고린도후서 4장 Ndebele Bible
Ndebele Bible · 은데벨레어 · 고린도후서 (2 Corinthians) · 18절 · 대역: King James Version
| 절 | Ndebele Bible | King James Version |
|---|---|---|
| 1 | Ngakho-ke, lokhu silenkonzo le, njengoba senzelwa umusa, kasidinwa; | Therefore seeing we have this ministry, as we have received mercy, we faint not; |
| 2 | kodwa sizilahlile izinto ezifihliweyo zehlazo, singahambi ebuqilini, singaphambanisi ilizwi likaNkulunkulu, kodwa ngokwenza obala iqiniso siyazibuka kuso sonke isazela sabantu phambi kukaNkulunkulu. | But have renounced the hidden things of dishonesty, not walking in craftiness, nor handling the word of God deceitfully; but by manifestation of the truth commending ourselves to every man’s conscience in the sight of God. |
| 3 | Kodwa uba futhi ivangeli lethu lembesiwe, lembesiwe kulabo ababhubhayo; | But if our gospel be hid, it is hid to them that are lost: |
| 4 | okubo unkulunkulu walelilizwe uphumputhekisile ingqondo zabangakholwayo, ukuze kungakhanyi kubo ukukhanya kwevangeli lenkazimulo kaKristu, ongumfanekiso kaNkulunkulu. | In whom the god of this world hath blinded the minds of them which believe not, lest the light of the glorious gospel of Christ, who is the image of God, should shine unto them. |
| 5 | Ngoba kasizitshumayeli, kodwa uKristu Jesu iNkosi; njalo thina sizinceku zenu ngenxa kaJesu. | For we preach not ourselves, but Christ Jesus the Lord; and ourselves your servants for Jesus’ sake. |
| 6 | Ngoba uNkulunkulu owathi ukukhanya kukhanya kuvela ebumnyameni, ukhanyisile ezinhliziyweni zethu, ukupha ukukhanya kolwazi lwenkazimulo kaNkulunkulu ebusweni bukaJesu Kristu. | For God, who commanded the light to shine out of darkness, hath shined in our hearts, to give the light of the knowledge of the glory of God in the face of Jesus Christ. |
| 7 | Kodwa silalo leligugu ezitsheni zebumba, ukuze ubuhlekazi bamandla bube ngobukaNkulunkulu, njalo bungaveli kithi; | But we have this treasure in earthen vessels, that the excellency of the power may be of God, and not of us. |
| 8 | siyaminyezelwa inhlangothi zonke, kodwa kasibandezeleki; siyadideka, kodwa kasilahli ithemba; | We are troubled on every side, yet not distressed; we are perplexed, but not in despair; |
| 9 | siyazingelwa, kodwa kasihlanyukwa; siwiselwa phansi, kodwa kasibhujiswa; | Persecuted, but not forsaken; cast down, but not destroyed; |
| 10 | sihamba sithwele njalonjalo ukufa kweNkosi uJesu emzimbeni, ukuze lempilo kaJesu ibonakaliswe emzimbeni wethu. | Always bearing about in the body the dying of the Lord Jesus, that the life also of Jesus might be made manifest in our body. |
| 11 | Ngoba thina esiphilayo sinikelwa njalonjalo ekufeni ngenxa kaJesu, ukuze lempilo kaJesu ibonakaliswe enyameni yethu efayo. | For we which live are alway delivered unto death for Jesus’ sake, that the life also of Jesus might be made manifest in our mortal flesh. |
| 12 | Ngakho ukufa kusebenza kithi, kodwa impilo kini. | So then death worketh in us, but life in you. |
| 13 | Ngakho silalowomoya wokholo, njengokulotshiweyo ukuthi: Ngakholwa, ngakho ngakhuluma; lathi siyakholwa, ngakho lathi siyakhuluma; | We having the same spirit of faith, according as it is written, I believed, and therefore have I spoken; we also believe, and therefore speak; |
| 14 | sisazi ukuthi lowo owayivusayo iNkosi uJesu uzasivusa lathi ngoJesu, asiveze kanye lani. | Knowing that he which raised up the Lord Jesus shall raise up us also by Jesus, and shall present us with you. |
| 15 | Ngoba zonke izinto zingenxa yenu, ukuze umusa ovamileyo, ngokubonga kwabanengi, wengezelelwe kube ludumo lukaNkulunkulu. | For all things are for your sakes, that the abundant grace might through the thanksgiving of many redound to the glory of God. |
| 16 | Ngakho-ke kasidinwa, kodwa lanxa umuntu wethu wangaphandle ebhujiswa, kube kanti owangaphakathi wenziwa abe mutsha insuku ngensuku. | For which cause we faint not; but though our outward man perish, yet the inward man is renewed day by day. |
| 17 | Ngoba inhlupheko yethu elula engeyomzuzwana iyasisebenzela isisindo sobukhosi esilaphakade esingelakulinganiswa isibili, | For our light affliction, which is but for a moment, worketh for us a far more exceeding and eternal weight of glory; |
| 18 | singakhangeli okubonwayo kodwa okungabonwayo; ngoba okubonwayo kungokwesikhathi; kodwa okungabonwayo ngokulaphakade. | While we look not at the things which are seen, but at the things which are not seen: for the things which are seen are temporal; but the things which are not seen are eternal. |
Ndebele Bible — getbible.net(CrossWire SWORD 모듈)에서 가져옴 · 라이선스: GFDL · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL