고린도전서 13장 1757 Church Slavonic Elizabeth Bible
1757 Church Slavonic Elizabeth Bible · 교회 슬라브어 · 고린도전서 (1 Corinthians) · 13절
- 1 Аще языки человеческими глаголю и ангелскими, любве же не имам, бых (яко) медь звенящи, или кимвал звяцаяй.
- 2 И аще имам пророчество, и вем тайны вся и весь разум, и аще имам всю веру, яко и горы преставляти, любве же не имам, ничтоже есмь.
- 3 И аще раздам вся имения моя, и аще предам тело мое, во еже сжещи е, любве же не имам, ни кая польза ми есть.
- 4 Любы долготерпит, милосердствует, любы не завидит, любы не превозносится, не гордится,
- 5 не безчинствует, не ищет своих си, не раздражается, не мыслит зла,
- 6 не радуется о неправде, радуется же о истине:
- 7 вся любит, всему веру емлет, вся уповает, вся терпит.
- 8 Любы николиже отпадает, аще же пророчествия упразднятся, аще ли языцы умолкнут, аще разум испразднится.
- 9 От части бо разумеваем и от части пророчествуем:
- 10 егда же приидет совершенное, тогда, еже от части, упразднится.
- 11 Егда бех младенец, яко младенец глаголах, яко младенец мудрствовах, яко младенец смышлях: егда же бых муж, отвергох младенческая.
- 12 Видим убо ныне якоже зерцалом в гадании, тогда же лицем к лицу: ныне разумею от части, тогда же познаю, якоже и познан бых.
- 13 Ныне же пребывают вера, надежда, любы, три сия: болши же сих любы.
- 📚 1757 Church Slavonic Elizabeth Bible 책 목록
- 개역개정판 (1998)로
- 개역한글판 (1961)로
- 표준새번역 (1993)로
- King James Version로
- KJV 와 나란히
- 🌐 다른 언어·판
1757 Church Slavonic Elizabeth Bible — getbible.net(CrossWire SWORD 모듈)에서 가져옴 · 라이선스: 공개 도메인 (Public Domain) · 출처 ↗