시편 88편 Aleppo Codex
Aleppo Codex · 고대 히브리어 · 시편 (Psalms) · 19절
- 1 שיר מזמור לבני-קרחלמנצח על-מחלת לענות משכיל להימן האזרחי
- 2 יהוה אלהי ישועתי— יום-צעקתי בלילה נגדך
- 3 תבוא לפניך תפלתי הטה אזנך לרנתי
- 4 כי-שבעה ברעות נפשי וחיי לשאול הגיעו
- 5 נחשבתי עם-יורדי בור הייתי כגבר אין-איל
- 6 במתים חפשיכמו חללים שכבי קבר— אשר לא זכרתם עודוהמה מידך נגזרו
- 7 שתני בבור תחתיות במחשכים במצלות
- 8 עלי סמכה חמתך וכל-משבריך ענית סלה
- 9 הרחקת מידעי ממני שתני תועבות למו כלא ולא אצא
- 10 עיני דאבה מני-עניקראתיך יהוה בכל-יום שטחתי אליך כפי
- 11 הלמתים תעשה-פלא אם-רפאים יקומו יודוך סלה
- 12 היספר בקבר חסדך אמונתך באבדון
- 13 היודע בחשך פלאך וצדקתך בארץ נשיה
- 14 ואני אליך יהוה שועתי ובבקר תפלתי תקדמך
- 15 למה יהוה תזנח נפשי תסתיר פניך ממני
- 16 עני אני וגוע מנער נשאתי אמיך אפונה
- 17 עלי עברו חרוניך בעותיך צמתותני
- 18 סבוני כמים כל-היום הקיפו עלי יחד
- 19 הרחקת ממני אהב ורע מידעי מחשך
Aleppo Codex — getbible.net(CrossWire SWORD 모듈)에서 가져옴 · 라이선스: 공개 도메인 (Public Domain) · 출처 ↗