다니엘 3장 1757 Church Slavonic Elizabeth Bible
1757 Church Slavonic Elizabeth Bible · 교회 슬라브어 · 다니엘 (Daniel) · 100절 · 대역: King James Version
| 절 | 1757 Church Slavonic Elizabeth Bible | King James Version |
|---|---|---|
| 1 | В лето осмонадесятое Навуходоносор царь сотвори тело злато, высота его лактий шестидесяти и широта его лактий шести, и постави е на поли Деире во стране Вавилонстей. | Nebuchadnezzar the king made an image of gold, whose height was threescore cubits, and the breadth thereof six cubits: he set it up in the plain of Dura, in the province of Babylon. |
| 2 | И посла (Навуходоносор царь) собрати ипаты и воеводы и местоначалники, вожди же и мучители, и сущыя на властех и вся князи стран, приити на обновление кумира, егоже постави Навуходоносор царь. | Then Nebuchadnezzar the king sent to gather together the princes, the governors, and the captains, the judges, the treasurers, the counsellors, the sheriffs, and all the rulers of the provinces, to come to the dedication of the image which Nebuchadnezzar the king had set up. |
| 3 | И собрашася местоначалницы, ипатове, воеводы, вождеве, мучителие велицыи, иже над властьми, и вси началницы стран на обновление тела, еже постави Навуходоносор царь: и сташа пред телом, еже постави Навуходоносор царь. | Then the princes, the governors, and captains, the judges, the treasurers, the counsellors, the sheriffs, and all the rulers of the provinces, were gathered together unto the dedication of the image that Nebuchadnezzar the king had set up; and they stood before the image that Nebuchadnezzar had set up. |
| 4 | И проповедник вопияше со крепостию: вам глаголется, народи, людие, племена, языцы: | Then an herald cried aloud, To you it is commanded, O people, nations, and languages, |
| 5 | в оньже час аще услышите глас трубы, свирели же и гусли, самвики же и псалтири и согласия, и всякаго рода мусикийска, падающе покланяйтеся телу златому, еже постави Навуходонсор царь: | That at what time ye hear the sound of the cornet, flute, harp, sackbut, psaltery, dulcimer, and all kinds of musick, ye fall down and worship the golden image that Nebuchadnezzar the king hath set up: |
| 6 | и иже аще не пад поклонится, в той час ввержен будет в пещь огнем горящую. | And whoso falleth not down and worshippeth shall the same hour be cast into the midst of a burning fiery furnace. |
| 7 | И бысть егда услышаша людие глас трубы, свирели же и гусли, самвики же и псалтири и согласия, и всякаго рода мусикийска, падающе вси людие, племена, языцы, покланяхуся телу златому, еже постави Навуходоносор царь. | Therefore at that time, when all the people heard the sound of the cornet, flute, harp, sackbut, psaltery, and all kinds of musick, all the people, the nations, and the languages, fell down and worshipped the golden image that Nebuchadnezzar the king had set up. |
| 8 | Тогда приступиша мужие Халдейстии и оболгаша Иудеев, | Wherefore at that time certain Chaldeans came near, and accused the Jews. |
| 9 | отвещавше реша Навуходоносору цареви: царю, во веки живи: | They spake and said to the king Nebuchadnezzar, O king, live for ever. |
| 10 | ты, царю, положил еси повеление, да всяк человек, иже аще услышит глас трубы, свирели же и гусли, самвики же и псалтири и согласия, и всякаго рода мусикийска, | Thou, O king, hast made a decree, that every man that shall hear the sound of the cornet, flute, harp, sackbut, psaltery, and dulcimer, and all kinds of musick, shall fall down and worship the golden image: |
