로그인

시편 139편 (Psalms Gospels Acts)

(Psalms Gospels Acts) · 차모로어 · 시편 (Psalms) · 24절

🖍 이 판을 읽기 도구로 읽기 📖 무료성경
  1. 1 O Jeova, guinin unrejistrayo, ya guinin untungoyo.
  2. 2 Untutungoja y finatachongjo yan y quinajulojo; untutungoja y jinasoco desde y chagogo.
  3. 3 Unlilicue y finaposo yan y fanasonjo, ya untutungo todo y chalanjo.
  4. 4 Sa taya ni un sinangan gui jilajo: jao, estag�e, na untungoja todo, O Jeova.
  5. 5 Unoriyayeyo gui menajo, yan y tateco: yan unpolo y canaemo gui jilojo.
  6. 6 Gosn�manman este na tiningo para guajo; gostaquilo, ti si�a jucomprende.
  7. 7 Manoyo guato taeg�e y espiritumo? pat manoyo jufalag�e taeg�e yo gui menamo?
  8. 8 Yaguin cumajuloyo gui langet gaegueja jao g�ije; yanguin jujuto y camajo guiya sasalaguan, gaegueja jao locue g�ije.
  9. 9 Yanguin juchule y papan y egaan, ya jusaga gui uttimon y tase;
  10. 10 Asta ayo gaegueja y canaemo na jaosgagaejonyo, ya y agapa na canaemo umantieneyo.
  11. 11 Yanguin jualog: Magajet na utampeyo y jemjom: asta y puenge uinayo.
  12. 12 Asta y jemjom ti uninatog�e: lao y puenge ufanina taeg�ije y jaane: y jemjom yan y mananana manparejoja para jago.
  13. 13 Jago tumungo yo, sa jago magas y sumanjalomjo; guinin untampeyo gui jalom tiyan nanajo.
  14. 14 Junae jao grasias: sa gosnamaa�ao yan gosnamanman y mafatinasso: mannamanman y chechomo; ya y antijo jagostungo este.
  15. 15 Y tataotaojo ti umatog guiya jago, anae mafatinasyo gui secreto; ya matufog yo ni namanman, gui mas tagpapa na lugat gui tano.
  16. 16 Y atadogmo lumie y tataotaojo ya ti cabales: ya y lebblomo nae manmatugue todo y pedason tataotaojo, ya taya ufatta.
  17. 17 Jafa muna guaguan y jinasomo guiya guajo, O Yuus! Jafa muna megae suma�a!
  18. 18 Yanguin jutufong sija, manmegae�a y numero�a qui y inae: yanguin magmatayo, gaeguejayo trabia guiya jago.
  19. 19 Seguro na unpuno y taelaye, O Yuus: enaomina ma�uja guiya guajo y manmejga na taotao sija.
  20. 20 Sa manguentos taelaye contra jago, ya y enimigumo sija machule y naanmo pot taya.
  21. 21 Ada ti juchatlie ayo sija, O Jeova, y chumatlie jao? yan ada ti unatristeyo pot ayo sija y mangajulo contra jago?
  22. 22 Juchatlie sija ni y cabales na chinatlie: jutufong sija pot y enemigujo.
  23. 23 Rejistrayo O Yuus, ya untungo y corasonjo: chagueyo ya untungo y jinasoco sija.
  24. 24 Ya unlie cao guaja taelaye gui sumanjalomjo, ya unchachalaneyo gui chalan taejinecog.

(Psalms Gospels Acts) — getbible.net(CrossWire SWORD 모듈)에서 가져옴 · 라이선스: 자유 배포 (Copyrighted; Freely distributable) · 출처 ↗