시편 28편 1757 Church Slavonic Elizabeth Bible
1757 Church Slavonic Elizabeth Bible · 교회 슬라브어 · 시편 (Psalms) · 11절
- 1 Принесите Господеви, сынове Божии, принесите Господеви сыны овни, принесите Господеви славу и честь:
- 2 принесите Господеви славу имени Его: поклонитеся Господеви во дворе святем Его.
- 3 Глас Господень на водах, Бог славы возгреме, Господь на водах многих.
- 4 Глас Господень в крепости, глас Господень в великолепии.
- 5 Глас Господа, сокрушающаго кедры: и стрыет Господь кедры Ливанския,
- 6 и истнит я яко телца Ливанска: и возлюбленный яко сын единорожь.
- 7 Глас Господа, пресецающаго пламень огня.
- 8 Глас Господа, стрясающаго пустыню: и стрясет Господь пустыню Каддийскую.
- 9 Глас Господень, свершающий елени, и открыет дубравы: и в храме Его всякий глаголет славу.
- 10 Господь потоп населяет, и сядет Господь царь в век.
- 11 Господь крепость людем Своим даст, Господь благословит люди Своя миром.
- 📚 1757 Church Slavonic Elizabeth Bible 책 목록
- 개역개정판 (1998)로
- 개역한글판 (1961)로
- 표준새번역 (1993)로
- King James Version로
- KJV 와 나란히
- 🌐 다른 언어·판
1757 Church Slavonic Elizabeth Bible — getbible.net(CrossWire SWORD 모듈)에서 가져옴 · 라이선스: 공개 도메인 (Public Domain) · 출처 ↗