| 11 | и не пад поклонится телу златому, ввержен будет в пещь огнем горящую. | And whoso falleth not down and worshippeth, that he should be cast into the midst of a burning fiery furnace. |
| 12 | Суть убо мужие Иудее, ихже поставил еси над делы страны Вавилионския, Седрах, Мисах и Авденаго, иже не послушаша заповеди твоея, царю, и богом твоим не служат и телу златому, еже поставил еси, не покланяются. | There are certain Jews whom thou hast set over the affairs of the province of Babylon, Shadrach, Meshach, and Abed–nego; these men, O king, have not regarded thee: they serve not thy gods, nor worship the golden image which thou hast set up. |
| 13 | Тогда Навуходоносор в ярости и гневе рече привести Седраха, Мисаха и Авденаго. И приведени быша пред царя. | Then Nebuchadnezzar in his rage and fury commanded to bring Shadrach, Meshach, and Abed–nego. Then they brought these men before the king. |
| 14 | И отвеща Навуходоносор и рече им: аще воистинну, Седрах, Мисах и Авденаго, богом моим не служите и телу златому, еже поставих, не покланяетеся? | Nebuchadnezzar spake and said unto them, Is it true, O Shadrach, Meshach, and Abed–nego, do not ye serve my gods, nor worship the golden image which I have set up? |
| 15 | Ныне убо аще есте готови, да егда услышите глас трубы, свирели же и гусли, самвики же и псалтири и согласия, и всякаго рода мусикийска, падше поклонитеся телу златому, еже сотворих: аще же не поклонитеся, в той час ввержени будете в пещь огнем горящую: и кто есть Бог, иже измет вы из руки моея? | Now if ye be ready that at what time ye hear the sound of the cornet, flute, harp, sackbut, psaltery, and dulcimer, and all kinds of musick, ye fall down and worship the image which I have made; well: but if ye worship not, ye shall be cast the same hour into the midst of a burning fiery furnace; and who is that God that shall deliver you out of my hands? |
| 16 | И отвещаша Седрах, Мисах и Авденаго, глаголюще царю Навуходоносору: не требе нам о глаголе сем отвещати тебе: | Shadrach, Meshach, and Abed–nego, answered and said to the king, O Nebuchadnezzar, we are not careful to answer thee in this matter. |
| 17 | есть бо Бог наш на небесех, Емуже мы служим, силен изяти нас от пещи огнем горящия и от руку твоею избавити нас, царю: | If it be so, our God whom we serve is able to deliver us from the burning fiery furnace, and he will deliver us out of thine hand, O king. |
| 18 | аще ли ни, ведомо да будет тебе, царю, яко богом твоим не служим и телу златому, еже поставил еси, не кланяемся. | But if not, be it known unto thee, O king, that we will not serve thy gods, nor worship the golden image which thou hast set up. |
| 19 | Тогда Навуходоносор исполнися ярости, и зрак лица его изменися на Седраха, Мисаха и Авденаго, и рече: разжжите пещь седмерицею, дондеже до конца разгорится. | Then was Nebuchadnezzar full of fury, and the form of his visage was changed against Shadrach, Meshach, and Abed–nego: therefore he spake, and commanded that they should heat the furnace one seven times more than it was wont to be heated. |
| 20 | И мужем сильным крепостию рече: оковавше Седраха, Мисаха и Авденаго, вверзите в пещь огнем горящую. | And he commanded the most mighty men that were in his army to bind Shadrach, Meshach, and Abed–nego, and to cast them into the burning fiery furnace. |
| 21 | Тогда мужие онии оковани быша с гащами своими и покрывалы, и сапогми и со одеждами своими, и ввержени быша посреде пещи огнем горящия. | Then these men were bound in their coats, their hosen, and their hats, and their other garments, and were cast into the midst of the burning fiery furnace. |
| 22 | Понеже глагол царев превозможе, и пещь разжжена бысть преизлишше: и мужей оных, иже ввергоша Седраха, Мисаха и Авденаго, уби пламень огненный. | Therefore because the king’s commandment was urgent, and the furnace exceeding hot, the flame of the fire slew those men that took up Shadrach, Meshach, and Abed–nego. |
| 23 | И мужие тии трие, Седрах, Мисах и Авденаго, падоша посреде пещи огнем горящия оковани, | And these three men, Shadrach, Meshach, and Abed–nego, fell down bound into the midst of the burning fiery furnace. |
| 24 | и хождаху посреде пламене поюще Бога и благословяще Господа. | Then Nebuchadnezzar the king was astonied, and rose up in haste, and spake, and said unto his counsellors, Did not we cast three men bound into the midst of the fire? They answered and said unto the king, True, O king. |
| 25 | И став с ними Азариа помолися сице и отверз уста своя посреде огня рече: | He answered and said, Lo, I see four men loose, walking in the midst of the fire, and they have no hurt; and the form of the fourth is like the Son of God. |
| 26 | Благословен еси, Господи, Боже отец наших, хвально и прославлено имя Твое во веки, | Then Nebuchadnezzar came near to the mouth of the burning fiery furnace, and spake, and said, Shadrach, Meshach, and Abed–nego, ye servants of the most high God, come forth, and come hither. Then Shadrach, Meshach, and Abed–nego, came forth of the midst of the fire. |
| 27 | яко праведен еси о всех, яже сотворил еси нам, и вся дела Твоя истинна, и прави путие Твои, и вси суди Твои истинни: | And the princes, governors, and captains, and the king’s counsellors, being gathered together, saw these men, upon whose bodies the fire had no power, nor was an hair of their head singed, neither were their coats changed, nor the smell of fire had passed on them. |
| 28 | и судбы истинны сотворил еси по всем, яже навел еси на ны и на град святый отец наших Иерусалим: яко истиною и судом навел еси сия вся на ны грех ради наших. | Then Nebuchadnezzar spake, and said, Blessed be the God of Shadrach, Meshach, and Abed–nego, who hath sent his angel, and delivered his servants that trusted in him, and have changed the king’s word, and yielded their bodies, that they might not serve nor worship any god, except their own God. |
| 29 | Яко согрешихом и беззаконновахом отступивше от Тебе, и прегрешихом во всех, | Therefore I make a decree, That every people, nation, and language, which speak any thing amiss against the God of Shadrach, Meshach, and Abed–nego, shall be cut in pieces, and their houses shall be made a dunghill: because there is no other God that can deliver after this sort. |
| 30 | и заповедий Твоих не послушахом, ниже соблюдохом, ниже сотворихом, якоже заповедал еси нам, да благо нам будет. | Then the king promoted Shadrach, Meshach, and Abed–nego, in the province of Babylon. |
| 31 | И вся, елика сотворил еси нам, и вся, елика навел еси на ны, истинным судом сотворил еси, | — |
| 32 | и предал еси нас в руки врагов беззаконных, мерзких отступников, и царю неправедну и лукавнейшу паче всея земли. | — |
| 33 | И ныне несть нам отверзти уст: студ и поношение быхом рабом Твоим и чтущым Тя. | — |
| 34 | Не предаждь убо нас до конца имене Твоего ради, и не разори завета Твоего, | — |
| 35 | и не отстави милости Твоея от, нас, Авраама ради возлюбленнаго от Тебе, и за Исаака раба Твоего и Израиля святаго Твоего, | — |
| 36 | имже глаголал еси умножити семя их, яко звезды небесныя и яко песок вскрай моря. | — |
| 37 | Яко, Владыко, умалихомся паче всех язык, и есмы смирени по всей земли днесь грех ради наших, | — |
