로그인

데살로니가전서 5장 Esperanto

Esperanto · 에스페란토 · 데살로니가전서 (1 Thessalonians) · 28절

🖍 이 판을 읽기 도구로 읽기 📖 무료성경
  1. 1 Sed pri la tempoj kaj okazoj, fratoj, vi ne bezonas, ke oni skribu al vi.
  2. 2 Ĉar vi mem tute bone scias, ke la tago de la Sinjoro venas, kiel ŝtelisto en la nokto.
  3. 3 Dum oni diras: Paco kaj sendanĝereco, tiam subita detruo venas sur ilin, kiel naskodoloro al gravedulino, kaj ili tute ne forsaviĝos.
  4. 4 Sed vi, fratoj, ne estas en mallumo tiel, ke tiu tago vin trafus kiel ŝtelisto;
  5. 5 ĉar vi ĉiuj estas filoj de lumo kaj filoj de la tago; ni ne estas el la nokto, nek el mallumo;
  6. 6 tial ni ne dormu, kiel la ceteraj, sed ni viglu kaj estu sobraj.
  7. 7 Ĉar kiuj dormas, tiuj dormas en la nokto; kaj kiuj ebriiĝas, tiuj ebriiĝas en la nokto.
  8. 8 Sed ĉar ni estas el la tago, ni estu sobraj, surmetante la kirason de fido kaj amo, kaj, kiel kaskon, la esperon de savo.
  9. 9 Ĉar Dio nin destinis ne al kolero, sed al la ricevo de savado per nia Sinjoro Jesuo Kristo,
  10. 10 kiu mortis por ni, por ke ni vivu kune kun li, ĉu ni maldormos aŭ dormos.
  11. 11 Tial admonu vin reciproke kaj edifu unu la alian, kiel ankaŭ vi jam faradas.
  12. 12 Sed ni petegas vin, fratoj, koni tiujn, kiuj laboras ĉe vi kaj estras ĉe vi en la Sinjoro kaj vin admonas,
  13. 13 kaj estimi ilin treege kun amo pro ilia laboro. Estu pacemaj unu kun la alia.
  14. 14 Kaj ni petas vin, fratoj, admonu la senordulojn, kuraĝigu la nebravulojn, subtenu la malfortulojn, estu paciencaj kontraŭ ĉiuj.
  15. 15 Zorgu, ke neniu redonu al iu malbonon por malbono; sed ĉiam sekvu tion, kio estas bona, unu por alia kaj por ĉiuj.
  16. 16 Ĝoju ĉiam;
  17. 17 preĝu senĉese;
  18. 18 pri ĉio donu dankon; ĉar tia estas la volo de Dio en Kristo Jesuo pri vi.
  19. 19 Ne estingu la Spiriton;
  20. 20 ne malestimu profetaĵojn;
  21. 21 elprovu ĉion; tenu firme tion, kio estas bona;
  22. 22 detenu vin de ĉia formo de malbono.
  23. 23 Kaj la Dio de paco vin sanktigu tute; kaj via spirito kaj animo kaj korpo estu plene konservitaj sen kulpo, ĉe la alveno de nia Sinjoro Jesuo Kristo.
  24. 24 Fidela estas Tiu, kiu vin vokas, kiu ankaŭ faros.
  25. 25 Fratoj, preĝu por ni.
  26. 26 Salutu ĉiujn fratojn per sankta kiso.
  27. 27 Mi solene petegas vin per la Sinjoro, ke oni legu ĉi tiun epistolon antaŭ la tuta frataro.
  28. 28 La graco de nia Sinjoro Jesuo Kristo estu kun vi.

Esperanto — getbible.net(CrossWire SWORD 모듈)에서 가져옴 · 라이선스: 공개 도메인 (Public Domain) · 출처 ↗