로그인

시편 20편 1757 Church Slavonic Elizabeth Bible

1757 Church Slavonic Elizabeth Bible · 교회 슬라브어 · 시편 (Psalms) · 14절

🖍 이 판을 읽기 도구로 읽기 📖 무료성경
  1. 1 Псалом Давиду.
  2. 2 Господи, силою Твоею возвеселится царь, и о спасении Твоем возрадуется зело.
  3. 3 Желание сердца его дал еси ему, и хотения устну его неси лишил его.
  4. 4 Яко предварил еси его благословением благостынным, положил еси на главе его венец от камене честна.
  5. 5 Живота просил есть у Тебе, и дал еси ему долготу дний во век века.
  6. 6 Велия слава его спасением Твоим: славу и велелепие возложиши на него.
  7. 7 Яко даси ему благословение во век века: возвеселиши его радостию с лицем Твоим.
  8. 8 Яко царь уповает на Господа, и милостию Вышняго не подвижится.
  9. 9 Да обрящется рука Твоя всем врагом Твоим, десница Твоя да обрящет вся ненавидящыя Тебе.
  10. 10 Яко положиши их яко пещь огненную во время лица Твоего: Господь гневом Своим смятет я, и снесть их огнь.
  11. 11 Плод их от земли погубиши, и семя их от сынов человеческих.
  12. 12 Яко уклониша на Тя злая, помыслиша советы, ихже не возмогут составити.
  13. 13 Яко положиши я хребет: во избытцех Твоих уготовиши лице их.
  14. 14 Вознесися, Господи, силою Твоею: воспоем и поем силы Твоя.

1757 Church Slavonic Elizabeth Bible — getbible.net(CrossWire SWORD 모듈)에서 가져옴 · 라이선스: 공개 도메인 (Public Domain) · 출처 ↗