| 38 | и несть во время сие князя и пророка и вожда, ниже всесожжения, ниже жертвы, ниже приношения, ниже кадила ни места, еже пожрети пред Тобою | — |
| 39 | и обрести милость: но душею сокрушенною и духом смиренным да прияти будем. | — |
| 40 | Яко во всесожжениих овних и юнчих и яко во тмах агнец тучных, тако да будет жертва наша пред Тобою днесь, и да совершится по Тебе, яко несть студа уповающым на Тя. | — |
| 41 | И ныне возследуем всем сердцем и боимся Тебе и ищем лица Твоего: | — |
| 42 | не посрами нас, но сотвори с нами по кротости Твоей и по множеству милости Твоея, | — |
| 43 | и изми нас по чудесем Твоим, и даждь славу имени Твоему, Господи. | — |
| 44 | И да посрамятся вси являющии рабом Твоим злая, и да постыдятся от всякия силы, и крепость их да сокрушится, | — |
| 45 | и да разумеют, яко Ты еси Господь Бог един и славен по всей вселенней. | — |
| 46 | И не престаша ввергшии их слуги царевы, жгуще пещь наффою и смолою, и изгребьими и хврастием: | — |
| 47 | и разливащеся пламень над пещию на лактий четыредесять девять, | — |
| 48 | и обыде и пожже, ихже обрете окрест пещи Халдейския. | — |
| 49 | Ангел же Господень сниде купно с сущими со Азариею в пещь | — |
| 50 | и оттрясе пламень огненный от пещи и сотвори среднее пещи яко дух росы шумящь: и не прикоснуся их отнюд огнь и не оскорби, ниже стужи им. | — |
| 51 | Тогда тии трие яко едиными усты пояху и благословляху и славляху Бога в пещи, глаголюще: | — |
| 52 | Благословен еси, Господи, Боже отец наших, и препетый и превозносимый во веки, и благословено имя славы Твоея святое, и препетое и превозносимое во веки. | — |
| 53 | Благословен еси во храме святыя славы Твоея, и препетый и превозносимый во веки. | — |
| 54 | Благословен еси, видяй бездны, седяй на Херувимех, и препетый и првозносимый во веки. | — |
| 55 | Благословен еси на престоле славы царствия Твоего, и препетый и превозносимый во веки. | — |
| 56 | Благословен еси на тверди небесней, и препетый и превозносимый во веки. | — |
| 57 | Благословите, вся дела Господня, Господа, пойте и превозносите Его во веки. | — |
| 58 | Благословите, Ангели Господни, Господа, пойте и превозносите Его во веки. | — |
| 59 | Благословите, небеса, Господа, пойте и превозносите Его во веки. | — |
| 60 | Благословите, воды вся, яже превыше небес, Господа, пойте и превозносите Его во веки. | — |
| 61 | Благословите, вся силы Господни, Господа, пойте и превозносите Его во веки. | — |
| 62 | Благословите, солнце и луна, Господа, пойте и превозносите Его во веки. | — |
| 63 | Благословите, звезды небесныя, Господа, пойте и превозносите Его во веки. | — |
| 64 | Благословите, всяк дождь и роса, Господа, пойте и превозносите Его во веки. | — |
| 65 | Благословите, вси дуси, Господа, пойте и превозносите Его во веки. | — |
| 66 | Благословите, огнь и вар, Господа, пойте и превозносите Его во веки. | — |
| 67 | Благословите, студь и зной, Господа, пойте и превозносите Его во веки. | — |
| 68 | Благословите, росы и иней, Господа, пойте и превозносите Его во веки. | — |
| 69 | Благословите, нощи и дние, Господа, пойте и превозносите Его во веки. | — |
| 70 | Благословите, свет и тма, Господа, пойте и превозносите Его во веки. | — |
| 71 | Благословите, лед и мраз, Господа, пойте и превозносите Его во веки. | — |
| 72 | Благословите, сланы и снези, Господа, пойте и превозносите Его во веки. | — |
| 73 | Благословите, молния и облацы, Господа, пойте и превозносите Его во веки. | — |
| 74 | Да благословит земля Господа, да поет и превозносит Его во веки. | — |
| 75 | Благословите, горы и холми, Господа, пойте и превозносите Его во веки. | — |
| 76 | Благословите, вся прозябающая на земли, Господа, пойте и превозносите Его во веки. | — |
| 77 | Благословите, источницы, Господа, пойте и превозносите Его во веки. | — |
| 78 | Благословите, моря и реки, Господа, пойте и превозносите Его во веки. | — |
| 79 | Благословите, кити и вся движущаяся в водах, Господа, пойте и превозносите Его во веки. | — |
| 80 | Благословите, вся птицы небесныя, Господа, пойте и превозносите Его во веки. | — |
| 81 | Благословите, зверие и вси скоти, Господа, пойте и превозносите Его во веки. | — |
| 82 | Благословите, сынове человечестии, Господа, пойте и превозиосите Его во веки. | — |
| 83 | Да благословит Израиль Господа, пойте и превозносите Его во веки. | — |
| 84 | Благословите, иерее Господни, Господа, пойте и превозносите Его во веки. | — |
| 85 | Благословите, раби Господни, Господа, пойте и превозносите Его во веки. | — |
| 86 | Благословите, дуси и души праведных, Господа, пойте и превозносите Его во веки. | — |
| 87 | Благословите, преподобнии и смиреннии сердцем, Господа, пойте и превозносите Его во веки. | — |
| 88 | Благословите, Ананиа, Азариа и Мисаил, Господа, пойте и превозносите Его во веки: яко изят ны от ада и спасе ны от руки смерти, и избави ны от среды пещи и горяща пламене, и от среды огня избави ны. | — |
| 89 | Исповедайтеся Господеви, яко благ, яко в век милость Его. | — |
| 90 | Благословите, вси чтущии Господа, Бога богов, пойте и исповедайтеся, яко во век милость Его. | — |
| 91 | Навуходоносор же слыша поющих их, и почудися, и воста со тщанием, и рече вельможам своим: не триех ли мужей ввергохом среде огня связаных? И реша цареви: воистинну, царю. | — |
| 92 | И рече царь: се, аз вижду мужы четыри разрешены и ходящя среде огня, и истления несть в них, и зрак четвертаго подобен сыну Божию. | — |
| 93 | Тогда прииде Навуходоносор ко устию пещи огнем разжженныя и рече: Седрах, Мисах, Авденаго, раби Бога Вышняго, изыдите и приидите. И изыдоша Седрах, Мисах, Авденаго от среды огня. | — |
| 94 | И собрашася князи и воеводы, и местоначалницы и вельможи царевы, и видяху мужей, яко не одоле огнь телесем их и власа главы их не опали, и ризы их не изменишася, и вони огненны не бяше в них. | — |
| 95 | И поклонися пред ними царь Богу, и отвеща Навуходоносор царь и рече: благословен Бог Седрахов, Мисахов и Авденаго, Иже посла Ангела Своего и изя отроки Своя, яко уповаша на Него: и слово царево премениша, и предаша телеса своя во огнь, яко да не послужат, ни поклонятся всякому богу иному, но точию Богу своему: | — |
| 96 | и аз заповедаю заповедь: вси людие, племя, язык, аще речет хулу на Бога Седрахова и Мисахова и Авденаго, в пагубу будут, и домове их в разграбление: понеже несть бога другаго, иже возможет избавити сице. | — |
| 97 | Тогда царь постави Седраха, Мисаха и Авденаго во стране Вавилонстей, и возвеличи их, и сподоби их старейшинства Иудеев всех сущих во царстве его. | — |
| 98 | Навуходоносор царь всем людем, племеном и языком сущым во всей земли, мир вам да умножится. | — |
| 99 | Знамения и чудеса, яже сотвори со мною Бог Вышний, угодно бысть предо мною возвестити вам, | — |
| 100 | коль великая и крепкая: царство Его царство вечное, и власть Его в роды и роды. | — |
- 📚 1757 Church Slavonic Elizabeth Bible 책 목록
- 개역개정판 (1998)로
- 개역한글판 (1961)로
- 표준새번역 (1993)로
- King James Version로
- 🌐 다른 언어·판
1757 Church Slavonic Elizabeth Bible — getbible.net(CrossWire SWORD 모듈)에서 가져옴 · 라이선스: 공개 도메인 (Public Domain) · 출처 ↗
King James Version — getbible.net(CrossWire SWORD 모듈)에서 가져옴 · 라이선스: GPL