시편 96편 1757 Church Slavonic Elizabeth Bible
1757 Church Slavonic Elizabeth Bible · 교회 슬라브어 · 시편 (Psalms) · 12절
- 1 Господь воцарися, да радуется земля, да веселятся острови мнози.
- 2 Облак и мрак окрест Его: правда и судба исправление престола Его.
- 3 Огнь пред Ним предидет и попалит окрест враги Его.
- 4 Осветиша молния Его вселенную: виде и подвижеся земля.
- 5 Горы яко воск растаяша от лица Господня, от лица Господа всея земли.
- 6 Возвестиша небеса правду Его, и видеша вси людие славу Его.
- 7 Да постыдятся вси кланяющиися истуканным, хвалящиися о идолех своих: поклонитеся Ему, вси ангели Его.
- 8 Слыша и возвеселися Сион, и возрадовашася дщери Иудейския, судеб ради Твоих, Господи:
- 9 яко Ты Господь вышний над всею землею, зело превознеслся еси над всеми боги.
- 10 Любящии Господа, ненавидите злая: хранит Господь душы преподобных Своих, из руки грешничи избавит я.
- 11 Свет возсия праведнику, и правым сердцем веселие.
- 12 Веселитеся, праведнии, о Господе, и исповедайте память святыни Его.
- 📚 1757 Church Slavonic Elizabeth Bible 책 목록
- 개역개정판 (1998)로
- 개역한글판 (1961)로
- 표준새번역 (1993)로
- King James Version로
- KJV 와 나란히
- 🌐 다른 언어·판
1757 Church Slavonic Elizabeth Bible — getbible.net(CrossWire SWORD 모듈)에서 가져옴 · 라이선스: 공개 도메인 (Public Domain) · 출처 ↗