhe inyamazana, wamusa endlini yezihambi, wamlondoloza. | And went to him, and bound up his wounds, pouring in oil and wine, and set him on his own beast, and brought him to an inn, and took care of him. |
| 35 | Kusisa esehamba, wakhupha odenariyo* ababili wabanika umninindlu, wathi kuye: Umlondoloze; njalo loba yini ozakuchitha okwedlula lokhu, mina ngizabuyisela kuwe ekubuyeni kwami. | And on the morrow when he departed, he took out two pence, and gave them to the host, and said unto him, Take care of him; and whatsoever thou spendest more, when I come again, I will repay thee. |
| 36 | Pho, nguwuphi kulaba abathathu ocabanga ukuthi wayengumakhelwane walowo owatheleka phakathi kwabaphangi? | Which now of these three, thinkest thou, was neighbour unto him that fell among the thieves? |
| 37 | Wasesithi: Ngulowo owamenzela isihawu. Ngakho uJesu wathi kuye: Hamba, lawe wenze njalo. | And he said, He that shewed mercy on him. Then said Jesus unto him, Go, and do thou likewise. |
| 38 | Kwasekusithi ekuhambeni kwabo, yena wangena emzaneni othile; lowesifazana othile, uMarta ngebizo, wamemukela endlini yakhe. | Now it came to pass, as they went, that he entered into a certain village: and a certain woman named Martha received him into her house. |
| 39 | Njalo lo wayelodadewabo othiwa nguMariya, laye owahlala enyaweni zikaJesu, walizwa ilizwi lakhe. | And she had a sister called Mary, which also sat at Jesus’ feet, and heard his word. |
| 40 | Kodwa uMarta wayephazanyiswa yikusebenza okunengi; weza eduze wasesithi: Nkosi, kawukhathali yini ukuthi udadewethu ungitshiye ukuthi ngisebenze ngedwa? Ngakho umtshele ukuthi angisize. | But Martha was cumbered about much serving, and came to him, and said, Lord, dost thou not care that my sister hath left me to serve alone? bid her therefore that she help me. |
| 41 | Kodwa uJesu waphendula wathi kuye: Marta, Marta, uyaphiseka ukhathazeke ngezinto ezinengi; | And Jesus answered and said unto her, Martha, Martha, thou art careful and troubled about many things: |
| 42 | kodwa yinye into edingekayo; kodwa uMariya ukhethile isabelo esihle, angayikwemukwa sona. | But one thing is needful: and Mary hath chosen that good part, which shall not be taken away from her. |
Ndebele Bible — getbible.net(CrossWire SWORD 모듈)에서 가져옴 · 라이선스: GFDL · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL