고린도전서 12장 Ndebele Bible
Ndebele Bible · 은데벨레어 · 고린도전서 (1 Corinthians) · 31절 · 대역: King James Version
| 절 | Ndebele Bible | King James Version |
|---|---|---|
| 1 | Maqondana-ke lezipho zomoya, bazalwane, kangithandi ukuthi lingazi. | Now concerning spiritual gifts, brethren, I would not have you ignorant. |
| 2 | Lazi ukuthi lalingabezizwe ladonselwa ezithombeni eziyizimungulu, njengelikhokhelwayo. | Ye know that ye were Gentiles, carried away unto these dumb idols, even as ye were led. |
| 3 | Ngakho ngiyalazisa, ukuthi kakho umuntu okhuluma ngoMoya kaNkulunkulu othi: UJesu uyisiqalekiso; futhi kakho umuntu ongathi: UJesu uyiNkosi, ngaphandle ngoMoya oNgcwele. | Wherefore I give you to understand, that no man speaking by the Spirit of God calleth Jesus accursed: and that no man can say that Jesus is the Lord, but by the Holy Ghost. |
| 4 | Kukhona-ke izipho ezehlukeneyo, kodwa uMoya munye. | Now there are diversities of gifts, but the same Spirit. |
| 5 | Njalo kukhona inkonzo ezehlukeneyo, kodwa iNkosi yinye. | And there are differences of administrations, but the same Lord. |
| 6 | Kukhona-ke imisebenzi eyehlukeneyo, kodwa nguNkulunkulu munye, osebenza konke kubo bonke. | And there are diversities of operations, but it is the same God which worketh all in all. |
| 7 | Kodwa ngulowo lalowo uphiwa ukubonakalisa kukaMoya kulokho okulusizo. | But the manifestation of the Spirit is given to every man to profit withal. |
| 8 | Ngoba omunye uphiwa ngoMoya ilizwi lenhlakanipho, lakomunye ilizwi lolwazi, ngoMoya munye; | For to one is given by the Spirit the word of wisdom; to another the word of knowledge by the same Spirit; |
| 9 | lakomunye ukholo, ngoMoya munye; lakomunye izipho zokusilisa, ngoMoya munye; | To another faith by the same Spirit; to another the gifts of healing by the same Spirit; |
| 10 | lakomunye ukusebenza imisebenzi yamandla, lakomunye isiprofetho, lakomunye ukwehlukanisa imimoya, lakomunye inhlobo yendimi, lakomunye ukuchasisa indimi; | To another the working of miracles; to another prophecy; to another discerning of spirits; to another divers kinds of tongues; to another the interpretation of tongues: |
| 11 | kodwa konke lokho lowoMoya munye uyakusebenza, ebabela ngulowo lalowo ngamunye njengokuthanda kwakhe. | But all these worketh that one and the selfsame Spirit, dividing to every man severally as he will. |
| 12 | Ngoba njengoba umzimba umunye, njalo ulezitho ezinengi, kodwa zonke izitho zalowomzimba munye, zizinengi, zingumzimba munye; kunjalo-ke loKristu; | For as the body is one, and hath many members, and all the members of that one body, being many, are one body: so also is Christ. |
| 13 | ngoba ngoMoya munye lathi sonke sabhabhathizelwa emzimbeni munye, loba amaJuda loba amaGriki, loba izigqili loba abakhululekileyo; futhi thina sonke sanathiswa kuMoya munye. | For by one Spirit are we all baptized into one body, whether we be Jews or Gentiles, whether we be bond or free; and have been all made to drink into one Spirit. |
| 14 | Ngoba umzimba lawo kawusiso isitho sinye kodwa ezinengi. | For the body is not one member, but many. |
| 15 | Uba unyawo lungathi: Lokhu ngingesisandla, kangisikho okomzimba; kungeyisikho ngalokho kakusilo olomzimba yini? | If the foot shall say, Because I am not the hand, I am not of the body; is it therefore not of the body? |
| 16 | Uba-ke indlebe ingathi: Lokhu ngingesilo ilihlo, kangisikho okomzimba; ngenxa yalokho kayisiyo yini eyomzimba? | And if the ear shall say, Because I am not the eye, I am not of the body; is it therefore not of the body? |
| 17 | Uba umzimba wonke ubuyilihlo, ngabe kungaphi ukuzwa? Uba wonke ubuyikuzwa, ngabe kungaphi ukunuka? | If the whole body were an eye, where were the hearing? If the whole were hearing, where were the smelling? |
| 18 | Kodwa khathesi-ke uNkulunkulu umisile izitho, yileso laleso sazo, emzimbeni, njengokuthanda kwakhe. | But now hath God set the members every one of them in the body, as it hath pleased him. |
| 19 | Kodwa uba zonke beziyisitho sinye, umzimba ngabe ungaphi? | And if they were all one member, where were the body? |
| 20 | Kodwa khathesi izitho zinengi, kodwa umzimba munye. | But now are they many members, yet but one body. |
| 21 | Ilihlo-ke lingeke latsho esandleni ukuthi: Kangikusweli. Kumbe futhi ikhanda ezinyaweni ukuthi: Kangilisweli; | And the eye cannot say unto the hand, I have no need of thee: nor again the head to the feet, I have no need of you. |
| 22 | kodwa kakhulukazi izitho zomzimba ezikhangeleka zibuthakathaka kakhulu, ziyadingeka; | Nay, much more those members of the body, which seem to be more feeble, are necessary: |
| 23 | lalezo ezomzimba esicabanga ukuthi zidelelekile kakhulu, yizo esizihlonipha ngokwengezelelwe kakhulu; lalezo ezethu ezingezinhle zilobuhle obengezelelwe kakhulu; | And those members of the body, which we think to be less honourable, upon these we bestow more abundant honour; and our uncomely parts have more abundant comeliness. |
| 24 | kanti ezinhle zethu kazikusweli; kodwa uNkulunkulu wawuhlanganisa umzimba, enika udumo olwengezelelwe kakhulu kwesikuswelayo, | For our comely parts have no need: but God hath tempered the body together, having given more abundant honour to that part which lacked: |
| 25 | ukuze kungabi khona ukwehlukana emzimbeni, kodwa izitho zinanzelelane ngokufananayo. | That there should be no schism in the body; but that the members should have the same care one for another. |
| 26 | Uba-ke kuhlupheka isitho sinye, izitho zonke zihlupheka kanye laso; uba kudunyiswa isitho sinye, izitho zonke ziyajabula kanye laso. | And whether one member suffer, all the members suffer with it; or one member be honoured, all the members rejoice with it. |
| 27 | Lina-ke lingumzimba kaKristu, lezitho ngamunye ngamunye. | Now ye are the body of Christ, and members in particular. |
| 28 | Njalo uNkulunkulu umisile abathile ebandleni, kuqala abaphostoli, okwesibili abaprofethi, okwesithathu abafundisi, besekusiba imisebenzi yamandla, besekusiba izipho zokusilisa, izenzo ezisizayo, ubukhokheli, indimi ezehlukeneyo. | And God hath set some in the church, first apostles, secondarily prophets, thirdly teachers, after that miracles, then gifts of healings, helps, governments, diversities of tongues. |
| 29 | Bonke bangabaphostoli yini? Bonke bangabaprofethi yini? Bonke bangabafundisi yini? Bonke benza imisebenzi yamandla yini? | Are all apostles? are all prophets? are all teachers? are all workers of miracles? |
| 30 | Bonke balezipho zokusilisa yini? Bonke bakhuluma ngendimi yini? Bonke bayachasisa yini? | Have all the gifts of healing? do all speak with tongues? do all interpret? |
| 31 | Kodwa fisani kakhulu izipho ezingcono. Njalo ngisalitshengisa indlela engcono kakhulukazi. | But covet earnestly the best gifts: and yet shew I unto you a more excellent way. |
Ndebele Bible — getbible.net(CrossWire SWORD 모듈)에서 가져옴 · 라이선스: GFDL · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL